Chivkeeb 43
43
Yauxej Cov Tijlaug Coj Npeeyamees Mus Hauv Tebchaws Iziv
1Hauv tebchaws Kana-as muaj kev tshaib nqhis hnyav zujzus ntxiv, 2thaum uas Yakhauj tsev neeg noj tej mov uas lawv yuav hauv tebchaws Iziv los tag lawm, Yakhauj hais rau nws cov tub hais tias, “Nej ciali rovqab mus yuav mentsis mov los rau peb.”
3Yudas hais rau Yakhauj tias, “Tus nom uas tswj tebchaws Iziv yeej hais tu lus nrho rau peb tias yog peb tseem tsis coj peb tus kwv mus rau nws, mas kom peb tsis txhob mus tshwm ntsejmuag rau nws pom ib zaug li lawm. 4Yog koj tso peb tus kwvntxawg nrog peb mus, mas peb thiaj yuav kam mus yuav nplej los rau koj. 5Tiamsis yog koj tsis kam tso nws mus, peb yuav tsis kam mus, rauqhov tus nom nrad yeej hais rau peb tias, yog peb tsis coj peb tus kwvntxawg nrog peb mus, ces peb tsis txhob mus tshwm ntsejmuag rau nws pom ib zaug ntxiv li lawm.”
6Yakhauj hais tias, “Vim licas nej yuav ua rau kuv tau kev nyuajsiab ualuaj? Uacas nej tseem yuav qhia rau nws paub tias nej tshuav ib tug kwv thiab no?”
7Lawv teb tias, “Tus nom nram yeej nug txog peb thiab peb tsev neeg huv tibsi hais tias, ‘Nej txiv puas tseem muaj sia nyob? Nej puas tshuav kwvtij thiab?’ Peb thiaj yuavtsum tau teb nws tej lus nug ntawd. Peb yuav ua licas paub tias nws yuav kom peb coj peb tus kwvntxawg nrog peb mus rau nram no maj?”
8Yudas hais rau nws txiv hais tias, “Tso tus hluas nrog kuv mus, peb yuav rawm sawvkev mus tamsim no, peb sawvdaws thiaj yuav tsis tuag tshaib. 9Kuv txaussiab hlo muab kuv txojsia pauv nws, thov koj tso nws rau kuv ua tus tsomkwm. Yog kuv coj tsis tau nws rovqab los rau koj, ces kuv yuav ua tus ris lub txim no mus ibtxhis li. 10Yog peb tsis txhob pheej tabkaum li no, ces ntshe peb twb rov mus tau ob lwm lawm.”
11Lawv txiv hais rau lawv tias, “Yogli ntawd, cia peb ua li no: muab tej khoom zoo tshajplaws uas peb muaj nyob hauv tebchaws no xwsli: muab mentsis tshuaj tswqab, mentsis zib ntab, txujlom, noob txiv pixatatshi-aus thiab noob txiv ovmees ntim rau hauv nej cov hnab coj mus ua ib qho khoomplig rau tus tswvxeev nrad. 12Nej ciali nqa nyiaj ob npaug mus; nqa luag cov nyiaj uas zaum tas nyob hauv nej tej hnab rov mus rau luag. Tejzaum yog leejtwg ua yuamkev lawm xwb. 13Ciali coj nej tus kwvntxawg nrog nej mus thiab rov mus cuag tus nom nrad. 14Thov Vajtswv tus uas muaj Hwjchim Loj Kawg Nkaus ua kom tus nom nrad muaj siab mosmuag thiab tabncuab nej, kom nws thiaj yuav tso Npeeyamees thiab nej tus tijlaug rov los. Ntawm kuv ces, txawm yog kuv yuav plam kuv ob tug menyuam los xijpeem kuv.”
15Yogli ntawd, lawv thiaj nqa tej khoomplig, nqa ob npaug nyiaj, thiab coj lawv tus kwv Npeeyamees nrog lawv mus. Thaum lawv mus txog hauv tebchaws Iziv lawm, lawv thiaj mus cuag Yauxej. 16Thaum Yauxej pom Npeeyamees nrog lawv tuaj txog lawm, nws txawm hais rau tus tubtxib uas saib nws lub tsev hais tias, “Coj cov neeg no mus rau hauv kuv tsev. Ciali mus ntes ib tug tsiaj los tua thiab npaj kom txhij, lawv yuav nrog kuv nojsus uake.” 17Tus tubtxib ntawd mus ua rawsli Yauxej hais thiab coj cov kwvtij ntawd mus so hauv Yauxej tsev.
