عٜڢٜسُعٜنْ 4
4
ࢡَنْدُ وٛورُ
1مِطٛنْ وَسَ عٛنْ، مِنْ، کَࢡَّاطٛ نغَمْ دَلِيلَ جَوْمِرَاوٛ: نغٜىٰطٜ ڢٛدّٜ کٛ ڢٛتَّنْتَ عٜوْنَاندُ ندُ اَللَّه عٜوْنٛرِ عٛنْ؞ 2لَاتٜ تُمْ يَنغْکِنِيࢡٜ عٜ طٜلْمَ-غِکُّعٜنْ عٜ مُࢩْࢡٜ، مُࢩِندِرٜ بٜى يِيدٜ#کٛلٛسِّعٜنْ 3:12-13؞؞ 3تِينٜ عَيْنُغٛ نغٛوتَاکُ رُوحُ ندٜرْ جٛوندٜ سَلَامَنْ حَوْتُندٜ عٛنْ: 4وٛودِ ࢡَنْدُ وٛورُ عٜ رُوحُ غٛوتٛ نٛنْ بٛو تَمُّندٜ وٛورٜ دَلِيلَ عٜوْنَاندُ ندُ اَللَّه عٜوْنٛرِ عٛنْ، 5وٛودِ جَوْمِرَاوٛ غٛوتٛ عٜ نُطِّنْکِ غٛوتِ عٜ بَݠْتِسْمَ نغٛوتَ؞ 6وٛودِ اَللَّه غٛوتٛ تَنْ، کَنغْکٛ وٛنِ بَابِرَاوٛ يِمْࢡٜ ڢُو، عٛطٛنْ لَامَنٛ ࢡٜ ڢُو، عٛطٛنْ حُووْرَ بٜى مَࢡّٜ ڢُو، عٛطٛنْ ندٜرْ مَࢡّٜ ڢُو بٛو؞
7کٛو مٛيْ مٜىٰطٜنْ حٜࢡِ مٛعّٜرٜ دٜيْدٜيْ غٜطَلْ نغَلْ اَلْمَسِيحُ حٛکِّمٛ؞ 8نغَمْ مَنْ، دٜڢْتٜرٜ وِعِ:
«عٛعٜىٰنغِ حَا نٛکُّورٜ تٛوْندٜ، عٛيَحْرِ نَنغَاࢡٜ؞
عٛحٛکِّ يِمْࢡٜ دٛکّٜ#جَبُورَ 68:19؞؞»
9«عٛعٜىٰنغِ»: طُمٜ طُمْ يِطِ وِعْغٛ؟ نَا طُمْ يِطِ وِعْغٛ عٛعَارْتِ عٛجِݠِّ حَا نٛکُّوجٜ لٜسْدِ ࢡُرْطٜ لٜىٰسُغٛ نَ؟ 10جِݠِّيطٛ عٛو، کَنغْکٛ وٛنِ عٜىٰنغُطٛ حَا دٛوْ عَسَمَنْجِ ڢُو نغَمْ حَا عٛحٜبِّنَ تَغٜڢٛوجِ ڢُو؞ 11کَنغْکٛ وٛنِ دٛکُّطٛ دٛکّٜ: عٛوَطِ وٛطْࢡٜ نٜلَاࢡٜ، وٛطْࢡٜ اَلنَّبِعٜنْ، وٛطْࢡٜ وَازٛوࢡٜ، وٛطْࢡٜ بٛو وَيْنَاࢡٜ عٜ عٜکِّتِنٛوࢡٜ 12نغَمْ حَا ࢡٜتَاسْکِتِنَ سٜنَاࢡٜ نغَمْ کُوطٜ مُوطُمْعٜنْ، نغَمْ مَوْنِنْغٛ ࢡَنْدُ اَلْمَسِيحُ بٛو، 13حَا تٛ عٜنْ ڢُو عٜنْ کَوْرِتِ بٜى نُطِّنْکِ غٛوتِ عٜ عَنْدَلْ ࢡِطّٛ اَللَّه غٛوتَلْ، عٜنْ مَوْنِ بَنَ غٛطّٛ مَوْطٛ، عٜنْ نجٛتّٛ دَرْندٜ اَلْمَسِيحُ تِمُّندٜ، 14عٜنْ مٜىٰتَتَا لَاتَاغٛ ࢡِکّٛيْ کٛيْ ࢨُوغٜ ندِمْبِنْتَ، تٛکّٛتٛوکٛيْ عٜکِّتِنٛلْجِ ݠٜوٛوجِ عٜ رِکِشِ يِمْࢡٜ، دَبَرٜىٰجِ مَࢡّٜ عٜسْتَتَا عٜنْ؞ 15عَمَّا بٜى وٛلْوِندِرْغٛ غٛونغَ بٜى يِيدٜ، سٜيْ عٜنْ مَوْنَ غَلْ بَکٜىٰجٜ ڢُو حٜىٰدِ اَلْمَسِيحُ، لَاتِيطٛ حٛورٜ ࢡَنْدُ؞ 16نغَمْ دَلِيلَ مَاکٛ تٜرْطٜ ࢡَنْدُ ڢُو طٛنْ ݠٛتّٛتِرَ، ࢡَنْدُ طٛنْ حَوْتِ بٜى جٛکّٜ مُمْ کٛو طٜيٜ، طٜ طٛنْ نجٛغِ ندُ، کَلَ تٜرْغَلْ ڢُو طٛنْ حُووَ کُوغَلْ مُمْ، ࢡَنْدُ طٛنْ ࢡٜسْدٛ، طٛنْ مَوْنَ بٜى يِيدٜ#کٛلٛسِّعٜنْ 2:19؞؞
