Chivkeeb 41
41
Yauxej Txhais Falaus Zaj Npausuav
1Tau ob xyoos txwm nkaus tomqab ntawd, Falaus ua ib zaj npausuav hais tias nws sawv ntawm ntug Dej Nais. 2Nws pom xya tus maum nyuj rog-rog thiab zoonkauj heev tawm hauv dej los noj tej nyom uas nyob ntawm ntug dej. 3Dhau ntawd, txawm muaj dua xya tus maum nyuj yuag-yuag tshuav pobtxha xwb, tawm hauv dej los nrog xya tus maum nyuj rog-rog ntawd sawv uake ntawm ntug dej. 4Ces xya tus maum nyuj yuag-yuag ntawd ciali muab xya tus maum nyuj rog-rog noj nqos tag huv tibsi lawm. Ces Falaus txawm tsim dheev los.
5Nws rov tsaugzog thiab ua dua ib zag npausuav hais tias, muaj ib tsob nplej txhawv tau xya hnab, mas puv thiab siav zoo kawg li. 6Ces muaj dua ib tsob nplej txhawv tau xya hnab nplej npluag thiab qhuav taw nrees, rauqhov raug cov cua tom tiaj suabpuam tuaj ntsawj. 7Cov hnab nplej npluag ntawd txawm ciali muab xya hnab nplej uas puv-puv ntawd nqos tag huv tibsi lawm. Falaus txawm tsim dheev los, uaciav yog nws ua npausuav xwb.
8Tagkis kajntug Falaus ntxhovsiab heev, nws thiaj txib neeg mus hu cov neeg uas txawj saib yaig thiab cov neeg txawjntse uas nyob hauv tebchaws Iziv tuaj huv tibsi. Nws txawm piav nws ob zag npausuav ntawd rau lawv mloog, tiamsis tsis muaj leejtwg txhais tau ob zaj npausuav ntawd rau nws li. #Dani 2:2
9Ces tus hliv cawv mamli hais rau Falaus hais tias, “Hnubno kuv thov lees kuv lub txim uas kuv tau ua tag los lawm. 10Koj tau chim rau tus thawj uas saib kev ci ncuav thiab kuv, koj thiaj muab wb coj mus kaw rau hauv tus thawj uas saib cov fajxwm lub tsev lojcuj. 11Muaj ib hmos wb nyias txawm ua nyias ib zaj npausuav, thiab wb ob zag npausuav ntawd nyias muaj nyias ntsiablus. 12Muaj ib tug tub hluas Henplais raug kaw nrog wb nyob uake rau hauv, nws yog tus thawj uas saib cov fajxwm tus tubqhe. Wb piav wb ob zag npausuav rau nws mloog, thiab nws txhais wb ob zag npausuav ntawd rau wb. 13Mas txhua yam txawm muaj raws nraim li nws hais tiag: koj muab kuv tso rov los ua kuv tej haujlwm qub, tiamsis koj muab tus saib kev ci ncuav txiav cajdab lawm.”
14Falaus thiaj txib neeg mus coj Yauxej; lawv thiaj ceevnrooj mus coj nws tawm hauv tsev lojcuj los. Tomqab uas Yauxej chais hwjtxwv thiab hloov ristsho tag lawm, nws txawm los sawv ntawm Falaus xubntiag. 15Falaus hais rau Yauxej tias, “Kuv ua ib zaj npausuav tiamsis tsis muaj leejtwg txhais tau zaj npausuav ntawd li. Kuv hnov tias thaum muaj neeg piav npausuav rau koj mloog, mas koj muaj peevxwm txhais zaj npausuav ntawd.”
16Yauxej teb tias, “Falaus, nyuagyau tsis muaj peevxwm txhais tau npausuav, tiamsis Vajtswv yog tus yuav txhais koj zaj npausuav kom tsimnyog rau koj.”