18Thaum lawv tabtom mus rau hauv Yauxej tsev, lawv ntshai kawg thiab lawv xav tias, “Nws coj peb los rau ntawm no, ntshe yog tim cov nyiaj uas thawjzaug muab tso rov rau hauv peb cov hnab ntag lau. Nws yuav tawmtsam peb, txeeb peb tej neesluav, thiab coj peb mus ua nws qhev.” 19Lawv thiaj mus cuag tus tubtxib uas saib Yauxej tsev ntawm lub qhovrooj uas yuav mus rau hauv tsev thiab hais rau nws tias, 20“Tus tswv, yog koj txaussiab, peb twb tuaj yuav mov ntawm no ib zaug lawm. 21Thaum peb rovqab mus tsev thiab mus so tom ib tog kev, peb qhib peb cov hnab nplej, uacas peb txhua tus cov nyiaj uas coj tuaj yuav nplej puavleej nyob tagnrho hauv cov ncauj hnab. Peb thiaj rov nqa cov nyiaj no huv tibsi nrog peb tuaj. 22Peb tsis paub xyov yog leejtwg muab peb cov nyiaj rov mus ntsaws rau hauv peb cov hnab. Zaumno los peb kuj npaj tau mentsis nyiaj coj tuaj yuav mov dua thiab.”
23Tus tubtxib thiaj hais tias, “Nej tsis txhob nyuajsiab. Tsis txhob ntshai. Nej tus Vajtswv uas yog nej txiv tus Vajtswv, yog tus muab tej nyiaj ntawd ntsaws rov rau hauv nej tej hnab xwb. Kuv twb tau txais nej cov nyiaj lawm.” Ces nws txawm mus coj Xime-oos los rau lawv.
24Ces tus tubtxib thiaj coj cov kwvtij ntawd los rau hauv Yauxej tsev. Nws mus nqa dej los rau lawv ntxuav kotaw, thiab muab zaub rau lawv cov neesluav noj. 25Lawv npaj lawv tej khoomplig kom txhij cia tos txog thaum tavsu Yauxej los txog es lawv yuav muab rau nws, rauqhov muaj neeg twb qhia rau lawv lawm tias lawv yuav nrog Yauxej nojsus uake.
26Thaum Yauxej los txog, lawv thiaj mus nqa lawv tej khoomplig los rau nws hauv tsev thiab khoov ntshis rau hauv av ntawm nws xubntiag. 27Yauxej nug lawv txog kev nojqab nyobzoo thiab hais tias, “Nej twb yeej qhia kuv hais tias nej txiv laus heev lawm, yogli ntawd, nimno nws nyob licas lawm? Nws puas tseem muaj sia nyob thiab puas nojqab nyobzoo?”
28Lawv teb tias, “Peb txiv uas yog koj tus tubtxib, nws nojqab nyobzoo thiab tseem muaj sia nyob.” Ces lawv rov txhoscaug pe Yauxej dua ib zaug ntxiv.
29Thaum Yauxej pom nws tus kwvntxawg Npeeyamees, uas yog nrog nws koom ib leejniam yug, nws thiaj nug hais tias, “Tus no yog nej tus kwvntxawg uas nej qhia rau kuv puas yog? Metub 'e, thov Vajtswv foom koobhmoov rau koj nawb.” 30Ces Yauxej txawm tawm plaws mus lawm, rauqhov nws pom nws tus kwvntxawg ces nws lub siab quaj dhi ua rau nws tauv tsis taus nws lub kuamuag, nws thiaj tawm mus quaj twjywm hauv nws ib chav tsev. 31Tomqab uas nws ntxuav muag tas, nws mam tawm los, thiab ua tiag tswj nws tuskheej; nws thiaj xaaj kom cov tubtxib rau mov rau lawv noj.
32Lawv rau ib rooj mov rau Yauxej ib leeg noj, thiab rau dua ib rooj rau Yauxej cov kwvtij noj. Lawv rau dua ib rooj rau cov neeg Iziv uas tuaj nrog lawv noj mov ntawd noj, rauqhov cov neeg Iziv tsis kam nrog cov neeg Henplais noj mov uake; lawv suav hais tias yuav ua rau lawv poob ntsejmuag. 33Lawv coj Yauxej cov kwvtij mus nyob ncig lub rooj tig xubntiag tuaj rau ntawm Yauxej rawsli lawv tej hnubnyoog, pib zujzus ntawm tus hlob mus txog tus ntxawg. Thaum lawv pom tias lawv los nyob tau li ntawd, lawv ib leeg tig saib ib leeg thiab xav tsis thoob li. 34Cov tubtxib daus zaub daus mov ntawm Yauxej lub rooj los rau lawv noj, tiamsis lawv daus rau Npeeyamees tshaj lwmtus tsib npaug. Lawv thiaj nrog Yauxej noj thiab haus mus txog thaum lawv noj tsau haus qaug.
Právě zvoleno:
Chivkeeb 43: MWW2022
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022 United Bible Societies. All rights reserved.
