عٜڢٜسُعٜنْ 1
1
کٛوڢْنغٛلْ
1مِنْ ݠٛلْ، نٜلَاطٛ عِيسَى اَلْمَسِيحُ ڢٛدّٜ مُويٛ اَللَّه، مِطٛنْ وِنْدَنَ عٛنْ، عٛنٛنْ سٜنَاࢡٜ وٛنْࢡٜ حَا عٜڢٜسُسْ عٜ نُطِّنْࢡٜ عِيسَى اَلْمَسِيحُ#کُوطٜ نٜلَاࢡٜ 18:19-21؛ 19:1؞:
2اَللَّه، بَابِرَاوٛ مٜنْ عٜ جَوْمِرَاوٛ عِيسَى اَلْمَسِيحُ ندٛکَّ عٛنْ مٛعّٜرٜ عٜ سَلَامَنْ؞
بَرْکَاجِ اَللَّه دٛکَّاطِ ندٜرْ اَلْمَسِيحُ
3يٜتّٛورٜ لَاتَنٛ اَللَّه، بَابِرَاوٛ جَوْمِرَاوٛ مٜنْ عِيسَى اَلْمَسِيحُ مٛ بَرْکِطِنِ عٜنْ بٜى بَرْکَ کٛو کَيٜىٰحَ ڢٛدّٜ رُوحُ حَا عَسَمَ ندٜرْ اَلْمَسِيحُ: 4دِغَ عٛتَغَايْنٛ دُنِيَارُ تَوٛنْ، عٛسُࢡِ عٜنْ ندٜرْ اَلْمَسِيحُ حَا عٜنْ لَاتٛ سٜنَاࢡٜ، ࢡٜنغَلَا عَيْبٜ#1:4 عَيْبٜ مَلَّ غَشّٜ؞ يٜىٰسٛ مَاکٛ ندٜرْ يِيدٜ مَاکٛ؞ 5دِغَ ࢡٛويْمَ عٛعَارْتِ عٛسُࢡِ عٜنْ حَا عٜنْ لَاتٛ ࢡِࢡّٜ مَاکٛ دَلِيلَ اَلْمَسِيحُ؞ عٛمُويِ طُمْ نغَمْ طُمْ ڢٛتَّنِمٛ؞ 6مَنغْتٛورٜ لَاتَنٛ تٜدُّنغَلْ مَاکٛ نغَمْ دَلِيلَ مٛعّٜرٜ ندٜ عٛمٛعَّنِ عٜنْ بٜى ࢡِطّٛ مَاکٛ غِطَاطٛ؞
7نغَمْ دَلِيلَ ࢨِيࢨَمْ اَلْمَسِيحُ ندُڢَاطَمْ کٜࢡْطٜنْ شٛوتَّارِ عٜ يَاڢُيٜ حَکّٜىٰجِ مٜنْ ڢٛدّٜ مٛعّٜرٜ اَللَّه طُوطْندٜ#کٛلٛسِّعٜنْ 1:14؞؞ 8اَللَّه طُوطِّنَنِ عٜنْ ندٜ، حٛکِّ عٜنْ حِکْمَ عٜ حَکِّيلٛ ڢُو؞ 9عٛعَنْدِنِ عٜنْ سِرِّ مُويٛ مَاکٛ، عٛوَطِ عَنِّيَ کَعَ ندٜرْ اَلْمَسِيحُ دِغَ ࢡٛويْمَ نغَمْ طُمْ ڢٛتَّنِمٛ، 10حَا عٛحِࢡِّنَ طُمْ ندٜرْ سَاعِيرٜ ڢٛتَّنْدٜ، عٛحَوْتَ کُوجٜ غٛنْطٜ ندٜرْ عَسَمَ عٜ دٛوْ لٜسْدِ ڢُو دٛوْ عَرْدَانغَلْ اَلْمَسِيحُ؞
11بَرْکَ اَلْمَسِيحُ عٜنٜنْ بٛو عٜنْ کٜࢡِ غٜطَلْ کِسْندَمْ مٜىٰطٜنْ؞ اَللَّه، بَطَنْطٛ کٛو طُمٜ ڢُو ڢٛدّٜ نُڢَيٜ مُويٛ مُمْ، سُࢡِ عٜنْ دِغَ ࢡٛويْمَ؞ 12عٛوَطِ طُمْ نغَمْ حَا مِنْ مَنغْتَ تٜدُّنغَلْ مَاکٛ، مِنِنْ عَارْتُࢡٜ تَمّٛرَاغٛ اَلْمَسِيحُ؞ 13نٛنْ بٛو عٛنْ نَنِ وٛلْدٜ غٛونغَ، وَاتٛ لِنْجِيلَ کِسْندَمْ مٛنْ، عٛنْ نُطِّنِمٛ، اَللَّه بٛو وَطِ عٛنْ لَمْبَ رُوحُ شٜنِيطٛ مُمْ مٛ عٛعِينَنِ عٛنْ؞ 14رُوحُ مَنْ وٛنِ جٜنغِنَ ندٛنْنغُ مٜىٰطٜنْ، حَا ندٛنٜنْ نغُ تٛ عٛسٛوتِّ عٜنْ؞ مَنغْتٛورٜ لَاتَنٛ تٜدُّنغَلْ مَاکٛ!
