Mak 11
11
Yeesu jo Jerusalam jirima ne
(Mat 21:1-11; Luk 19:28-40; Jɔn 12:12-19)
1Baa dɛ tel Jerusalam dɛɛ bɛne Bɛtfej ne Bɛtani la,#Jɔn 11:18 Ɔlevere Bwejen la bɔr bela la, o tomɛ o habɔteŋra la banɛ ŋɔ bá tɔ sie, 2dɛ ŋɔ, “Hé la bwɛɛ nɔ waa lɔ he sie nɔ ta. Haa dɛɛ tel bela la, hɛɛ nao kɛŋɔ baa vɔwɛ keeɡo bie bɛl baa wola o ta soɡe bwa. Hé laa pur dɛ́ kpɔɔ ba. 3Ásɛ dɛ nomɛl bɔɔ heyaa ŋɔ bɔkwaa hɛɛ ba o ne ɛɛ yaa, hé ŋɔ he Dɔɔ dɛ nyinu dɛ́ ɛ waane, ásɛ dɛ berɛ kpɔ ba taraken.”
4Asɛ ba la dɛ ka na keeɡo bie bɛl baa lawɔ vɔwɛ ŋwɛnɛ nyoa doonyoa bɛl jwɛh. 5Baa dɛ puru la, nɛra baa cheɡɛ bela la bane bɔɔ ba ŋɔ, “Bɔkwaa he pur keeɡo bie la dɛ́ɛ ɛɔ?” 6Asɛ ba bol ɡɛ Yeesu aa ŋɔa bá bol la, asɛ nɛra la tɛɛ ba ŋwɛnɛ. 7Ba kpɔ keeɡo bie la ba tɛ Yeesu dɛ pa ba yale darawe o habɔɔ, asɛ Yeesu so o ta. 8Nɛndamanta tɛo jirima dɛ pa ba yale pa ŋwɛnɛ ta, asɛ bane ɡe kɛ papooni bela kooni la ta, dɛ pa ŋwɛnɛ la bwa ta. 9Dɛ nɛra baa tɔ Yeesu sie ne banɔ la baa ka mun la bwa dɛ si,
“Woowo!
Korowii swee naate waa valɛ o sɔn ta dɛɛ ba nɔ andɛɛɡa!#Yel 118:26
10Korowii swee ya Naa Devid kora nɔ
waa dɛ ba ira ja nɔ andɛɛɡa! Korowii jam!”
11Yeesu la Jerusalam dɛ ka jo Korowii Dea bini dɛ nyinyiŋi waa aa dɛ ɛ bela la bwa. Bɔr aa dɛ jo la nomanta, o ne o habɔteŋra fi dɛ banɛ la kaa Bɛtani.
Yeesu taah fiɡ daa bɛl
(Mat 21:18-19)
12Tɔɔ aa pera, ba le Bɛtani dɛɛ ba la, dɛ lɔr lawɛ Yeesu. 13O na fiɡ bɛl bojaŋ dɛ o moɡɛ papooni sukuu ken, dɛ fe la o mun ŋɔ o ken fe ɛɛ dɔ o nɔna anee di kɛɛ? Waa tel bela la dɛ papooni ɡboo tɔ daa la bwa, dɛkalkɛŋɔ dɛ pure nɔna ta tele mɔɔ. 14Belaa Yeesu taah fiɡ daa la ŋɔ, “Nomɛlbwa aa he nɔna dii ba kpa bwa.” Waa ŋɔ ɡɛ la, o habɔteŋra la noɔ.
15Baa tel Jerusalam la, Yeesu jo Korowii Dea bobɛl dɛɛ doŋi kon-yoɡra ne kon-yarawa baa lɔ bela la. O berɛ nɛra baa lɔ bela dɛɛ peɡri suuɡa la teeburre bwa piiɡi, dɛ taɡɛ banɔ la baa dɛ yoɡ borɔnomare la bwa kane ta. 16O ta sɛɛh nomɛlbwa kpɔ bone bɛlbwa kpɔ Korowii Dea dembaahna la bini. 17Asɛ o bol waa dɛɛ baɡ ba ŋɔ, “Ba ta chwerɛ ŋɔ,
‘Baa yerɛ n Dea harɛre nɛra bwa
Korowii soŋebɔr’#Aes 56:7 yaa?
Gɛɛ he te berɛ kpɔɔ berɛ ŋwɛɛra sɔɔhbɔr aa?”
