Chivkeeb 42
42
Yauxej Cov Tijlaug Mus Yuav Nplej Hauv Tebchaws Iziv
1Thaum Yakhauj hnov tias nyob hauv tebchaws Iziv muaj nplej, nws thiaj hais rau nws cov tub tias, “Uacas nej pheej yuav nyob hlwb-hluav li ko xwb? 2Kuv hnov tias hauv tebchaws Iziv muaj nplej. Ciali mus lawm nrad thiab mus yuav nplej los rau peb, kom peb thiaj tsis tuag tshaib.” #Teshl 7:12 3Yogli ntawd, Yauxej kaum leej tijlaug thiaj mus yuav nplej hauv tebchaws Iziv. 4Tiamsis Yakhauj tsis tso Yauxej tus kwv Npeeyamees nrog cov tijlaug mus, rauqhov Yakhauj ntshai nyobtsam muaj tej yam tsis zoo los raug Npeeyamees.
5Yakhauj cov tub nrog luag lwmpab neeg mus yuav nplej rau hauv tebchaws Iziv, rauqhov kuj muaj kev tshaib nqhis nyob hauv tebchaws Kana-as thiab. 6Yauxej uas yog tus tswvxeev hauv lub tebchaws Iziv, yog tus muag nplej rau txhua haivneeg uas nyob thoobplaws tebchaws. Yogli ntawd, Yauxej cov tijlaug thiaj tuaj thiab txhoscaug ntua pe ntawm nws xubntiag nyo hau ua ntsejmuag ti nkaus hauv av. 7Thaum Yauxej pom dheev nws cov tijlaug, nws tseem nco tau lawv, tiamsis nws txhobtxwm ua tus tsis paub lawv li. Nws nug lawv hnyav ncawv hais tias, “Nej tuaj qhovtwg tuaj?”
Lawv teb tias, “Peb tuaj pem tebchaws Kana-as tuaj yuav mov noj.”
8Yauxej tseem nco tau nws cov tijlaug, tiamsis lawv nco tsis tau nws lawm. 9Nws nco txog ob zag npausuav uas nws tau ua txog lawv, nws hais rau lawv tias, “Nej yog cov neeg uas soj tebchaws lov sav! Nej tuaj soj peb lub tebchaws seb qhovtwg yog qhov tsis muajzog xwb los sav!” #Chiv 37:5-10
10Lawv teb tias, “Tus tswv, tsis yog li ko; peb yog koj cov tubqhe, peb tuaj no yog peb tuaj thov yuav mov mus noj xwb. 11Peb cov no puavleej yog kwvtij. Peb yog neeg ncajncees, peb tsis yog neeg tuaj soj tebchaws.”
12Yauxej hais rau lawv tias, “Yeej tsis yog li nej hais! Yeej yog nej tuaj soj peb lub tebchaws seb qhovtwg yog qhov tsis muajzog xwb ntag!”
13Lawv hais tias, “Tus tswv, peb muaj kaum-ob leeg kwvtij, peb koom tibleeg txiv uas nyob hauv tebchaws Kana-as xwb. Peb ib tug kwv tuag lawm, thiab tshuav tus kwvntxawg nrog peb txiv nyob pem tsev.”
14Yauxej teb tias, “Yeej yog li kuv hais tiag lau; nej yog neeg soj tebchaws xwb-xwb li! 15Kuv yuav sim nej li no: kuv thov tuav Falaus lub npe coglus hais tias, yog nej tsis coj nej tus kwvntxawg tuaj rau ntawm no, mas kuv yuav tsis tso nej mus tsev li. 16Nej cov ib tug yuavtsum mus coj nej tus kwv tuaj. Dua li cov mas yuavtsum coj mus kaw txog hnub uas tshuaj meej tias tej lus uas nej hais ntawd puas tseeb tiag. Tsis li ntawd, yog Falaus tseem muaj sia nyob, ces nej yeej yog neeg tuaj soj peb lub tebchaws xwb ntag.” 17Yauxej thiaj coj lawv mus kaw rau hauv tsev lojcuj tau peb hnub.
