عٜڢٜسُعٜنْ 2
2
دِغَ مَايْدٜ حَا نغٜىٰندَمْ
1نَانٜ کَمْ عٛنْ مَايْࢡٜنٛ نغَمْ دَلِيلَ عَيْبٜىٰجِ عٜ حَکّٜىٰجِ مٛنْ؞ 2عٛنْ نغٜىٰطِنٛ ندٜرْ مَاجِ ڢٛدّٜ جَحَرْغَلْ دُنِيَارُ ندُعُ عٜ ڢٛدّٜ عَرْدِيطٛ لَامُ نغٛنْنغُ ندٜرْ حَوَ؞ کٛو جٛنْتَ بٛو عٛطٛنْ حُووَ ندٜرْ تُورْتُࢡٜ دٛوْ عُمْرٛوجٜ اَللَّه؞ 3عٜنْ ڢُو عٜنْ لَاتِنٛ بَنَ مَࢡّٜ، عٜنْ تٛکِّنٛ سُونٛوجِ ࢡَلِّ مٜنْ؞ عٜنْ مبَطِنٛ کٛ ࢡَلِّ مٜنْ عٜ حَکِّيلٛوجِ مٜنْ طَࢡِّ ڢُو؞ ندٜ نٛنْ عٜنْ مبَانٛ، تِکّٜرٜ اَللَّه طٛنّٛ دٛوْ مٜىٰطٜنْ بَنَ دٛوْ يِمْࢡٜ وٛطْࢡٜ ڢُو؞
4عَمَّا اَللَّه عٛ طُوطَ-حِنُّيٜىٰجٛ؞ دَلِيلَ يِيدٜ مَاکٛ مَوْندٜ ندٜ عٛيِطِرِ عٜنْ، 5کٛو ندٜ عٜنْ مَايْࢡٜنٛ دَلِيلَ عَيْبٜىٰجِ مٜىٰطٜنْ، عٛيٜىٰطِتِنِ عٜنْ حَوْتَادٜ بٜى اَلْمَسِيحُ – بٜى مٛعّٜرٜ مَاکٛ کٜࢡْرُطٛنْ کِسْندَمْ#کٛلٛسِّعٜنْ 2:13؞؞ 6اَللَّه عُمِّتِنِ عٜنْ حَوْتَادٜ بٜى اَلْمَسِيحُ، جٛعِّنِ عٜنْ حَوْتَادٜ بٜى مَاکٛ حَا عَسَمَنْجِ، 7نغَمْ حٛلَّنغٛ زَمَنُوجِ غَرَنْطِ مٛعّٜرٜ مَاکٛ طُوطْندٜ، وَاتٛ مبٛوطٜىٰنغَ نغَ عٛوٛونَنِ عٜنْ ندٜرْ عِيسَى اَلْمَسِيحُ؞ 8نغَمْ بٜى مٛعّٜرٜ مَاکٛ کٜࢡْرُطٛنْ کِسْندَمْ نغَمْ عٛنْ نُطِّنِ؞ طُمْ عِوَايْ حَا مٛوطٛنْ، طُمْ دٛکَّلْ اَللَّه؞ 9طُمْ عِوَايْ بٛو حَا کُوطٜ مٛنْ، نغَمْ تَا غٛطّٛ جُرٛرٛ؞ 10نغَمْ اَللَّه بٜى حٛورٜ مُمْ تَغِ عٜنْ؞ عٛتَغِ عٜنْ ندٜرْ عِيسَى اَلْمَسِيحُ حَا عٜنْ کُووَ کُوطٜ بٛوطّٜ؞ کَنْجٜ بٛو، اَللَّه عَارْتِ تَاسْکِتِنِ طٜ حَا عٜنْ کُووَ طٜ؞
لَاتِيࢡٜ ࢡَنْدُ وٛورُ
11شِڢْتٛرٜ طُعُمْ: نَانٜ عٛنْ يِمْࢡٜ عُمَّاتٛوجٜ غٛطّٜنٛ ڢٛدّٜ طَبِيَ نٜطّٛ؞ يَحُودُعٜنْ، جُولْنِيࢡٜ طٛنْ مبِعَ عٛنْ، عٛنْ سَادٛونِعٜنْ؞ جُولْنٛلْ مَࢡّٜ، طُمْ جُولْنٛلْ ࢡَنْدُ نغٛلْ يِمْࢡٜ مبَطَتَ؞ 12سَاعِ مَنْ عٛنْ نغٛنَايْنٛ ندٜرْ اَلْمَسِيحُ، عٛنْ لَاتَاکِنٛ يِمْࢡٜ عُمَّاتٛورٜ إِسْرَاءِيلَ، عٛنْ جَنَنْࢡٜنٛ، عٛنْ نَسْتَايْنٛ ندٜرْ عَلْکَوَلْجِ طِ اَللَّه حَࢡُّنٛ بٜى عُمَّاتٛورٜ مُمْ، عٛنْ کٜࢡَايْنٛ عِينَوٛلْ اَللَّه؞ عٛنْ طٛنّٛ نجٛوطِ ندٜرْ دُنِيَارُ ندُعُ بِلَا تَمُّندٜ عٜ بِلَا اَللَّه، 13عَمَّا جٛنْتَ ندٜرْ کَوْتَلْ بٜى عِيسَى اَلْمَسِيحُ، عٛنٛنْ دَايِنٛوࢡٜ بٜى اَللَّه غٛ، عٛنْ ࢡَدِتِنَامَ دَلِيلَ ࢨِيࢨَمْ اَلْمَسِيحُ؞ 14نغَمْ کَنغْکٛ وٛنِ سَلَامَنْ مٜىٰطٜنْ، عٛوَرْتِرِ يَحُودُعٜنْ عٜ ࢡٜنْ لَاتَاکِنٛ يَحُودُعٜنْ ڢُو عُمَّاتٛورٜ وٛورٜ؞ بٜى مَايْدٜ مَاکٛ عٛيِبِّنِرِ مَحٛلْ شٜنْدُنغٛلْ شَکَ مٜىٰطٜنْ عٜ عٛتِمِّنِ کٛنَّاغُ شَکَ مٜىٰطٜنْ؞ 15عٛوِلِ تَوْرٜىٰتَ بٜى عُمْرٛوجٜ مُمْ عٜ ڢَرِلَّاجِ مُمْ، حَا عٛحَوْتَ عَسْلِيجِ طِطِ طِعِ، عٛلَاتِنَ طِ غٛطّٛ کٜسٛ غٛوتٛ ندٜرْ مَاکٛ، عٛتَبِتِنَ سَلَامَنْ#کٛلٛسِّعٜنْ 2:14؞، 16عٛسُلْحِنْدِرَ عَسْلِيجِ طِطِ طِعِ بٜى اَللَّه، ندٜرْ ࢡَنْدُ وٛورُ بٜى مَايْدٜ مَاکٛ دٛوْ لٜغَّلْ غَاڢَانغَلْ، عٛعِتَّ کٛنَّاغُ#کٛلٛسِّعٜنْ 1:20؞؞ 17عٛوَرِ وَازِنغٛ کُبَرُوٛلْ بٜلْنغٛلْ، نغٛلْ سَلَامَنْ حَا مٛوطٛنْ، عٛنٛنْ دَايِيࢡٜ عٜ ࢡَدِيࢡٜ ڢُو#عٜسَايَ 57:19؞؞ 18نغَمْ دَلِيلَ مَاکٛ عٜنْ ڢُو عٜنْ کٜࢡِ لَاوٛلْ يٛتَّاغٛ بَابِرَاوٛ ندٜرْ رُوحُ غٛوتٛ؞
19نغَمْ مَاجُمْ جٛنْتَ کَمْ، عٛنٛنْ يِمْࢡٜ عُمَّاتٛوجٜ، نَا عٛنْ جَنَنْࢡٜ مَلَّ حٛطْࢡٜ ڢَحِنْ، عَمَّا عٛنْ کَوْتِ بٜى سٜنَاࢡٜ وٛطْࢡٜ، عٛنْ طٛنْ ندٜرْ عُمَّاتٛورٜ اَللَّه، عٛنْ يِمْࢡٜ سَارٜ اَللَّه بٛو؞ 20عٛنْ نجٛعِّنَامَ دٛوْ شَࢡَّاجٜ نٜلَاࢡٜ عٜ اَلنَّبِعٜنْ؞ عِيسَى اَلْمَسِيحُ بٜى حٛورٜ مُمْ وٛنِ حَيْرٜ تَلْکُمٛورٜ؞ 21ندٜرْ مَاکٛ غٜࢡٜ ࢩِࢡَالٛ مَنْ ڢُو طٛنْ ݠٛتّٛتِرَ، حَا نغٛلْ مَوْنَ، نغٛلْ لَاتَنٛ جَوْمِرَاوٛ حَيْکَلِيرُ سٜنِيندُ؞ 22ندٜرْ کَوْتَلْ بٜى مَاکٛ عٛنٛنْ بٛو عٛنْ طٛنْ مَحٜ حَوْتَادٜ بٜى مَࢡّٜ نغَمْ حَا ࢩِࢡَالٛ نغٛعٛ لَاتٛ جٛوطٛرْدٜ ندٜ رُوحُ اَللَّه جٛوطٛتٛ حَا مُوطُمْ؞
Právě zvoleno:
عٜڢٜسُعٜنْ 2: داَ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Fulfulde Bible Ajamiya © Bible Society of Cameroon, 2016.