17Falaus thiaj piav rau Yauxej tias, “Kuv ua npausuav hais tias kuv sawv ntawm ntug Dej Nais. 18Thaum ntawd muaj xya tus maum nyuj rog-rog thiab zoonkauj heev tawm hauv tus Dej Nais tuaj noj tej nyom ntawm ntug dej. 19Dhau ntawd, txawm muaj dua xya tus maum nyuj yuag-yuag tshuav pobtxha xwb tawm los thiab. Kuv yeej tsis tau pom dua tej nyuj uas phem thiab yuag npaum li ntawd nyob hauv tebchaws Iziv no hlo li. 20Cov maum nyuj yuag-yuag ntawd ciali muab cov maum nyuj rog-rog noj nqos tag hauv tibsi. 21Txawm li ntawd los tsis muaj leejtwg yuav pom qhov txawv li, rauqhov cov maum nyuj ntawd tseem yuag thiab phem ib yam li qub. Ces kuv txawm tsim dheev los lawm.
22“Kuv rov ua dua ib zaj npausuav pom ib tsob nplej txhawv tau xya hnab nplej puv-puv thiab siav zoo heev. 23Ces muaj dua ib tsob nplej txhawv tau xya hnab nplej npluag thiab qhuav taw nrees, rauqhov raug cov cua tom tiaj suabpuam tuaj ntsawj; 24Cov hnab nplej npluag ntawd txawm ciali muab xya hnab nplej uas puv-puv ntawd nqos huv tibsi lawm. Kuv twb piav zaj npausuav no rau cov neeg uas txawj saib yaig mloog tag lawm, tiamsis tsis muaj leejtwg yuav txhais tau lub ntsiab rau kuv li.”
25Yauxej hais rau Falaus tias, “Ob zaj npausuav no lub ntsiablus yog tibyam xwb; Vajtswv tau qhia rau koj txog tej uas Nws tseem yuav ua rau yav tomntej. 26Xya tus maum nyuj rog-rog yog xya xyoo, thiab xya hnab nplej uas puv zoonkauj los yog xya xyoo ib yam nkaus thiab; ob zaj npausuav no puavleej yog tiblub ntsiablus xwb. 27Xya tus maum nyuj yuag-yuag uas tawm tuaj tomqab thiab xya hnab nplej npluag uas raug cov cua tom tiaj suabpuam ntsawj ntawd, yog xya xyoo uas yuav muaj kev tshaib kev nqhis.
28“Falaus, koj ob zaj npausuav yeej muaj rawsli qhov uas kuv qhia rau koj no ntag; Vajtswv tau qhia rau koj txog tej uas Nws tseem yuav ua rau yav tomntej. 29Xya xyoo saum no qoobloo yuav muaj nplua-mias thoobplaws tebchaws Iziv. 30Tomqab ntawd yuav muaj kev tshaib kev nqhis xya lub xyoo, ua rau sawvdaws ciali tsis nco txog xya lub xyoo uas muaj noj muaj haus nplua-mias ntawd li lawm, rauqhov txoj kev tshaib nqhis yuav ua rau lub tebchaws no raug kev puastsuaj. 31Thaum ntawd sawvdaws yuav tsis nco txog lub sijhawm uas lub tebchaws no muaj noj muaj haus nplua-mias, rauqhov txoj kev tshaib kev nqhis loj heev li. 32Qhov uas koj tau ua npausuav pom ob zaug ntawd txhais hais tias Vajtswv twb teem ib lub sijhawm tseg cia lawm thiab Nws yuav ua kom tej ntawd tshwmsim los sai-sai tomntej no.
33“Yogli ntawd, Falaus yuav tau nrhiav ib tug neeg uas txawjntse thiab muaj tswvyim, es tsa nws ua tus saib lub tebchaws no. 34Falaus yuavtsum tsa dua ib pab nomtswv mus ua cov sau sawvdaws tej qoobloo ib feem tsib ntawm xya lub xyoo uas muaj qoobloo ntau heev no los cia. 35Kom lawv ciali sau txhua yam qoobloo hauv xya lub xyoo uas ua tau qoob tau loo ntawd tseg cia, thiab tsocai rau lawv mus sau tej nplej los ntim cia rau hauv tej nroog, thiab tso neeg zov. 36Tej qoobloo no yuav muab ceev cia, thiajli tau yug lub tebchaws, thaum muaj kev tshaib nqhis los raug cov neeg Iziv xya lub xyoo ntawd. Ua li no tsoom pejxeem thiaj tsis tuag tshaib.”