18Hnub thib peb Yauxej thiaj hais rau lawv tias, “Kuv yog ib tug neeg uas hwm Vajtswv, yog nej ua tau yam no, nej thiajli yuav muaj sia nyob mus ntxiv. 19Yog tias nej yeej yog neeg ncajncees tiag, cia nej cov no ib tug nyob hauv lub tsev lojcuj no, dua li cov, nej ciali thauj tej nplej uas nej yuav tau lawm mus cawm nej tsev neeg uas tabtom muaj kev tshaib nqhis. 20Tiamsis nej yuavtsum coj kom tau nej tus kwvntxawg tuaj rau kuv. Qhov no thiaj yuav qhia tau hais tias tej lus uas nej hais lawm yeej muaj tseeb, thiab kuv thiaj yuav tsis muab nej tua povtseg.” Lawv pomzoo ua rawsli Yauxej hais.
21Lawv thiaj sibtham zomzaws hais tias, “Yog lau, nimno peb raug tej kev txomnyem no los twb yog vim tej uas peb tau ua rau peb tus kwv lawm. Peb yeej pom ntsoov nws raug kev txomnyem loj heev thiab nws twb thov peb kawg, tiamsis peb tsis quavntsej nws li. Vimli no ntag lau, nimno peb thiaj raug kev txomnyem.”
22Lunpees hais tias, “Kuv twb hais rau nej tias tsis txhob ua phem rau tus menyuam ntawd, tiamsis nej tsis mloog kuv hais li ne! Zaumno peb yuav tau them tus nqi ntawm nws txoj kev tuag lau!” #Chiv 37:21-22 23Yauxej yeej totaub tej uas lawv hais huv tibsi, tiamsis lawv tsis paub xwb, rauqhov thaum nws nrog lawv tham, nws kom neeg txhais lus xwb. 24Yauxej txawm tawm ntawm lawv mus rau ib qho thiab quaj. Thaum nws rov hais taus lus lawm, nws thiaj tig rov los haislus rau lawv, thiab muab Xime-oos khi kiag tabmeeg lawv.
Yauxej Cov Tijlaug Rov Mus Tsev
25Yauxej hais kom nws cov tubqhe muab nplej ntim rau hauv nws cov tijlaug tej hnab kom puvnkaus, muab lawv tej nyiaj ntsaws rov rau hauv lawv tej hnab, thiab ntim su huv tibsi rau lawv tau noj taug kev mus tsev. Cov tubqhe ua tej no tiavlog. 26Ces cov tijlaug tsaws tej nplej uas lawv yuav ntawd rau saum lawv cov neesluav thiab txawm sawvkev mus tsev lawm.
27Thaum lawv los so ib hmos ntawm ib tog kev, muaj ib tug txawm qhib nws lub ncauj hnab muab nplej los rau nws tus neesluav noj, uaciav nws cov nyiaj tseem nyob ntawm lub ncauj hnab. 28Nws thiaj hais rau nws cov kwvtij tias, “Uacas leejtwg rov muab kuv cov nyiaj tso rau hauv kuv lub hnab no!” Lawv poobsiab thiab ntshai heev, lawv thiaj sibnug zomzaws hais tias, “Vajtswv ua dabtsi li no rau peb?”
29Thaum lawv rov los txog ntawm lawv txiv Yakhauj uas nyob hauv tebchaws Kana-as lawm, lawv piav txhua yam xwmtxheej uas lawv mus ntsib rau lawv txiv mloog hais tias, 30“Tus tswvxeev ntawm lub tebchaws Iziv haislus nyaum kawg rau peb thiab liam hais tias peb yog cov neeg uas mus soj nws lub tebchaws xwb. 31Peb thiaj teb tias, ‘Peb yog neeg ncajncees, peb tsis yog cov neeg mus soj tebchaws. 32Peb cov kwvtij muaj kaum-ob leeg, thiab peb puavleej koom tibleeg txiv xwb. Muaj ib tug tuag lawm, nimno tshuav ib tug kwvntxawg nrog peb txiv nyob pem tebchaws Kana-as.’