18Sɔfonomonome ne Tɔnjerema la aa no a ɡɛ waa nɔ la, belaa ba pa mun dɛɛ nyin ŋwɛnɛ dɛ́ kpo Yeesu. Dɛ ba dɛ ɔmɔ, dɛkalkɛŋɔ dɛ o webaɡla dɛ kpo nɛra bwa nyoa.
19Bɔr aa ba dɛ jo la, Yeesu ne o habɔteŋra la le bwɛjen la ta.
Fiɡ dahole wehwela wa
(Mat 21:20-22)
20A tɔɔ aa pera chɔmbibi ne ba valɛ ŋwɛnɛ ta dɛɛ kaa la, ba kaa le fiɡ daa la ta, dɛ o sewɔ kwaraa le o nyundua ka le o lune bwa ta. 21Belaa Pita lii ɡɛ aa ɛa mɔɔ daa la sewɛ la, dɛ ŋɔ Yeesu be ŋɔ, “Nomoa, na. Fiɡ daa la haa taahno la sewɔ!”
22Asɛ Yeesu ŋɔ ba be ŋɔ, “Hé yarada Korowii. 23Kasinteŋ, nomɛlbwa waa won kpɔ yarada ŋɔ bwe nɔ be ŋɔ ó ir ka le mpo ta, waa wola tɔŋlɛ o bambile ta tamaa bɛlbwa, dɛ yarada kɛŋɔ Korowii ɛɛ wonoo ɛ ɡɛ la, aa ɛo tɛo kpela ɡe. 24Anomanta, kasinteŋ, dɛ he dɛ soŋe Korowii komɛl aa, hé yarada kɛŋɔ he dɔɔ dɔ kon la. Dɛ he wono yarada ɡɛ naa, komɛlbwa haa soŋe la, Korowii ɛɛ tɛ heyaa. 25-26Dɛ he iro che dɛɛ soŋe Korowii ɡe aa, wobɛlbwa he bala bane aa ɛ heyaa la, hé kpɔ kɛ ba ásɛ he Mɛɛ waa lɔ nyundua la ɡe kpɔ he wechɔɡa kɛ heya.”
Kpeɡri Yeesu aa dɔa dɛɛ ɛ wa wepɛɛre
(Mat 21:23-27; Luk 20:1-8)
27Asɛ Yeesu ne o habɔteŋra berɛ ba jo Jerusalam ja. Yeesu aa ba dɛ valɛ Korowii Dea la bini la, Sɔfonomonome ne Tɔnjerema ne bela nomonome la ba o be 28dɛ ba bɔɔro ŋɔ, “Umee tɛɛ ŋwɛnɛ ŋɔ hé ɛ ɡɛ waa nɔ haa dɛ ɛ nɔɔ? Umee tɛɛ kpeɡri kwaraa te nɔ?”
29Yeesu chaŋ ba ŋɔ, “Ń bɔɔ heyaa webeŋkpoŋ, dɛ he wono jemaa, mɛɛ baɡle heyaa naate waa tɛ mɛ kpeɡrii mɛɛ ɛ ɡɛ waa nɔ. 30Umee tɛ Jɔn kpeɡri wɛɛ sɔ nɛra Korowii nee laɔ? Korowiirii tɛo waa, kɛ nɛwɛnyinii tɛo wɔ? Hé baɡ mɛ naate.”
31Ate, dɛ ba ɡboɡbo dɛ tɔŋle dɔŋa dɛɛ ŋɔ, “Aah ɛrɛɛ yaa ba ŋɔe yɔ? Dɛ ya ŋɔ Korowiirii tɛo waa, wɛɛ ŋɔɔ, ‘Aah ɛrɛɛ haa wola Jɔn yaradae yɔ?’ 32Kɛ dɛ ya ŋɔ nɛwɛnyinii tɛo ɡe aa, aa werii do.” Dɛ ba dɛ ɔmɛ ba ɡbaɡba nɛra la, dɛkalkɛŋɔ dɛ nomɛlbwa yaradao kɛŋɔ Korowii keamee Jɔn. 33Anomanta, ba waa baa bola laanee kɛŋɔ, “Yaa jemɛ.”
Anee Yeesu ŋɔ ba be ŋɔ, “Gɛ haa wola jemɛ la, ɡɛɛ n ɡe aa wola heyaa naate waa tɛ mɛ kpeɡri mɛɛ ɛ a ɡɛ waa nɔ maa dɛ ɛ nɔɔ baɡle.”
