عٜڢٜسُعٜنْ 6
6
ࢡِکّٛيْ عٜ سَارٛعٜنْ
1عٛنٛنْ ࢡِکّٛيْ، طٛوْتَنٜ سَارٛعٜنْ مٛنْ نغَمْ دَلِيلَ جَوْمِرَاوٛ؞ کَنْجُمْ طُمْ کَاندُطُمْ#کٛلٛسِّعٜنْ 3:20؞؞ 2«تٜدِّنْ بَابَ مَ عٜ دَادَ مَ»، کَنْجُمْ وٛنِ عُمْرٛورٜ عَرَنْدٜىٰرٜ مَرْندٜ عِينَوٛلْ: 3«ندٜنْ کَمْ عَحٜࢡَنْ حَيْرُ، بَلْطٜ مَ نجُوتَنْ دٛوْ لٜسْدِ#غُرْتَاکِ 20:12؛ تٛوکْتَاکِ تَوْرٜىٰتَ 5:16؞؞»
4عٛنٛنْ بَابِرَاࢡٜ، تَا مٜتِّنٜ ࢡِکّٛيْ مٛنْ ࢡٜرْطٜ، عَمَّا مَوْنِنٜ کٛيْ، عٜلْتٜ کٛيْ بٜى وَسُيٜىٰجِ عِوْطِ حَا جَوْمِرَاوٛ#کٛلٛسِّعٜنْ 3:21؞؞
جٜيَاࢡٜ عٜ جَوْمِرَاࢡٜ
5عٛنٛنْ جٜيَاࢡٜ، طٛوْتَنٜ جَوْمِرَاࢡٜ مٛنْ حَا دُنِيَارُ بٜى کُلٛلْ عٜ دِوْنغٛلْ عٜ ࢡٜرْندٜ لَاࢡْندٜ، بَنَ عٛنْ طٛنْ طٛوْتَنَ اَلْمَسِيحُ؞ 6طٛوْتَنٜ ࢡٜ، نَا غِتٜ مَࢡّٜ تَنْ حَا عٛنْ نغٜرْدَنٛ ࢡٜ، عَمَّا بَنَ جٜيَاࢡٜ اَلْمَسِيحُ، کُووٜ مُويٛ اَللَّه بٜى ࢡٜرْطٜ مٛنْ ڢُو؞ 7کُووٜ کُوغَلْ مٛنْ بٜى نغِطَ مٛنْ بَنَ حُووَنٛوࢡٜ جَوْمِرَاوٛ، نَا يِمْࢡٜ؞ 8عٛنْ عَنْدِ، کُوطٜ بٛوطّٜ طٜ غٛطّٛ حُووَتَ ڢُو، کٛو عٛ مَشُّطٛ کٛو عٛدِمٛ، جَوْمِرَاوٛ وَرْجٛتٛ مٛ#کٛلٛسِّعٜنْ 3:22-25؞؞
9عٛنٛنْ جَوْمِرَاࢡٜ، نجٛغٛرٜ جٜيَاࢡٜ مٛنْ بَنَ نٛنْ؞ عَشّٜ ڢُرْکِتَاغٛ ࢡٜ؞ عٛنْ عَنْدِ عٛنٛنْ بٜى مَࢡّٜ ڢُو، عٛنْ نغٛودِ جَوْمِرَاوٛ مٛ طٛنْ حَا عَسَمَ؞ کَنغْکٛ عٛسٜنْدِندِرْتَا يِمْࢡٜ#تٛوکْتَاکِ تَوْرٜىٰتَ 10:17؛ کٛلٛسِّعٜنْ 3:25؛ 4:1؞؞
بَلْمِ مَسِيحِنغْکٜىٰجٛ
10ندَا کٛ لُتِّ وِعٜىٰغٛ: شٜمْبِطٜ تُمْ ندٜرْ کَوْتَلْ مٛنْ بٜى جَوْمِرَاوٛ بٜى بَاوْطٜ مَاکٛ مَوْطٜ؞ 11کٛوعٜ بَلْمِ اَللَّه ڢُو نغَمْ حَا عٛنْ مبَاوَ دَرْتَنَاغٛ دَبَرٜىٰجِ عِبْلِسَ؞ 12نغَمْ عٜنْ کَࢡَتَا بٜى يِمْࢡٜ، عَمَّا بٜى مَوْࢡٜ عَسَمَ عٜ مَرْࢡٜ لَامُ، بٜى مَرْࢡٜ بَاوْطٜ دٛوْ دُنِيَارُ ࢩِࢡُّندُ ندُعُ، بٜى رُوحُوجِ کَلُّطِ غٛنْطِ ندٜرْ عَسَمَنْجِ؞ 13نغَمْ مَاجُمْ نجٛغٜ بَلْمِ اَللَّه، حَا عٛنْ کٜࢡَ دَرْتَنَاغٛ کٛنّٜىٰجٛ تٛ ࢩَلَادٜ حَلُّندٜ وَرِ؞ تٛ عٛنْ نجَالَکٜ کٛو طُمٜ ڢُو، ندٜنْ کَمْ عٛنْ تَبِتَنْ؞