Chivkeeb 43
43
Yauxej Cov Tijlaug Coj Npeeyamees Mus Hauv Tebchaws Iziv
1Hauv tebchaws Kana-as muaj kev tshaib nqhis hnyav zujzus ntxiv, 2thaum uas Yakhauj tsev neeg noj tej mov uas lawv yuav hauv tebchaws Iziv los tag lawm, Yakhauj hais rau nws cov tub hais tias, “Nej ciali rovqab mus yuav mentsis mov los rau peb.”
3Yudas hais rau Yakhauj tias, “Tus nom uas tswj tebchaws Iziv yeej hais tu lus nrho rau peb tias yog peb tseem tsis coj peb tus kwv mus rau nws, mas kom peb tsis txhob mus tshwm ntsejmuag rau nws pom ib zaug li lawm. 4Yog koj tso peb tus kwvntxawg nrog peb mus, mas peb thiaj yuav kam mus yuav nplej los rau koj. 5Tiamsis yog koj tsis kam tso nws mus, peb yuav tsis kam mus, rauqhov tus nom nrad yeej hais rau peb tias, yog peb tsis coj peb tus kwvntxawg nrog peb mus, ces peb tsis txhob mus tshwm ntsejmuag rau nws pom ib zaug ntxiv li lawm.”
6Yakhauj hais tias, “Vim licas nej yuav ua rau kuv tau kev nyuajsiab ualuaj? Uacas nej tseem yuav qhia rau nws paub tias nej tshuav ib tug kwv thiab no?”
7Lawv teb tias, “Tus nom nram yeej nug txog peb thiab peb tsev neeg huv tibsi hais tias, ‘Nej txiv puas tseem muaj sia nyob? Nej puas tshuav kwvtij thiab?’ Peb thiaj yuavtsum tau teb nws tej lus nug ntawd. Peb yuav ua licas paub tias nws yuav kom peb coj peb tus kwvntxawg nrog peb mus rau nram no maj?”
8Yudas hais rau nws txiv hais tias, “Tso tus hluas nrog kuv mus, peb yuav rawm sawvkev mus tamsim no, peb sawvdaws thiaj yuav tsis tuag tshaib. 9Kuv txaussiab hlo muab kuv txojsia pauv nws, thov koj tso nws rau kuv ua tus tsomkwm. Yog kuv coj tsis tau nws rovqab los rau koj, ces kuv yuav ua tus ris lub txim no mus ibtxhis li. 10Yog peb tsis txhob pheej tabkaum li no, ces ntshe peb twb rov mus tau ob lwm lawm.”
11Lawv txiv hais rau lawv tias, “Yogli ntawd, cia peb ua li no: muab tej khoom zoo tshajplaws uas peb muaj nyob hauv tebchaws no xwsli: muab mentsis tshuaj tswqab, mentsis zib ntab, txujlom, noob txiv pixatatshi-aus thiab noob txiv ovmees ntim rau hauv nej cov hnab coj mus ua ib qho khoomplig rau tus tswvxeev nrad. 12Nej ciali nqa nyiaj ob npaug mus; nqa luag cov nyiaj uas zaum tas nyob hauv nej tej hnab rov mus rau luag. Tejzaum yog leejtwg ua yuamkev lawm xwb. 13Ciali coj nej tus kwvntxawg nrog nej mus thiab rov mus cuag tus nom nrad. 14Thov Vajtswv tus uas muaj Hwjchim Loj Kawg Nkaus ua kom tus nom nrad muaj siab mosmuag thiab tabncuab nej, kom nws thiaj yuav tso Npeeyamees thiab nej tus tijlaug rov los. Ntawm kuv ces, txawm yog kuv yuav plam kuv ob tug menyuam los xijpeem kuv.”
15Yogli ntawd, lawv thiaj nqa tej khoomplig, nqa ob npaug nyiaj, thiab coj lawv tus kwv Npeeyamees nrog lawv mus. Thaum lawv mus txog hauv tebchaws Iziv lawm, lawv thiaj mus cuag Yauxej. 16Thaum Yauxej pom Npeeyamees nrog lawv tuaj txog lawm, nws txawm hais rau tus tubtxib uas saib nws lub tsev hais tias, “Coj cov neeg no mus rau hauv kuv tsev. Ciali mus ntes ib tug tsiaj los tua thiab npaj kom txhij, lawv yuav nrog kuv nojsus uake.” 17Tus tubtxib ntawd mus ua rawsli Yauxej hais thiab coj cov kwvtij ntawd mus so hauv Yauxej tsev.
