عٜڢٜسُعٜنْ نَسْتُکِ
نَسْتُکِ
ݠٛلْ وِنْدَنِ عٜڢٜسُعٜنْ بَتَاکٜوٛلْ نغٛعٛلْ يَاکٜ عٛکَࢡَّاطٛنٛ ندٜرْ ڢُرْسِنَ (3:1؛ 4:1؛ 6:20)؞ عٜڢٜسُسْ لَاتِنٛ بٜرْنِوٛلْ مَنغٛلْ؞ ڢِلُ عٜ دٜوْکِ لَبِّ شُکْلِ يِمْࢡٜ تٛنْ جَمُمْ؞ جَمَعَارٜ نُطِّنْࢡٜ ندٜ ݠٛلْ جٛعِّنِ طٛنْ لٜسْ عَرْدَانغَلْ ندٛتِّعٜنْ (کُوطٜ نٜلَاࢡٜ 19:1-10؛ 20:17،31)؞ حٛورٜ حَالَ وٛنِ بَرْکَاجِ طِ جَمَعَارٜ نُطِّنْࢡٜ کٜࢡِ ندٜرْ کَوْتَلْ بٜى عِيسَى اَلْمَسِيحُ؞ اَللَّه سُࢡِ ندٜ ڢٛدّٜ مٛعّٜرٜ مُوطُمْ دِغَ دُنِيَارُ تَغَاکَ (1:3-14)؞ عٛلَاتِنِ ندٜ نٜطّٛ کٜسٛ (2:1-10)، عٛسُلْحِندِرِ يَحُودُعٜنْ بٜى يِمْࢡٜ عُمَّاتٛوجٜ غٛطّٜ (2:11-22)، حَوْتِ ࢡٜ ندٜرْ ࢡَنْدُ وٛورُ، وَاتٛ ࢡَنْدُ اَلْمَسِيحُ؞ نغَمْ مَاجُمْ سٜيْ نُطِّنْࢡٜ عَيْنَ نغٛوتَاکُ نغُعُ (4:1-16)، ࢡٜعَشَّ بٛو کُوطٜ ࢩِࢡْرٜ، ࢡٜکُووَ کٛو طُمٜ ڢُو ندٜرْ أَلنّٛورَ نغَمْ ࢡٜ ࢡِࢡّٜ أَلنّٛورَ (4:17-32)؞
نُطِّنْࢡٜ کٜࢡِ نغٜىٰندَمْ کٜسَمْ ندٜرْ اَلْمَسِيحُ؞ نغَمْ مَنْ سٜيْ طَمْ وَنغَ ندٜرْ جٛوندٜ مَࢡّٜ: حَکُّندٜ غٛرْکٛ بٜى دٜبّٛ مُمْ (5:22-33)، حَکُّندٜ سَارٛعٜنْ عٜ ࢡِکّٛيْ مُوطُمْعٜنْ (6:1-4)، نٛنْ بٛو حَکُّندٜ جَوْمِرَاࢡٜ عٜ جٜيَاࢡٜ مُوطُمْعٜنْ (6:5-9)؞ سٜيْ نُطِّنْࢡٜ کٛوشَ عٜ کُووْتِنِرَ بَلْمِ اَللَّه (6:10-20)، نغَمْ جٛوندٜ ندٜرْ نُطِّنْکِ طٛنْ عُمِّنَ کٛنُ بٜى عِبْلِسَ؞ عَمَّا رُوحُ اَللَّه وٛنْدَنْ بٜى مَࢡّٜ (2:22)، يَيْنَنَنْ ࢡٜ (1:17-19)، تَبِتِنَنْ کِسْندَمْ مَࢡّٜ (1:13-14)؞
تٛکِّنْدِرْکِ حَالَاجِ:
ڢُطّٛودٜ 1:1-2
بَرْکَاجِ اَلْمَسِيحُ نغَمْ جَمَعَارٜ مُمْ 1:3–3:21
نغٜىٰندَمْ کٜسَمْ ندٜرْ کَوْتَلْ بٜى اَلْمَسِيحُ 4:1–6:20
کٛوڢْلِ 6:21-24
Právě zvoleno:
عٜڢٜسُعٜنْ نَسْتُکِ: داَ
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Fulfulde Bible Ajamiya © Bible Society of Cameroon, 2016.