نغٜىٰندَمْ کٜسَمْ ندٜرْ کَوْتَلْ بٜى اَلْمَسِيحُ
17ندَا کٛ مبِعَنْمِ، مِطٛنْ تِطِّنَ عٛنْ بٜى عِنْدٜ جَوْمِرَاوٛ: تَا تٛکّٜ يٜىٰطُغٛ بَنَ حٜىٰڢٜىٰرْࢡٜ نغٜىٰطِرْتَ؞ کَمْࢡٜ، نُمٛوجِ مَࢡّٜ طٛنْ مَجِّنَ ࢡٜ؞ 18حَکِّيلٛوجِ مَࢡّٜ ࢩِࢡِّ، کٛعٜ مَࢡّٜ شَاتِ دَلِيلَ سٛويْندٜ عَنْدَلْ مَࢡّٜ؞ نغَمْ مَاجُمْ ࢡٜشٜنْدِ بٜى نغٜىٰندَمْ طَمْ اَللَّه حٛکَّتَ؞ 19ࢡٜشٜمْتَتَا، ࢡٜنجٛوڢِ کٛعٜ مَࢡّٜ حَا دَاکَارٜىٰکُ نغَمْ حُووُغٛ کُوطٜ شٛࢡْطٜ کٛو طٜيٜ بٜى سُونٛوجِ مَࢡّٜ ڢُو؞
20عٛنٛنْ کَمْ نَا کُوطٜ طٜعٜ عٛنْ عٜکِّتِ حَا اَلْمَسِيحُ؞ 21طُمْ عِيسَى نَنْطٛنْ عٜ طُمْ عٜکِّتِنٛلْ مَاکٛ نجَࢡْطٛنْ، نغَمْ غٛونغَ طٛنْ حَا مَاکٛ: 22عٛعٜکِّتِنِ عٛنْ نغَمْ حَا عٛنْ شٜىٰدَ بٜى نٜطّٛ مٛنْ ࢡٛويْمَاجٛ عٜ بٜى غِکُّ مُمْ ࢡٛويْمَاوُ، مٛ سُونٛوجِ مُمْ طٛنّٛ مَجِّنَ، کَلْکَ طُمْ#کٛلٛسِّعٜنْ 3:9؞، 23نٛنْ بٛو عٛنْ عَشَّ رُوحُ اَللَّه حٜسْطِتِنَ حَکِّيلٛوجِ مٛنْ، 24عٛنْ ࢡٛرْنٛ نٜطّٛ کٜسٛ مٛ اَللَّه تَغِ ندٜرْ عَدِلَاکُ عٜ سٜنَارٜ غٛونغَ مُوطُمْ#لَاتَانٛوجِ 1:26؛ کٛلٛسِّعٜنْ 3:10؞؞
25ندٜنْ کَمْ عَشّٜ ڢٜوُغٛ، مبٛلْوِنْدِرٜ غٛونغَ، نغَمْ عٜنْ ڢُو عٜنْ تٜرْطٜ حَا ࢡَنْدُ وٛورُ#جٜکَرِيَ 8:16؞؞ 26تٛ عٛنْ تِکِّ، تَا مبَطٜ حَکّٜ؞ تَا عٛنْ ࢩَلَّ بٜى تِکّٜرٜ#جَبُورَ 4:5؞، 27تَا عٛنْ ندٛکَّ عِبْلِسَ لَاوٛلْ نَنغُغٛ عٛنْ؞ 28لَاتِنٛوطٛ غُجّٛ، تَا مٜىٰتَ وُجُّغٛ؞ سٜيْ عٛحُووَ کُوغَلْ لَاࢡْنغَلْ بٜى جُوطٜ مَاکٛ، حَا عٛوُورَ، عٛوَلَّ لَاڢُࢡٜ بٛو؞ 29تَا مبٛلْوٜ بٛلّٜ نَاوْطٜ، سٜيْ نَڢٛوجٜ، مَوْنِنٛوجٜ، کَانْدُطٜ، حَا عٛنْ مٛعَّنَ نَنَنْࢡٜ عٛنْ؞ 30تَا مٜتِّنٜ رُوحُ شٜنِيطٛ، نغَمْ بٜى مَاکٛ اَللَّه وَطَنِ عٛنْ لَمْبَ مَرَلْ مُوطُمْ، حَا عٛسٛوتّٛ عٛنْ ندٜرْ ࢩَلَادٜ شٛوتُّکِ؞ 31شٛتِّنٜ مٜتَّمْࢡٜرَمْ عٜ ࢡٜرْنُکِ عٜ تِکّٜرٜ عٜ حَاعِنَارٜ عٜ تُڢْلٜ ڢُو دِغَ ندٜرْ ࢡٜرْطٜ مٛنْ؞ عِتّٜ نغَࢩَاندِ ڢُو بٛو شَکَ مٛوطٛنْ؞ 32مبٛونِنْدِرٜ، عٜنْطٛوتِرٜ، نجَاڢٛتِرٜ بَنَ اَللَّه يَاڢٛرَنِ عٛنْ ندٜرْ اَلْمَسِيحُ#کٛلٛسِّعٜنْ 3:13؞؞
Právě zvoleno:
عٜڢٜسُعٜنْ 4: داَ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Fulfulde Bible Ajamiya © Bible Society of Cameroon, 2016.