Tsa Yauxej Kav Tebchaws Iziv
37Falaus thiab tagnrho nws tsoom nomtswv puavleej pomzoo ua rawsli zaj uas Yauxej hais no. 38Falaus hais rau lawv tias, “Peb yeej nrhiav tsis tau ib tug neeg uas muaj Vajtswv tus ntsujplig nrog nws nyob zooli Yauxej no li lawm.” 39Falaus hais rau Yauxej tias, “Vajtswv tub qhia tagnrho tej no rau koj paub lawm, txhais tau tias yeej tsis muaj leejtwg yuav ntse thiab muaj tswvyim npaum li koj. 40Kuv yuav tsa koj ua tus saib kuv lub vajloog, thiab tagnrho kuv cov pejxeem yuav mloog koj tej lus xaaj. Yog hais txog lub zwmtxwv, kuv thiaj tseem yog tus loj dua koj xwb. #Teshl 7:10 41Zaumno kuv tsa koj ua tus tswj tagnrho lub tebchaws Iziv.”
42Falaus hle hlo nws ntiv nplhaib uas yog lub homthawj ntawm nws tus ntivtes los looj kiag Yauxej tus ntivtes. Nws muab cev ristsho ntaub mag uas zoo heev rau Yauxej hnav, thiab muab txoj saw kub los rau Yauxej coj ntawm cajdab. #Dani 5:29 43Nws muab nws lub tsheb neeg vajntxwv thib ob rau Yauxej caij, thiab nws cov tub fajxwm mus ua Yauxej ntej qw hais tias, “Zam kev! Zam kev!” Yogli ntawd Yauxej thiaj raug tsa ua tus tswvxeev kav tagnrho lub tebchaws Iziv. 44Falaus hais rau Yauxej tias, “Kuv yog Falaus, tiamsis yog koj tsis tau tsocai mas cov neeg uas nyob hauv tebchaws Iziv no tsis muaj cai tsa tes tsa taw ua ib yam dabtsi li.” 45Falaus tis dua ib lub npe tshiab uas yog npe Iziv rau Yauxej hu ua Xefanaj Paneyas, thiab nws muab Pautifelas uas yog tus povthawj hlob uas nyob hauv lub nroog Oos#41:45: Oos: yog hais txog lub tuamtsev hauv lub nroog Heli-aupulis. tus ntxhais hu ua Axenas rau Yauxej yuav ua pojniam. Yauxej thiaj tawm mus ncig thoobplaws tebchaws Iziv.
46Thaum Yauxej pib ua haujlwm rau Falaus uas yog cov Iziv tus vajntxwv, nws muaj hnubnyoog pebcaug xyoo. Yauxej tawm hauv Falaus lub loog thiab mus ncig saib thoobplaws tebchaws Iziv. 47Xya lub xyoo uas qoobloo ntsu nplua-mias ntawd, cov neeg hauv tebchaws Iziv ua tau qoobloo ntau kawg nkaus li; 48Yauxej tau sau tagnrho tej qoobloo uas ua tau ntawm xya lub xyoo ntawd los khaws cia rau hauv tej nroog. Lub nroog twg uas muaj neeg ua teb nyob puagncig, los nws sau tej qoob huvsi los khaws cia rau hauv lub nroog ntawd. 49Yauxej sau tau qoobloo los khaws cia ntau npaum nkaus li tej xuabzeb nram ntug hiavtxwv; sau tau ntau heev ces nws thiaj tsis suav vim suav tsis txheeb li lawm.