33“Tus nom ntawd teb tias, ‘Yog tias nej yog neeg ncajncees tiag, mas nej yuavtsum ua li no: nej cov no ib tug yuavtsum tau nrog kuv nyob, dua li cov, nej ciali thauj tej nplej mus cawm nej tsev neeg uas tabtom muaj kev tshaib nqhis. 34Tiamsis nej yuavtsum coj kom tau nej tus kwvntxawg tuaj rau kuv. Kuv thiaj paub tias nej yog neeg ncajncees, tsis yog neeg tuaj soj tebchaws; kuv thiaj yuav tso nej tus tijlaug rov rau nej, mas nej thiaj tau nyob hauv lub tebchaws no ua lag ua luam.’ ”
35Thaum lawv muab lawv cov hnab nplej hliv, nyias rov pom nyias cov nyiaj nyob hauv nyias lub hnab; thaum lawv thiab lawv txiv Yakhauj pom cov nyiaj ntawd, lawv ntshai kawg li. 36Lawv txiv hais rau lawv tias, “Nej yuav ua kom kuv plam kuv cov menyuam txhua tus no lov? Yauxej los tsis nrog peb nyob lawm; Xime-oos los tsis nrog peb nyob lawm; zaumno nej tseem yuav coj Npeeyamees mus thiab. Txhua yam puavleej los raug kuv huv tibsi!”
37Lunpees hais rau nws txiv tias, “Yog kuv tseem tsis coj Npeeyamees rov los rau koj thiab, ces koj muab kuv ob tug tub tua povtseg los tau. Tso nws rau kuv ua tus saib, kuv yeej yuav coj nws rovqab los xwb.”
38Tiamsis Yakhauj hais tias, “Kuv tsis kheev kuv tus tub ntxawg nrog nej mus, rauqhov nws tus tijlaug twb tuag lawm, tshuav nws tibleeg xwb. Yog lam muaj xwm tsis zoo los raug nws tom tej tog kev, kuv twb laus heev lawm, yog tseem muaj tej kev quajntsuag los raug kuv thiab ces ntshe kuv yuav ciali txhawm chim tuag li lau!”
Právě zvoleno:
Chivkeeb 42: MWW2022
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022 United Bible Societies. All rights reserved.
Chivkeeb 42
42
Yauxej Cov Tijlaug Mus Yuav Nplej Hauv Tebchaws Iziv
1Thaum Yakhauj hnov tias nyob hauv tebchaws Iziv muaj nplej, nws thiaj hais rau nws cov tub tias, “Uacas nej pheej yuav nyob hlwb-hluav li ko xwb? 2Kuv hnov tias hauv tebchaws Iziv muaj nplej. Ciali mus lawm nrad thiab mus yuav nplej los rau peb, kom peb thiaj tsis tuag tshaib.” #Teshl 7:12 3Yogli ntawd, Yauxej kaum leej tijlaug thiaj mus yuav nplej hauv tebchaws Iziv. 4Tiamsis Yakhauj tsis tso Yauxej tus kwv Npeeyamees nrog cov tijlaug mus, rauqhov Yakhauj ntshai nyobtsam muaj tej yam tsis zoo los raug Npeeyamees.
5Yakhauj cov tub nrog luag lwmpab neeg mus yuav nplej rau hauv tebchaws Iziv, rauqhov kuj muaj kev tshaib nqhis nyob hauv tebchaws Kana-as thiab. 6Yauxej uas yog tus tswvxeev hauv lub tebchaws Iziv, yog tus muag nplej rau txhua haivneeg uas nyob thoobplaws tebchaws. Yogli ntawd, Yauxej cov tijlaug thiaj tuaj thiab txhoscaug ntua pe ntawm nws xubntiag nyo hau ua ntsejmuag ti nkaus hauv av. 7Thaum Yauxej pom dheev nws cov tijlaug, nws tseem nco tau lawv, tiamsis nws txhobtxwm ua tus tsis paub lawv li. Nws nug lawv hnyav ncawv hais tias, “Nej tuaj qhovtwg tuaj?”
Lawv teb tias, “Peb tuaj pem tebchaws Kana-as tuaj yuav mov noj.”
