عٜڢٜسُعٜنْ 3
3
کُوغَلْ ݠٛلْ ندٜرْ عُمَّاتٛوجٜ
1نغَمْ مَنْ مِنْ ݠٛلْ، کَࢡَّاطٛ دَلِيلَ اَلْمَسِيحُ عِيسَى نغَمْ مٛوطٛنْ، عٛنٛنْ يِمْࢡٜ عُمَّاتٛوجٜ غٛطّٜ … 2عٛنْ مٜىٰطِ نَنُغٛ حَالَ کَلِيڢَاکُ نغُ اَللَّه حَلْڢِنِ يَمْ نغَمْ مٛوطٛنْ ڢٛدّٜ مٛعّٜرٜ ندٜ عٛمٛعَّنِ يَمْ؞ 3بٜى وَحَيُ عٛوَنغِنَنِ يَمْ عَنِّيَ مَاکٛ سِرِّيحَ، بَنَ کٛ عَارْتُمِ وِنْدَنغٛ عٛنْ بٜى بٛلّٜ سٜطَّ؞ 4تٛ عٛنْ نجَنغِ طُمْ، عٛنْ عَنْدَنْ نٛ مِڢَامِ سِرِّ اَلْمَسِيحُ؞ 5سِرِّ مَنْ عٛوَنغِنَنَايْنٛ يِمْࢡٜ ࢡٛويْمَ ندٜرْ غِدٜ شَالِيطٜ عَمَّا عٛوَنغِنِ طُمْ جٛنْتَ بٜى رُوحُ مَاکٛ حَا سٜنَاࢡٜ مُمْ نٜلَاࢡٜ عٜ اَلنَّبِعٜنْ مُمْ؞ 6ندَا سِرِّ عٛو: دَلِيلَ لِنْجِيلَ، يِمْࢡٜ عُمَّاتٛوجٜ غٛطّٜ بٛو لَاتٛتٛ رٛنٛوࢡٜ، ࢡٜلَاتٛتٛ تٜرْطٜ حَا ࢡَنْدُ اَلْمَسِيحُ، ࢡٜکٜࢡَنْ بٛو کٛ اَللَّه عِينَنِ إِسْرَاءِيلَ ندٜرْ عِيسَى اَلْمَسِيحُ#کٛلٛسِّعٜنْ 1:26-27؞؞
7اَللَّه مٛعَّنِ يَمْ، وَطِ يَمْ جَغِّيطٛ مُمْ؞ بَنَ نِي عٛوَارِ طُمْ ندٜرْ عَمْ بٜى بَاوْطٜ مَاکٛ، 8مِنْ لَاتِيطٛ ࢡَاوٛوجٛ ࢡَاوٛعٜنْ شَکَ سٜنَاࢡٜ ڢُو؞ عَمَّا اَللَّه مٛعَّنِ يَمْ، حَلْڢِنِ يَمْ وَازُ لِنْجِيلَ حَا عُمَّاتٛوجٜ، حَا مِعَنْدِنَ طٜ جٜيْنِتَارٜ اَلْمَسِيحُ طُوطْندٜ ندٜ حٜࢡْتَتَاکٜ سَمْ، 9مِحٛلَّ طٜ ڢُو نٛ اَللَّه حِࢡِّنِرْتَ عَنِّيَ مُمْ سِرِّيحَ؞ اَللَّه، تَغْطٛ کُوجٜ ڢُو سُوطِنٛ کَ دِغَ زَمَنُوجِ شِوَا، 10حَا عٛوَنغِنِرَ جٛنْتَ حِکْمَ مَاکٛ ڢٜىٰرٜ ڢٜىٰرٜىٰحَ بٜى جَمَعَارٜ نُطِّنْࢡٜ حَا مَوْࢡٜ عَسَمَ عٜ مَرْࢡٜ لَامُ ندٜرْ عَسَمَنْجِ؞ 11اَللَّه وَطِ طُمْ ڢٛدّٜ نُڢَيٜىٰرٜ ندٜ عٛنُڢِنٛ دِغَ ࢡٛويْمَ، عٛتِمِّنِرَ ندٜ بٜى اَلْمَسِيحُ عِيسَى، جَوْمِرَاوٛ مٜىٰطٜنْ؞ 12عٜنْ طٛنْ نُطِّنِمٛ، نغَمْ مَاجُمْ، حَا مَاکٛ کٜࢡْطٜنْ دُنغَيٜىٰرٜ يٛتَّاغٛ اَللَّه بٜى حٛولَارٜ؞ 13نغَمْ مَاجُمْ مِطٛنْ تٛرٛ عٛنْ، تَا عٛنْ تَمْݠَ نغَمْ دَلِيلَ بٛنٜىٰجِ طِ مِطٛنْ يَرَ نغَمْ مٛوطٛنْ، کَنْجِ نغٛنِ تٜدُّنغَلْ مٛنْ؞
يِيدٜ اَلْمَسِيحُ
14نغَمْ مَنْ مِتُغِّ کٛݠِّ عَمْ يٜىٰسٛ بَابِرَاوٛ؞ 15حَا مَاکٛ، کٛ وِعٜتٜ سَارٜ ڢُو حَا عَسَمَ عٜ دٛوْ لٜسْدِ حٜࢡِ عِنْدٜ مُمْ؞ 16مِطٛنْ تٛرٛ اَللَّه ڢٛدّٜ جٜيْنِتَارٜ تٜدُّنغَلْ مُمْ، حَا عٛسٜمْبِطِنَ ࢡٜرْطٜ مٛوطٛنْ بٜى بَاوْطٜ رُوحُ مَاکٛ، 17حَا اَلْمَسِيحُ جٛوطٛ ندٜرْ ࢡٜرْطٜ مٛنْ دَلِيلَ نُطِّنْکِ مٛنْ، عٛنْ تَبِتَ دٛوْ يِيدٜ، عٛنْ شٜمْبِطَ ندٜرْ مَارٜ، 18نغَمْ حَا عٛنْ کٜࢡَ ڢَامُغٛ، عٛنٛنْ عٜ سٜنَاࢡٜ ڢُو نٛ يِيدٜ اَلْمَسِيحُ يَاجِرِ، جُوتِرِ، تٛوِرِ عٜ لُغِّرِ، 19حَا عَنْدٛنْ يِيدٜ اَلْمَسِيحُ بٛو، کٛو تٛ ندٜ ࢡُرِ ڢَامُ نٜطّٛ، حَا اَللَّه حٜبِّنَ عٛنْ بٜى جٜيْنِتَارٜ مُوطُمْ ڢُو؞
20اَللَّه وَاوَنْ وَطُغٛ کٛ ࢡُرِ دٛعَاجٜ مٜنْ عٜ نُمٛوجِ مٜنْ ݠِوْ ڢٛدّٜ سٜمْبٜ حُووَاندٜ ندٜرْ مٜىٰطٜنْ؞ 21تٜدُّنغَلْ لَاتَنٛ مٛ ندٜرْ جَمَعَارٜ نُطِّنْࢡٜ، نٛنْ بٛو ندٜرْ عِيسَى اَلْمَسِيحُ، حَا غِدٜ ڢُو، حَا عَبَدَ عَبَدِنْ؞ عَامِينَ!
Právě zvoleno:
عٜڢٜسُعٜنْ 3: داَ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Fulfulde Bible Ajamiya © Bible Society of Cameroon, 2016.