50Uantej xyoo uas muaj kev tshaib kev nqhis los txog, Yauxej tus pojniam uas hu ua Axenas yug tau ob tug tub rau nws. 51Yauxej hais tias, “Vajtswv ua rau kuv tsis nco tagnrho kuv tej kev txomnyem thiab tsis nco tagnrho kuv txiv tsev neeg li lawm”; yogli ntawd, nws thiaj muab nws tus tub hlob tis npe hu ua Manaxes.#41:51: Manaxes: Lub npe no hais muaj ntsis thooj li lolus Henplais uas hais tias “ua kom tsis nco.” 52Thiab nws tseem hais tias, “Vajtswv pub rau kuv muaj tubki hauv lub tebchaws uas kuv muaj kev ntxhovsiab”; yogli ntawd nws thiaj muab nws tus tub yau tis npe hu ua Efalayees.#41:52: Efalayees: Lub npe no hais muaj ntsis thooj li lolus Henplais uas hais tias “pub menyuam.”
53Xya lub xyoo uas qoobloo ntsu nplua-mias nyob hauv tebchaws Iziv tau xaus, 54ces xya lub xyoo uas muaj kev tshaib nqhis txawm pib tshwm tuaj, rawsli Yauxej hais tseg. Txhua lub tebchaws muaj kev tshaib nqhis, tiamsis thoobplaws lub tebchaws Iziv tseem muaj mov noj. #Teshl 7:11 55Thaum cov neeg Iziv pib muaj kev tshaib plab, lawv txawm quaj thov mov ntawm Falaus. Yogli ntawd, Falaus thiaj kom lawv mus cuag Yauxej thiab ua rawsli Yauxej hais. #Yauh 2:5 56Thaum kev tshaib kev nqhis nthuav mus thoob lub tebchaws lawm, Yauxej thiaj qhib txhua lub txhab nplej thiab muag rau cov neeg Iziv. 57Tej neeg uas nyob thoobplaws txhua qhov puavleej tuaj rau hauv tebchaws Iziv uas yog tuaj yuav nplej ntawm Yauxej, rauqhov muaj kev tshaib nqhis loj heev mus thoobplaws txhua qhov chaw li lawm.
Právě zvoleno:
Chivkeeb 41: MWW2022
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022 United Bible Societies. All rights reserved.
Chivkeeb 41
41
Yauxej Txhais Falaus Zaj Npausuav
1Tau ob xyoos txwm nkaus tomqab ntawd, Falaus ua ib zaj npausuav hais tias nws sawv ntawm ntug Dej Nais. 2Nws pom xya tus maum nyuj rog-rog thiab zoonkauj heev tawm hauv dej los noj tej nyom uas nyob ntawm ntug dej. 3Dhau ntawd, txawm muaj dua xya tus maum nyuj yuag-yuag tshuav pobtxha xwb, tawm hauv dej los nrog xya tus maum nyuj rog-rog ntawd sawv uake ntawm ntug dej. 4Ces xya tus maum nyuj yuag-yuag ntawd ciali muab xya tus maum nyuj rog-rog noj nqos tag huv tibsi lawm. Ces Falaus txawm tsim dheev los.
5Nws rov tsaugzog thiab ua dua ib zag npausuav hais tias, muaj ib tsob nplej txhawv tau xya hnab, mas puv thiab siav zoo kawg li. 6Ces muaj dua ib tsob nplej txhawv tau xya hnab nplej npluag thiab qhuav taw nrees, rauqhov raug cov cua tom tiaj suabpuam tuaj ntsawj. 7Cov hnab nplej npluag ntawd txawm ciali muab xya hnab nplej uas puv-puv ntawd nqos tag huv tibsi lawm. Falaus txawm tsim dheev los, uaciav yog nws ua npausuav xwb.
