عٜڢٜسُعٜنْ 5
5
وٛنْدُغٛ بٜى أَلنّٛورَ
1نغَمْ مَاجُمْ مبَطٜ کٛ اَللَّه وَطَتَ ندٜ نِي عٛنْ ࢡِࢡّٜ مَاکٛ يِطَاࢡٜ؞ 2نغٜىٰطٜ ندٜرْ يِيدٜ بَنَ نٛ اَلْمَسِيحُ يِطِرِ عٜنْ، عٛحٛکِّ يٛنغْکِ مَاکٛ نغَمْ مٜىٰطٜنْ؞ عٛلِيعَنِ کِ اَللَّه بَنَ کِرْسَاطُمْ، بَنَ دٛکَّلْ مَرْنغَلْ عُورٜىٰنغٛلْ بٜلْنغٛلْ#غُرْتَاکِ 29:18؛ جَبُورَ 40:7؞؞
3بَنَ نٛ طُمْ حَانْدَنِ سٜنَاࢡٜ، تَا حَالَ دَاکَارٜىٰکُ عٜ شٛࢡْکِ کٛو کِيٜ عٜ سُونٛ وٛلْوٜ شَکَ مٛوطٛنْ؞ 4نٛنْ بٛو بٛلّٜ شٜمْتِنِيطٜ عٜ مٜىٰرٜىٰجٜ عٜ تُنْوُطٜ؞ ندِکَّ عٛنْ مبٛلْوَ بٛلّٜ غٜتّٛوجٜ؞ 5عٛنْ عَنْدِ، وَلَا دَاکَارٜىٰجٛ مَلَّ شٛࢡْطٛ مَلَّ شُونَاطٛ، وَاتٛ دٜوٛووٛ لَبِّ، حٜࢡَتَ ندٛنْنغُ ندٜرْ لَامُ اَلْمَسِيحُ عٜ اَللَّه؞
6تَا عَشّٜ غٛطّٛ عٜسْتَ عٛنْ بٜى حَالَاجِ مٜىٰرٜىٰجِ؞ نغَمْ دَلِيلَ کُوجٜ طٜعٜ تِکّٜرٜ اَللَّه طٛنْ عُکَّنٛ تُورْتَنْࢡٜ دٛوْ مَاکٛ؞ 7تَا کَوْتٜ بٜى مَࢡّٜ سَمْ؞ 8ࢡٛويْمَ عٛنْ طٛنّٛ ندٜرْ ࢩِࢡْرٜ، عَمَّا جٛنْتَ عٛنْ طٛنْ ندٜرْ أَلنّٛورَ نغَمْ دَلِيلَ کَوْتَلْ مٛنْ بٜى جَوْمِرَاوٛ؞ نغَمْ مَاجُمْ نغٜىٰطٜ بَنَ يِمْࢡٜ أَلنّٛورَ، 9نغَمْ أَلنّٛورَ طٛنْ رِمَ مبٛوطٜىٰنغَ عٜ عَدِلَاکُ عٜ غٛونغَاکُ ڢُو؞ 10تِينٜ حٜࢡْتُغٛ کٛ ڢٛتَّنْتَ جَوْمِرَاوٛ؞ 11تَا کَوْتٜ بٜى حُووٛوࢡٜ کُوطٜ مٜىٰرٜىٰجٜ طٜ ࢩِࢡْرٜ، ندِکَّ عٛنْ ݠٜڢْتَ طٜ؞ 12ڢَکَتْ، کُوطٜ طٜ ࢡٜکُووَتَ بٜى سِرِّ، کٛو وٛلْوُغٛ طٜ مَا طُمْ شٜمْتُطُمْ؞ 13عَمَّا تٛ أَلنّٛورَ ڢٜڢْتِنِ طُمْ ڢُو طُمْ وَنغَنْ؞ 14نغَمْ کٛ وَنغِ ڢُو لَاتَکٜ أَلنّٛورَ؞ نغَمْ مَاجُمْ طُمْ وِعَ:
«ڢِنْ، عَنْ طَانِيطٛ، عُمِّتَ عٜ مَايْدٜ!