Právě zvoleno:
Mak 11: mzw
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Mak 11
11
Yeesu jo Jerusalam jirima ne
(Mat 21:1-11; Luk 19:28-40; Jɔn 12:12-19)
1Baa dɛ tel Jerusalam dɛɛ bɛne Bɛtfej ne Bɛtani la,#Jɔn 11:18 Ɔlevere Bwejen la bɔr bela la, o tomɛ o habɔteŋra la banɛ ŋɔ bá tɔ sie, 2dɛ ŋɔ, “Hé la bwɛɛ nɔ waa lɔ he sie nɔ ta. Haa dɛɛ tel bela la, hɛɛ nao kɛŋɔ baa vɔwɛ keeɡo bie bɛl baa wola o ta soɡe bwa. Hé laa pur dɛ́ kpɔɔ ba. 3Ásɛ dɛ nomɛl bɔɔ heyaa ŋɔ bɔkwaa hɛɛ ba o ne ɛɛ yaa, hé ŋɔ he Dɔɔ dɛ nyinu dɛ́ ɛ waane, ásɛ dɛ berɛ kpɔ ba taraken.”
4Asɛ ba la dɛ ka na keeɡo bie bɛl baa lawɔ vɔwɛ ŋwɛnɛ nyoa doonyoa bɛl jwɛh. 5Baa dɛ puru la, nɛra baa cheɡɛ bela la bane bɔɔ ba ŋɔ, “Bɔkwaa he pur keeɡo bie la dɛ́ɛ ɛɔ?” 6Asɛ ba bol ɡɛ Yeesu aa ŋɔa bá bol la, asɛ nɛra la tɛɛ ba ŋwɛnɛ. 7Ba kpɔ keeɡo bie la ba tɛ Yeesu dɛ pa ba yale darawe o habɔɔ, asɛ Yeesu so o ta. 8Nɛndamanta tɛo jirima dɛ pa ba yale pa ŋwɛnɛ ta, asɛ bane ɡe kɛ papooni bela kooni la ta, dɛ pa ŋwɛnɛ la bwa ta. 9Dɛ nɛra baa tɔ Yeesu sie ne banɔ la baa ka mun la bwa dɛ si,
“Woowo!
Korowii swee naate waa valɛ o sɔn ta dɛɛ ba nɔ andɛɛɡa!#Yel 118:26
10Korowii swee ya Naa Devid kora nɔ
waa dɛ ba ira ja nɔ andɛɛɡa! Korowii jam!”
11Yeesu la Jerusalam dɛ ka jo Korowii Dea bini dɛ nyinyiŋi waa aa dɛ ɛ bela la bwa. Bɔr aa dɛ jo la nomanta, o ne o habɔteŋra fi dɛ banɛ la kaa Bɛtani.
Yeesu taah fiɡ daa bɛl
(Mat 21:18-19)
12Tɔɔ aa pera, ba le Bɛtani dɛɛ ba la, dɛ lɔr lawɛ Yeesu. 13O na fiɡ bɛl bojaŋ dɛ o moɡɛ papooni sukuu ken, dɛ fe la o mun ŋɔ o ken fe ɛɛ dɔ o nɔna anee di kɛɛ? Waa tel bela la dɛ papooni ɡboo tɔ daa la bwa, dɛkalkɛŋɔ dɛ pure nɔna ta tele mɔɔ. 14Belaa Yeesu taah fiɡ daa la ŋɔ, “Nomɛlbwa aa he nɔna dii ba kpa bwa.” Waa ŋɔ ɡɛ la, o habɔteŋra la noɔ.
15Baa tel Jerusalam la, Yeesu jo Korowii Dea bobɛl dɛɛ doŋi kon-yoɡra ne kon-yarawa baa lɔ bela la. O berɛ nɛra baa lɔ bela dɛɛ peɡri suuɡa la teeburre bwa piiɡi, dɛ taɡɛ banɔ la baa dɛ yoɡ borɔnomare la bwa kane ta. 16O ta sɛɛh nomɛlbwa kpɔ bone bɛlbwa kpɔ Korowii Dea dembaahna la bini. 17Asɛ o bol waa dɛɛ baɡ ba ŋɔ, “Ba ta chwerɛ ŋɔ,
‘Baa yerɛ n Dea harɛre nɛra bwa
Korowii soŋebɔr’#Aes 56:7 yaa?
Gɛɛ he te berɛ kpɔɔ berɛ ŋwɛɛra sɔɔhbɔr aa?”