8Tagkis kajntug Falaus ntxhovsiab heev, nws thiaj txib neeg mus hu cov neeg uas txawj saib yaig thiab cov neeg txawjntse uas nyob hauv tebchaws Iziv tuaj huv tibsi. Nws txawm piav nws ob zag npausuav ntawd rau lawv mloog, tiamsis tsis muaj leejtwg txhais tau ob zaj npausuav ntawd rau nws li. #Dani 2:2
9Ces tus hliv cawv mamli hais rau Falaus hais tias, “Hnubno kuv thov lees kuv lub txim uas kuv tau ua tag los lawm. 10Koj tau chim rau tus thawj uas saib kev ci ncuav thiab kuv, koj thiaj muab wb coj mus kaw rau hauv tus thawj uas saib cov fajxwm lub tsev lojcuj. 11Muaj ib hmos wb nyias txawm ua nyias ib zaj npausuav, thiab wb ob zag npausuav ntawd nyias muaj nyias ntsiablus. 12Muaj ib tug tub hluas Henplais raug kaw nrog wb nyob uake rau hauv, nws yog tus thawj uas saib cov fajxwm tus tubqhe. Wb piav wb ob zag npausuav rau nws mloog, thiab nws txhais wb ob zag npausuav ntawd rau wb. 13Mas txhua yam txawm muaj raws nraim li nws hais tiag: koj muab kuv tso rov los ua kuv tej haujlwm qub, tiamsis koj muab tus saib kev ci ncuav txiav cajdab lawm.”
14Falaus thiaj txib neeg mus coj Yauxej; lawv thiaj ceevnrooj mus coj nws tawm hauv tsev lojcuj los. Tomqab uas Yauxej chais hwjtxwv thiab hloov ristsho tag lawm, nws txawm los sawv ntawm Falaus xubntiag. 15Falaus hais rau Yauxej tias, “Kuv ua ib zaj npausuav tiamsis tsis muaj leejtwg txhais tau zaj npausuav ntawd li. Kuv hnov tias thaum muaj neeg piav npausuav rau koj mloog, mas koj muaj peevxwm txhais zaj npausuav ntawd.”
16Yauxej teb tias, “Falaus, nyuagyau tsis muaj peevxwm txhais tau npausuav, tiamsis Vajtswv yog tus yuav txhais koj zaj npausuav kom tsimnyog rau koj.”
17Falaus thiaj piav rau Yauxej tias, “Kuv ua npausuav hais tias kuv sawv ntawm ntug Dej Nais. 18Thaum ntawd muaj xya tus maum nyuj rog-rog thiab zoonkauj heev tawm hauv tus Dej Nais tuaj noj tej nyom ntawm ntug dej. 19Dhau ntawd, txawm muaj dua xya tus maum nyuj yuag-yuag tshuav pobtxha xwb tawm los thiab. Kuv yeej tsis tau pom dua tej nyuj uas phem thiab yuag npaum li ntawd nyob hauv tebchaws Iziv no hlo li. 20Cov maum nyuj yuag-yuag ntawd ciali muab cov maum nyuj rog-rog noj nqos tag hauv tibsi. 21Txawm li ntawd los tsis muaj leejtwg yuav pom qhov txawv li, rauqhov cov maum nyuj ntawd tseem yuag thiab phem ib yam li qub. Ces kuv txawm tsim dheev los lawm.
22“Kuv rov ua dua ib zaj npausuav pom ib tsob nplej txhawv tau xya hnab nplej puv-puv thiab siav zoo heev. 23Ces muaj dua ib tsob nplej txhawv tau xya hnab nplej npluag thiab qhuav taw nrees, rauqhov raug cov cua tom tiaj suabpuam tuaj ntsawj; 24Cov hnab nplej npluag ntawd txawm ciali muab xya hnab nplej uas puv-puv ntawd nqos huv tibsi lawm. Kuv twb piav zaj npausuav no rau cov neeg uas txawj saib yaig mloog tag lawm, tiamsis tsis muaj leejtwg yuav txhais tau lub ntsiab rau kuv li.”
25Yauxej hais rau Falaus tias, “Ob zaj npausuav no lub ntsiablus yog tibyam xwb; Vajtswv tau qhia rau koj txog tej uas Nws tseem yuav ua rau yav tomntej. 26Xya tus maum nyuj rog-rog yog xya xyoo, thiab xya hnab nplej uas puv zoonkauj los yog xya xyoo ib yam nkaus thiab; ob zaj npausuav no puavleej yog tiblub ntsiablus xwb. 27Xya tus maum nyuj yuag-yuag uas tawm tuaj tomqab thiab xya hnab nplej npluag uas raug cov cua tom tiaj suabpuam ntsawj ntawd, yog xya xyoo uas yuav muaj kev tshaib kev nqhis.