ندٜنْ کَمْ اَلْمَسِيحُ يَيْنَنْتٜ؞»
15نغَمْ مَاجُمْ کَکِّلَنٜ يَحْدُ مٛنْ بٛوطُّمْ، نغَمْ تَا عٛنْ لَاتٛ ڢَاتَاࢡٜ، عَمَّا حِکْمَعٜنْ؞ 16نَڢْتٛرٜ وَکَّتِ، نغَمْ ࢩَلَاطٜ جٛنْتَاجٜ طٜ کَلُّطٜ#کٛلٛسِّعٜنْ 4:5؞؞ 17نغَمْ مَاجُمْ، تَا لَاتٜ ڢَاتَاࢡٜ، عَمَّا ݠَامٜ کٛ وٛنِ مُويٛ جَوْمِرَاوٛ؞
18تَا نغُيْکٜ، نغَمْ نغُيْکِنٛوجَمْ يَحْرَنْ حَا دَاکَارٜىٰکُ؞ ندِکَّ عٛنْ عَشَّ رُوحُ اَللَّه حٜىٰوَ ندٜرْ مٛوطٛنْ؞ 19حَوْتَادٜ، نغِمٜ جَبُورَاجٜ عٜ مَنغْتٛوجٜ عٜ غِمٜ عِوْطٜ دِغَ رُوحُ؞ نغِمَنٜ جَوْمِرَاوٛ، مَنغْتٜ مٛ بٜى جَبُورَاجٜ بٜى ࢡٜرْطٜ مٛنْ ڢُو؞ 20نغٜتّٜ اَللَّه بَابِرَاوٛ کٛو ندٜيْ نغَمْ کٛو طُمٜ بٜى عِنْدٜ جَوْمِرَاوٛ مٜنْ عِيسَى اَلْمَسِيحُ#کٛلٛسِّعٜنْ 3:16-17؞؞
وٛرْࢡٜ عٜ رٜوْࢡٜ ندٜرْ تٜىٰغَلْ
21کٛو مٛيْ مٛوطٛنْ لٜىٰسْتَنَ وٛطْࢡٜ نغَمْ دَلِيلَ طٛوْتَارٜ مٛنْ حَا اَلْمَسِيحُ؞
22عٛنٛنْ رٜوْࢡٜ، لٜىٰسْتَنٜ وٛرْࢡٜ مٛنْ بَنَ عٛنْ طٛنْ لٜىٰسْتَنَ جَوْمِرَاوٛ#کٛلٛسِّعٜنْ 3:18؛ 1 ݠِيٜرْ 3:1؞؞ 23نغَمْ غٛرْکٛ وٛنِ حٛورٜ دٜبّٛ بَنَ اَلْمَسِيحُ لَاتٛرِ حٛورٜ جَمَعَارٜ نُطِّنْࢡٜ؞ کَنغْکٛ وٛنِ کِسْنٛووٛ جَمَعَارٜ لَاتِيندٜ ࢡَنْدُ مَاکٛ؞ 24بَنَ جَمَعَارٜ نُطِّنْࢡٜ طٛنْ لٜىٰسْتَنَ اَلْمَسِيحُ، نٛنْ رٜوْࢡٜ بٛو سٜيْ لٜىٰسْتَنَ وٛرْࢡٜ مُوطُمْعٜنْ ندٜرْ کٛو طُمٜ ڢُو؞
25عٛنٛنْ وٛرْࢡٜ، نغِطٜ رٜوْࢡٜ مٛنْ بَنَ اَلْمَسِيحُ يِطِرِ جَمَعَارٜ، حٛکِّ حٛورٜ مُوطُمْ نغَمْ مَارٜ#کٛلٛسِّعٜنْ 3:19؛ 1 ݠِيٜرْ 3:5؞، 26حَا عٛسٜنَ ندٜ، عٛلَࢡِّنَ ندٜ بٜى نغِيوَمْ وٛلْدٜ مَاکٛ، 27حَا عٛدَرْنَ جَمَعَارٜ مَرْندٜ تٜدُّنغَلْ ندٜعٜ يٜىٰسٛ مَاکٛ بِلَا بَتّٜ مَلَّ ࢩٛدِ عٜ کٛ نَنْدِ، عَمَّا ندٜ سٜنِيندٜ، بِلَا عَيْبٜ؞ 28بَنَ نٛنْ بٛو وٛرْࢡٜ، سٜيْ ࢡٜنغِطَ رٜوْࢡٜ مَࢡّٜ بَنَ ࢡٜنغِطِرِ ࢡَلِّ مَࢡّٜ؞ غٛرْکٛ غِطّٛ دٜبّٛ مُمْ، يِطِ حٛورٜ مُوطُمْ؞ 29ڢَکَتْ، وَلَا مٛ وَࢩَتَ ࢡَنْدُ مُمْ، عَمَّا عٛࢩَامْنَنْ ندُ، عٛعَيْنَنْ ندُ بَنَ اَلْمَسِيحُ طٛنْ وَطَنَ جَمَعَارٜ نُطِّنْࢡٜ، 30نغَمْ عٜنٜنْ عٜنْ تٜرْطٜ ࢡَنْدُ مَاکٛ؞ 31نغَمْ مَاجُمْ: «غٛرْکٛ عَشَّنْ بَابَ مُوطُمْ عٜ دَادَ#5:31 دَادَ مَلَّ عِنَّ؞ مُوطُمْ، طَکّٛتِرَنْ بٜى دٜبّٛ مُوطُمْ، ࢡٜ طِطٛ ࢡٜلَاتٛتٛ ࢡَنْدُ وٛورُ#لَاتَانٛوجِ 2:24؞؞» 32سِرِّ لُغُّطٛ طٛنْ ندٜرْ عَايَارٜ ندٜعٜ؞ حَا عَمْ کَمْ، ندٜ طٛنْ وٛلْوَ حَالَ اَلْمَسِيحُ بٜى جَمَعَارٜ مُمْ؞ 33عَمَّا ندٜ طٛنْ وٛلْوَنَ عٛنٛنْ بٛو: سٜيْ کٛو مٛيْ مٛوطٛنْ يِطَ دٜبّٛ مُمْ بَنَ حٛورٜ مُمْ، دٜبّٛ بٛو طٛوْتَنَ غٛرُمْ؞
Právě zvoleno:
عٜڢٜسُعٜنْ 5: داَ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Fulfulde Bible Ajamiya © Bible Society of Cameroon, 2016.