8Yauxej tseem nco tau nws cov tijlaug, tiamsis lawv nco tsis tau nws lawm. 9Nws nco txog ob zag npausuav uas nws tau ua txog lawv, nws hais rau lawv tias, “Nej yog cov neeg uas soj tebchaws lov sav! Nej tuaj soj peb lub tebchaws seb qhovtwg yog qhov tsis muajzog xwb los sav!” #Chiv 37:5-10
10Lawv teb tias, “Tus tswv, tsis yog li ko; peb yog koj cov tubqhe, peb tuaj no yog peb tuaj thov yuav mov mus noj xwb. 11Peb cov no puavleej yog kwvtij. Peb yog neeg ncajncees, peb tsis yog neeg tuaj soj tebchaws.”
12Yauxej hais rau lawv tias, “Yeej tsis yog li nej hais! Yeej yog nej tuaj soj peb lub tebchaws seb qhovtwg yog qhov tsis muajzog xwb ntag!”
13Lawv hais tias, “Tus tswv, peb muaj kaum-ob leeg kwvtij, peb koom tibleeg txiv uas nyob hauv tebchaws Kana-as xwb. Peb ib tug kwv tuag lawm, thiab tshuav tus kwvntxawg nrog peb txiv nyob pem tsev.”
14Yauxej teb tias, “Yeej yog li kuv hais tiag lau; nej yog neeg soj tebchaws xwb-xwb li! 15Kuv yuav sim nej li no: kuv thov tuav Falaus lub npe coglus hais tias, yog nej tsis coj nej tus kwvntxawg tuaj rau ntawm no, mas kuv yuav tsis tso nej mus tsev li. 16Nej cov ib tug yuavtsum mus coj nej tus kwv tuaj. Dua li cov mas yuavtsum coj mus kaw txog hnub uas tshuaj meej tias tej lus uas nej hais ntawd puas tseeb tiag. Tsis li ntawd, yog Falaus tseem muaj sia nyob, ces nej yeej yog neeg tuaj soj peb lub tebchaws xwb ntag.” 17Yauxej thiaj coj lawv mus kaw rau hauv tsev lojcuj tau peb hnub.
18Hnub thib peb Yauxej thiaj hais rau lawv tias, “Kuv yog ib tug neeg uas hwm Vajtswv, yog nej ua tau yam no, nej thiajli yuav muaj sia nyob mus ntxiv. 19Yog tias nej yeej yog neeg ncajncees tiag, cia nej cov no ib tug nyob hauv lub tsev lojcuj no, dua li cov, nej ciali thauj tej nplej uas nej yuav tau lawm mus cawm nej tsev neeg uas tabtom muaj kev tshaib nqhis. 20Tiamsis nej yuavtsum coj kom tau nej tus kwvntxawg tuaj rau kuv. Qhov no thiaj yuav qhia tau hais tias tej lus uas nej hais lawm yeej muaj tseeb, thiab kuv thiaj yuav tsis muab nej tua povtseg.” Lawv pomzoo ua rawsli Yauxej hais.
21Lawv thiaj sibtham zomzaws hais tias, “Yog lau, nimno peb raug tej kev txomnyem no los twb yog vim tej uas peb tau ua rau peb tus kwv lawm. Peb yeej pom ntsoov nws raug kev txomnyem loj heev thiab nws twb thov peb kawg, tiamsis peb tsis quavntsej nws li. Vimli no ntag lau, nimno peb thiaj raug kev txomnyem.”
22Lunpees hais tias, “Kuv twb hais rau nej tias tsis txhob ua phem rau tus menyuam ntawd, tiamsis nej tsis mloog kuv hais li ne! Zaumno peb yuav tau them tus nqi ntawm nws txoj kev tuag lau!” #Chiv 37:21-22 23Yauxej yeej totaub tej uas lawv hais huv tibsi, tiamsis lawv tsis paub xwb, rauqhov thaum nws nrog lawv tham, nws kom neeg txhais lus xwb. 24Yauxej txawm tawm ntawm lawv mus rau ib qho thiab quaj. Thaum nws rov hais taus lus lawm, nws thiaj tig rov los haislus rau lawv, thiab muab Xime-oos khi kiag tabmeeg lawv.