18Sɔfonomonome ne Tɔnjerema la aa no a ɡɛ waa nɔ la, belaa ba pa mun dɛɛ nyin ŋwɛnɛ dɛ́ kpo Yeesu. Dɛ ba dɛ ɔmɔ, dɛkalkɛŋɔ dɛ o webaɡla dɛ kpo nɛra bwa nyoa.
19Bɔr aa ba dɛ jo la, Yeesu ne o habɔteŋra la le bwɛjen la ta.
Fiɡ dahole wehwela wa
(Mat 21:20-22)
20A tɔɔ aa pera chɔmbibi ne ba valɛ ŋwɛnɛ ta dɛɛ kaa la, ba kaa le fiɡ daa la ta, dɛ o sewɔ kwaraa le o nyundua ka le o lune bwa ta. 21Belaa Pita lii ɡɛ aa ɛa mɔɔ daa la sewɛ la, dɛ ŋɔ Yeesu be ŋɔ, “Nomoa, na. Fiɡ daa la haa taahno la sewɔ!”
22Asɛ Yeesu ŋɔ ba be ŋɔ, “Hé yarada Korowii. 23Kasinteŋ, nomɛlbwa waa won kpɔ yarada ŋɔ bwe nɔ be ŋɔ ó ir ka le mpo ta, waa wola tɔŋlɛ o bambile ta tamaa bɛlbwa, dɛ yarada kɛŋɔ Korowii ɛɛ wonoo ɛ ɡɛ la, aa ɛo tɛo kpela ɡe. 24Anomanta, kasinteŋ, dɛ he dɛ soŋe Korowii komɛl aa, hé yarada kɛŋɔ he dɔɔ dɔ kon la. Dɛ he wono yarada ɡɛ naa, komɛlbwa haa soŋe la, Korowii ɛɛ tɛ heyaa. 25-26Dɛ he iro che dɛɛ soŋe Korowii ɡe aa, wobɛlbwa he bala bane aa ɛ heyaa la, hé kpɔ kɛ ba ásɛ he Mɛɛ waa lɔ nyundua la ɡe kpɔ he wechɔɡa kɛ heya.”
Kpeɡri Yeesu aa dɔa dɛɛ ɛ wa wepɛɛre
(Mat 21:23-27; Luk 20:1-8)
27Asɛ Yeesu ne o habɔteŋra berɛ ba jo Jerusalam ja. Yeesu aa ba dɛ valɛ Korowii Dea la bini la, Sɔfonomonome ne Tɔnjerema ne bela nomonome la ba o be 28dɛ ba bɔɔro ŋɔ, “Umee tɛɛ ŋwɛnɛ ŋɔ hé ɛ ɡɛ waa nɔ haa dɛ ɛ nɔɔ? Umee tɛɛ kpeɡri kwaraa te nɔ?”
29Yeesu chaŋ ba ŋɔ, “Ń bɔɔ heyaa webeŋkpoŋ, dɛ he wono jemaa, mɛɛ baɡle heyaa naate waa tɛ mɛ kpeɡrii mɛɛ ɛ ɡɛ waa nɔ. 30Umee tɛ Jɔn kpeɡri wɛɛ sɔ nɛra Korowii nee laɔ? Korowiirii tɛo waa, kɛ nɛwɛnyinii tɛo wɔ? Hé baɡ mɛ naate.”
31Ate, dɛ ba ɡboɡbo dɛ tɔŋle dɔŋa dɛɛ ŋɔ, “Aah ɛrɛɛ yaa ba ŋɔe yɔ? Dɛ ya ŋɔ Korowiirii tɛo waa, wɛɛ ŋɔɔ, ‘Aah ɛrɛɛ haa wola Jɔn yaradae yɔ?’ 32Kɛ dɛ ya ŋɔ nɛwɛnyinii tɛo ɡe aa, aa werii do.” Dɛ ba dɛ ɔmɛ ba ɡbaɡba nɛra la, dɛkalkɛŋɔ dɛ nomɛlbwa yaradao kɛŋɔ Korowii keamee Jɔn. 33Anomanta, ba waa baa bola laanee kɛŋɔ, “Yaa jemɛ.”
Anee Yeesu ŋɔ ba be ŋɔ, “Gɛ haa wola jemɛ la, ɡɛɛ n ɡe aa wola heyaa naate waa tɛ mɛ kpeɡri mɛɛ ɛ a ɡɛ waa nɔ maa dɛ ɛ nɔɔ baɡle.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.