28“Falaus, koj ob zaj npausuav yeej muaj rawsli qhov uas kuv qhia rau koj no ntag; Vajtswv tau qhia rau koj txog tej uas Nws tseem yuav ua rau yav tomntej. 29Xya xyoo saum no qoobloo yuav muaj nplua-mias thoobplaws tebchaws Iziv. 30Tomqab ntawd yuav muaj kev tshaib kev nqhis xya lub xyoo, ua rau sawvdaws ciali tsis nco txog xya lub xyoo uas muaj noj muaj haus nplua-mias ntawd li lawm, rauqhov txoj kev tshaib nqhis yuav ua rau lub tebchaws no raug kev puastsuaj. 31Thaum ntawd sawvdaws yuav tsis nco txog lub sijhawm uas lub tebchaws no muaj noj muaj haus nplua-mias, rauqhov txoj kev tshaib kev nqhis loj heev li. 32Qhov uas koj tau ua npausuav pom ob zaug ntawd txhais hais tias Vajtswv twb teem ib lub sijhawm tseg cia lawm thiab Nws yuav ua kom tej ntawd tshwmsim los sai-sai tomntej no.
33“Yogli ntawd, Falaus yuav tau nrhiav ib tug neeg uas txawjntse thiab muaj tswvyim, es tsa nws ua tus saib lub tebchaws no. 34Falaus yuavtsum tsa dua ib pab nomtswv mus ua cov sau sawvdaws tej qoobloo ib feem tsib ntawm xya lub xyoo uas muaj qoobloo ntau heev no los cia. 35Kom lawv ciali sau txhua yam qoobloo hauv xya lub xyoo uas ua tau qoob tau loo ntawd tseg cia, thiab tsocai rau lawv mus sau tej nplej los ntim cia rau hauv tej nroog, thiab tso neeg zov. 36Tej qoobloo no yuav muab ceev cia, thiajli tau yug lub tebchaws, thaum muaj kev tshaib nqhis los raug cov neeg Iziv xya lub xyoo ntawd. Ua li no tsoom pejxeem thiaj tsis tuag tshaib.”
Tsa Yauxej Kav Tebchaws Iziv
37Falaus thiab tagnrho nws tsoom nomtswv puavleej pomzoo ua rawsli zaj uas Yauxej hais no. 38Falaus hais rau lawv tias, “Peb yeej nrhiav tsis tau ib tug neeg uas muaj Vajtswv tus ntsujplig nrog nws nyob zooli Yauxej no li lawm.” 39Falaus hais rau Yauxej tias, “Vajtswv tub qhia tagnrho tej no rau koj paub lawm, txhais tau tias yeej tsis muaj leejtwg yuav ntse thiab muaj tswvyim npaum li koj. 40Kuv yuav tsa koj ua tus saib kuv lub vajloog, thiab tagnrho kuv cov pejxeem yuav mloog koj tej lus xaaj. Yog hais txog lub zwmtxwv, kuv thiaj tseem yog tus loj dua koj xwb. #Teshl 7:10 41Zaumno kuv tsa koj ua tus tswj tagnrho lub tebchaws Iziv.”