Yauxej Cov Tijlaug Rov Mus Tsev
25Yauxej hais kom nws cov tubqhe muab nplej ntim rau hauv nws cov tijlaug tej hnab kom puvnkaus, muab lawv tej nyiaj ntsaws rov rau hauv lawv tej hnab, thiab ntim su huv tibsi rau lawv tau noj taug kev mus tsev. Cov tubqhe ua tej no tiavlog. 26Ces cov tijlaug tsaws tej nplej uas lawv yuav ntawd rau saum lawv cov neesluav thiab txawm sawvkev mus tsev lawm.
27Thaum lawv los so ib hmos ntawm ib tog kev, muaj ib tug txawm qhib nws lub ncauj hnab muab nplej los rau nws tus neesluav noj, uaciav nws cov nyiaj tseem nyob ntawm lub ncauj hnab. 28Nws thiaj hais rau nws cov kwvtij tias, “Uacas leejtwg rov muab kuv cov nyiaj tso rau hauv kuv lub hnab no!” Lawv poobsiab thiab ntshai heev, lawv thiaj sibnug zomzaws hais tias, “Vajtswv ua dabtsi li no rau peb?”
29Thaum lawv rov los txog ntawm lawv txiv Yakhauj uas nyob hauv tebchaws Kana-as lawm, lawv piav txhua yam xwmtxheej uas lawv mus ntsib rau lawv txiv mloog hais tias, 30“Tus tswvxeev ntawm lub tebchaws Iziv haislus nyaum kawg rau peb thiab liam hais tias peb yog cov neeg uas mus soj nws lub tebchaws xwb. 31Peb thiaj teb tias, ‘Peb yog neeg ncajncees, peb tsis yog cov neeg mus soj tebchaws. 32Peb cov kwvtij muaj kaum-ob leeg, thiab peb puavleej koom tibleeg txiv xwb. Muaj ib tug tuag lawm, nimno tshuav ib tug kwvntxawg nrog peb txiv nyob pem tebchaws Kana-as.’
33“Tus nom ntawd teb tias, ‘Yog tias nej yog neeg ncajncees tiag, mas nej yuavtsum ua li no: nej cov no ib tug yuavtsum tau nrog kuv nyob, dua li cov, nej ciali thauj tej nplej mus cawm nej tsev neeg uas tabtom muaj kev tshaib nqhis. 34Tiamsis nej yuavtsum coj kom tau nej tus kwvntxawg tuaj rau kuv. Kuv thiaj paub tias nej yog neeg ncajncees, tsis yog neeg tuaj soj tebchaws; kuv thiaj yuav tso nej tus tijlaug rov rau nej, mas nej thiaj tau nyob hauv lub tebchaws no ua lag ua luam.’ ”
35Thaum lawv muab lawv cov hnab nplej hliv, nyias rov pom nyias cov nyiaj nyob hauv nyias lub hnab; thaum lawv thiab lawv txiv Yakhauj pom cov nyiaj ntawd, lawv ntshai kawg li. 36Lawv txiv hais rau lawv tias, “Nej yuav ua kom kuv plam kuv cov menyuam txhua tus no lov? Yauxej los tsis nrog peb nyob lawm; Xime-oos los tsis nrog peb nyob lawm; zaumno nej tseem yuav coj Npeeyamees mus thiab. Txhua yam puavleej los raug kuv huv tibsi!”
37Lunpees hais rau nws txiv tias, “Yog kuv tseem tsis coj Npeeyamees rov los rau koj thiab, ces koj muab kuv ob tug tub tua povtseg los tau. Tso nws rau kuv ua tus saib, kuv yeej yuav coj nws rovqab los xwb.”
38Tiamsis Yakhauj hais tias, “Kuv tsis kheev kuv tus tub ntxawg nrog nej mus, rauqhov nws tus tijlaug twb tuag lawm, tshuav nws tibleeg xwb. Yog lam muaj xwm tsis zoo los raug nws tom tej tog kev, kuv twb laus heev lawm, yog tseem muaj tej kev quajntsuag los raug kuv thiab ces ntshe kuv yuav ciali txhawm chim tuag li lau!”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022 United Bible Societies. All rights reserved.