18Thaum lawv tabtom mus rau hauv Yauxej tsev, lawv ntshai kawg thiab lawv xav tias, “Nws coj peb los rau ntawm no, ntshe yog tim cov nyiaj uas thawjzaug muab tso rov rau hauv peb cov hnab ntag lau. Nws yuav tawmtsam peb, txeeb peb tej neesluav, thiab coj peb mus ua nws qhev.” 19Lawv thiaj mus cuag tus tubtxib uas saib Yauxej tsev ntawm lub qhovrooj uas yuav mus rau hauv tsev thiab hais rau nws tias, 20“Tus tswv, yog koj txaussiab, peb twb tuaj yuav mov ntawm no ib zaug lawm. 21Thaum peb rovqab mus tsev thiab mus so tom ib tog kev, peb qhib peb cov hnab nplej, uacas peb txhua tus cov nyiaj uas coj tuaj yuav nplej puavleej nyob tagnrho hauv cov ncauj hnab. Peb thiaj rov nqa cov nyiaj no huv tibsi nrog peb tuaj. 22Peb tsis paub xyov yog leejtwg muab peb cov nyiaj rov mus ntsaws rau hauv peb cov hnab. Zaumno los peb kuj npaj tau mentsis nyiaj coj tuaj yuav mov dua thiab.”
23Tus tubtxib thiaj hais tias, “Nej tsis txhob nyuajsiab. Tsis txhob ntshai. Nej tus Vajtswv uas yog nej txiv tus Vajtswv, yog tus muab tej nyiaj ntawd ntsaws rov rau hauv nej tej hnab xwb. Kuv twb tau txais nej cov nyiaj lawm.” Ces nws txawm mus coj Xime-oos los rau lawv.
24Ces tus tubtxib thiaj coj cov kwvtij ntawd los rau hauv Yauxej tsev. Nws mus nqa dej los rau lawv ntxuav kotaw, thiab muab zaub rau lawv cov neesluav noj. 25Lawv npaj lawv tej khoomplig kom txhij cia tos txog thaum tavsu Yauxej los txog es lawv yuav muab rau nws, rauqhov muaj neeg twb qhia rau lawv lawm tias lawv yuav nrog Yauxej nojsus uake.
26Thaum Yauxej los txog, lawv thiaj mus nqa lawv tej khoomplig los rau nws hauv tsev thiab khoov ntshis rau hauv av ntawm nws xubntiag. 27Yauxej nug lawv txog kev nojqab nyobzoo thiab hais tias, “Nej twb yeej qhia kuv hais tias nej txiv laus heev lawm, yogli ntawd, nimno nws nyob licas lawm? Nws puas tseem muaj sia nyob thiab puas nojqab nyobzoo?”
28Lawv teb tias, “Peb txiv uas yog koj tus tubtxib, nws nojqab nyobzoo thiab tseem muaj sia nyob.” Ces lawv rov txhoscaug pe Yauxej dua ib zaug ntxiv.
29Thaum Yauxej pom nws tus kwvntxawg Npeeyamees, uas yog nrog nws koom ib leejniam yug, nws thiaj nug hais tias, “Tus no yog nej tus kwvntxawg uas nej qhia rau kuv puas yog? Metub 'e, thov Vajtswv foom koobhmoov rau koj nawb.” 30Ces Yauxej txawm tawm plaws mus lawm, rauqhov nws pom nws tus kwvntxawg ces nws lub siab quaj dhi ua rau nws tauv tsis taus nws lub kuamuag, nws thiaj tawm mus quaj twjywm hauv nws ib chav tsev. 31Tomqab uas nws ntxuav muag tas, nws mam tawm los, thiab ua tiag tswj nws tuskheej; nws thiaj xaaj kom cov tubtxib rau mov rau lawv noj.
32Lawv rau ib rooj mov rau Yauxej ib leeg noj, thiab rau dua ib rooj rau Yauxej cov kwvtij noj. Lawv rau dua ib rooj rau cov neeg Iziv uas tuaj nrog lawv noj mov ntawd noj, rauqhov cov neeg Iziv tsis kam nrog cov neeg Henplais noj mov uake; lawv suav hais tias yuav ua rau lawv poob ntsejmuag. 33Lawv coj Yauxej cov kwvtij mus nyob ncig lub rooj tig xubntiag tuaj rau ntawm Yauxej rawsli lawv tej hnubnyoog, pib zujzus ntawm tus hlob mus txog tus ntxawg. Thaum lawv pom tias lawv los nyob tau li ntawd, lawv ib leeg tig saib ib leeg thiab xav tsis thoob li. 34Cov tubtxib daus zaub daus mov ntawm Yauxej lub rooj los rau lawv noj, tiamsis lawv daus rau Npeeyamees tshaj lwmtus tsib npaug. Lawv thiaj nrog Yauxej noj thiab haus mus txog thaum lawv noj tsau haus qaug.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022 United Bible Societies. All rights reserved.