يٜتّٛورٜ عٜ تٛرْندٜ
15نغَمْ مَاجُمْ، مِنْ بٛو ندٜ مِنَنِ حَالَ نُطِّنْکِ مٛنْ دٛوْ جَوْمِرَاوٛ عِيسَى، نٛنْ بٛو حَالَ يِيدٜ مٛنْ حٜىٰدِ سٜنَاࢡٜ ڢُو، 16مِعَشَّتَا يٜتُّغٛ اَللَّه نغَمْ دَلِيلَ مٛوطٛنْ؞ مِطٛنْ سِڢْتٛرَ عٛنْ ڢٛرٛيْ ندٜرْ دٛعَاجٜ عَمْ، 17مِطٛنْ تٛرٛ اَللَّه، مٛ عِيسَى اَلْمَسِيحُ جَوْمِرَاوٛ مٜنْ، بَابَ تٜدُّنغَلْ، حٛکَّ عٛنْ حِکْمَ عٜ وَنغِنَنَ عٛنْ غٛونغَ بٜى رُوحُ مُمْ حَا عَنْدٛنْ مٛ؞ 18اَللَّه يَيْنَنَ حَکِّلٛوجِ مٛنْ بٜى جَيْنغٛلْ مُمْ، حَا عٛنْ ݠَامَ نٛ تَمُّندٜ عِوْندٜ دِغَ عٜوْنَاندُ مَاکٛ وَعِ، نٛنْ بٛو جٜيْنِتَارٜ تٜدُّنغَلْ ندٛنْنغُ نغُ عٛسِغَنِ سٜنَاࢡٜ مَاکٛ؞ 19عٛنْ ݠَامَ بٛو بَاوْطٜ مَاکٛ ࢡُرْطٜ مَوْنُغٛ طٜ عٛحُووْرَتَ حٜىٰدِ مٜىٰطٜنْ، عٜنٜنْ نُطِّنْࢡٜ ڢٛدّٜ سٜمْبٜ مَاکٛ مَوْندٜ؞ 20بَاوْطٜ طٜعٜ، اَللَّه حُووْتِنِرِ طٜ ندٜ عٛعُمِّتِنِ اَلْمَسِيحُ شَکَ مَايْࢡٜ، عٛجٛعِّنِمٛ حَا ࢩَامٛ مَاکٛ حَا عَسَمَنْجِ#جَبُورَ 110:1؞؞ 21حَا تٛنْ اَلْمَسِيحُ طٛنْ لَامٛ دٛوْ مَوْࢡٜ عَسَمَ عٜ مَرْࢡٜ لَامُ عٜ مَرْࢡٜ بَاوْطٜ عٜ جَوْمِرَاࢡٜ عٜ عِنْطٜ تٜدُّطٜ عٜوْنٜتٜىٰطٜ کٛو طٜيٜ، نَا ندٜرْ زَمَنُورُ ندُعُ تَنْ، عَمَّا ندٜرْ وَرَنْدُ بٛو؞ 22اَللَّه وَلِّنِ کٛو طُمٜ لٜسْ کٛسْطٜ مَاکٛ، وَطِمٛ دٛوْ کٛو طُمٜ، لَاتِنِمٛ حٛورٜىٰجٛ جَمَعَارٜ نُطِّنْࢡٜ#جَبُورَ 8:7؛ کٛلٛسِّعٜنْ 1:18؞؞ 23کَيْرٜ وٛنِ ࢡَنْدُ اَلْمَسِيحُ؞ ندٜرْ مَارٜ اَلْمَسِيحُ طٛنْ بٜى حٛورٜ مُمْ، کَنغْکٛ طٛنْ حٜبِّنَ کٛو طُمٜ ڢُو، کٛو تٛيْ؞
Právě zvoleno:
عٜڢٜسُعٜنْ 1: داَ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Fulfulde Bible Ajamiya © Bible Society of Cameroon, 2016.