14ندَرٜ بٛوطُّمْ کَدِ، تَادٜ غٛونغَاکُ بَنَ تَادٛرْغٛلْ، ࢡٛرْنٜ عَدِلَاکُ بَنَ سُلْکٜ#عٜسَايَ 11:5؛ 59:17؞؞ 15تَاسْکِتَاغٛ وَازِنغٛ کُبَرْ سَلَامَنْ لَاتٛ ݠَطٜ حَا کٛسْطٜ مٛنْ#عٜسَايَ 52:7؞؞ 16کٛو ندٜيْ ڢُو نجٛغٜ نُطِّنْکِ بَنَ وَوَرْدٜ#6:16 وَوَرْدٜ مَلَّ ندَرْغَنَاوَلْ؞؞ بٜى مَارٜ ࢩِڢٛتٛنْ کُرِ سَيْطَانُ غِيتٜلٜىٰجِ ڢُو؞ 17کُڢْنٜ کِسْندَمْ بَنَ حُڢْنٜىٰرٜ نجَمْندِ، نجٛغٜ وٛلْدٜ اَللَّه بٛو بَنَ کَاڢَحِ رُوحُ اَللَّه#عٜسَايَ 59:17؞؞ 18تُمْ مبَطٜ دٛعَاجٜ عٜ تٛرْطٜ ڢٜىٰرٜ ڢٜىٰرٜىٰجٜ بٜى بَلَّلْ رُوحُ اَللَّه؞ عَيْنٜ، تَا عَشّٜ دٛعَنَاغٛ سٜنَاࢡٜ ڢُو؞ 19تٛرٜ مٛ نغَمْ عَمْ بٛو، حَا عٛحٛکَّمِّ بٛلّٜ ݠٛتُّطٜ نغَمْ وَنغِنْغٛ سِرِّ لِنْجِيلَ بٜى دَرْتَارٜ؞ 20کٛو مِ کَࢡَّاطٛ ندٜرْ ڢُرْسِنَ#6:20 ڢُرْسِنَ مَلَّ يَنغَدَ؞ جٛنْتَ، مِ وَکِيلِيجٛ لِنْجِيلَ؞ ندٛعَنٜىٰطَمْ حَا مِوَازِنَ کَ بٜى دَرْتَارٜ بَنَ نٛ طُمْ حَانْدَنِ يَمْ؞
کٛوڢْلِ
21تِکِکُسْ، دٜىٰرْطِرَاوٛ مٜنْ غِطَاطٛ، جَغِّيطٛ جَوْمِرَاوٛ کٛولَاطٛ عَنْدِنَنْ عٛنْ حَا عٛنْ ݠَامَ عٛنٛنْ بٛو نٛ نجٛوطٛرِيمِ عٜ کٛ مبَطَنْمِ ڢُو#کُوطٜ نٜلَاࢡٜ 2:4؛ 2 تِمٛتٜ 4:12؞؞ 22مِنٜلِمٛ حَا مٛوطٛنْ بٜى عَنِّيَ حَا عٛعَنْدِنَ عٛنْ جٛوندٜ عَمِنْ عٜ عٛدٜعِّتِنَ ࢡٜرْطٜ مٛنْ#کٛلٛسِّعٜنْ 4:7-8؞؞
23اَللَّه بَابِرَاوٛ عٜ عِيسَى اَلْمَسِيحُ، جَوْمِرَاوٛ، ندٛکَّ دٜىٰرْطِرَاࢡٜ سَلَامَنْ عٜ يِيدٜ حَوْتَادٜ بٜى نُطِّنْکِ؞ 24مٛعّٜرٜ اَللَّه وٛنْدَ بٜى يِطْࢡٜ جَوْمِرَاوٛ مٜنْ عِيسَى اَلْمَسِيحُ بٜى يِيدٜ ندٜ وٛنَّتَاکٛ!
Právě zvoleno:
عٜڢٜسُعٜنْ 6: داَ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Fulfulde Bible Ajamiya © Bible Society of Cameroon, 2016.