42Falaus hle hlo nws ntiv nplhaib uas yog lub homthawj ntawm nws tus ntivtes los looj kiag Yauxej tus ntivtes. Nws muab cev ristsho ntaub mag uas zoo heev rau Yauxej hnav, thiab muab txoj saw kub los rau Yauxej coj ntawm cajdab. #Dani 5:29 43Nws muab nws lub tsheb neeg vajntxwv thib ob rau Yauxej caij, thiab nws cov tub fajxwm mus ua Yauxej ntej qw hais tias, “Zam kev! Zam kev!” Yogli ntawd Yauxej thiaj raug tsa ua tus tswvxeev kav tagnrho lub tebchaws Iziv. 44Falaus hais rau Yauxej tias, “Kuv yog Falaus, tiamsis yog koj tsis tau tsocai mas cov neeg uas nyob hauv tebchaws Iziv no tsis muaj cai tsa tes tsa taw ua ib yam dabtsi li.” 45Falaus tis dua ib lub npe tshiab uas yog npe Iziv rau Yauxej hu ua Xefanaj Paneyas, thiab nws muab Pautifelas uas yog tus povthawj hlob uas nyob hauv lub nroog Oos#41:45: Oos: yog hais txog lub tuamtsev hauv lub nroog Heli-aupulis. tus ntxhais hu ua Axenas rau Yauxej yuav ua pojniam. Yauxej thiaj tawm mus ncig thoobplaws tebchaws Iziv.
46Thaum Yauxej pib ua haujlwm rau Falaus uas yog cov Iziv tus vajntxwv, nws muaj hnubnyoog pebcaug xyoo. Yauxej tawm hauv Falaus lub loog thiab mus ncig saib thoobplaws tebchaws Iziv. 47Xya lub xyoo uas qoobloo ntsu nplua-mias ntawd, cov neeg hauv tebchaws Iziv ua tau qoobloo ntau kawg nkaus li; 48Yauxej tau sau tagnrho tej qoobloo uas ua tau ntawm xya lub xyoo ntawd los khaws cia rau hauv tej nroog. Lub nroog twg uas muaj neeg ua teb nyob puagncig, los nws sau tej qoob huvsi los khaws cia rau hauv lub nroog ntawd. 49Yauxej sau tau qoobloo los khaws cia ntau npaum nkaus li tej xuabzeb nram ntug hiavtxwv; sau tau ntau heev ces nws thiaj tsis suav vim suav tsis txheeb li lawm.
50Uantej xyoo uas muaj kev tshaib kev nqhis los txog, Yauxej tus pojniam uas hu ua Axenas yug tau ob tug tub rau nws. 51Yauxej hais tias, “Vajtswv ua rau kuv tsis nco tagnrho kuv tej kev txomnyem thiab tsis nco tagnrho kuv txiv tsev neeg li lawm”; yogli ntawd, nws thiaj muab nws tus tub hlob tis npe hu ua Manaxes.#41:51: Manaxes: Lub npe no hais muaj ntsis thooj li lolus Henplais uas hais tias “ua kom tsis nco.” 52Thiab nws tseem hais tias, “Vajtswv pub rau kuv muaj tubki hauv lub tebchaws uas kuv muaj kev ntxhovsiab”; yogli ntawd nws thiaj muab nws tus tub yau tis npe hu ua Efalayees.#41:52: Efalayees: Lub npe no hais muaj ntsis thooj li lolus Henplais uas hais tias “pub menyuam.”
53Xya lub xyoo uas qoobloo ntsu nplua-mias nyob hauv tebchaws Iziv tau xaus, 54ces xya lub xyoo uas muaj kev tshaib nqhis txawm pib tshwm tuaj, rawsli Yauxej hais tseg. Txhua lub tebchaws muaj kev tshaib nqhis, tiamsis thoobplaws lub tebchaws Iziv tseem muaj mov noj. #Teshl 7:11 55Thaum cov neeg Iziv pib muaj kev tshaib plab, lawv txawm quaj thov mov ntawm Falaus. Yogli ntawd, Falaus thiaj kom lawv mus cuag Yauxej thiab ua rawsli Yauxej hais. #Yauh 2:5 56Thaum kev tshaib kev nqhis nthuav mus thoob lub tebchaws lawm, Yauxej thiaj qhib txhua lub txhab nplej thiab muag rau cov neeg Iziv. 57Tej neeg uas nyob thoobplaws txhua qhov puavleej tuaj rau hauv tebchaws Iziv uas yog tuaj yuav nplej ntawm Yauxej, rauqhov muaj kev tshaib nqhis loj heev mus thoobplaws txhua qhov chaw li lawm.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022 United Bible Societies. All rights reserved.