Chivkeeb 40
40
Yauxej Txhais Ob Zag Npausuav
1Tau ib ntus tomqab no, tus hliv cawv thiab tus thawj saib kev ci ncuav rau tus vajntxwv uas kav tebchaws Iziv, tau ua txhaum rau vajntxwv. 2Falaus#40:2: Falaus: tsis yog ib lub npe neeg tiamsis yog ib lub meejmom uas txhais hais tias “vajntxwv.” thiaj chim rau ob tug tubtxib ntawd heev, 3nws txawm hais kom coj nkawd mus kaw rau hauv tus thawj uas saib cov fajxwm lub tsev, uas yog tiblub tsev lojcuj uas kaw Yauxej. 4Tus thawj uas saib cov neeg raug txim tau muab nkawd los cob rau Yauxej kom Yauxej ua tus saib nkawd; lawv sawvdaws nyob hauv tsev lojcuj tau ib ntus ntev loo.
5Muaj ib hmos tus hliv cawv thiab tus thawj saib kev ci ncuav nyias txawm ua nyias ib zag npausuav, thiab ob zaj npausuav ntawd nyias muaj nyias ntsiablus. 6Thaum sawvntxov Yauxej los rau hauv chav uas nkawd nyob, nws pom nkawd nyuajsiab kawg li. 7Yauxej nug nkawd hais tias, “Vim licas hnubno neb yuav mluas ualuaj?”
8Nkawd teb tias, “Wb nyias ua nyias ib zag npausuav, tiamsis ntawm no tsis muaj leejtwg yuav txhais tau wb ob zaj npausuav li.”
Yauxej teb tias, “Tsuas yog Vajtswv xwb thiajli txhais tau npausuav. Qhia neb ob zaj npausuav rau kuv mloog seb!”
9Ces tus hliv cawv thiaj piav nws zaj npausuav rau Yauxej hais tias, “Kuv ua npausuav pom ib tsob txivhmab nyob ntawm kuv xubntiag 10ncau ua peb ceg. Thaum nws hlav nplooj lawm, ces txawm ciali tawgpaj txitxiv ua tej tauv, thiab tej txivhmab txawm siav tagnrho. 11Kuv tuav rawv Falaus lub khob, ces kuv txawm de cov txivhmab ntawd thiab muab tso kua rau hauv lub khob muab cev rau Falaus.”
12Yauxej hais tias, “Koj zaj npausuav lub ntsiab mas yog li no: peb tug ceg txivhmab ntawd yog peb hnub. 13Peb hnub saum no Falaus yuav tso koj tawm mus, nws yuav zamtxim rau koj, thiab yuav muab koj tes haujlwm qub rov rau koj ua. Koj yuav tau rov muab nws lub khob cev rau nws ib yam li yav tas los uas koj txeev yog tus hliv cawv rau nws haus. 14Tiamsis thaum koj tau zoo lawm thov koj ncontsoov txog kuv, thiab ho ua siab dawbpaug qhia txog kuv rau Falaus paub, thiab pab tso kuv tawm hauv tsev lojcuj no mus. 15Qhov tseeb tiag ces yog lawv nyiag kuv pem tebchaws Henplais los, thiab txawm yog kuv los nyob rau hauv tebchaws Iziv no los kuv yeej tsis tau ua ib yam dabtsi uas tsimnyog raug kaw rau hauv tsev lojcuj no li.”
16Thaum tus thawj uas saib kev ci ncuav pom tias tus hliv cawv zaj npausuav yog zaj zoo lawm, nws thiaj hais rau Yauxej tias, “Kuv kuj ua ib zag npausuav thiab; kuv kwv peb choo ncuav sibtshooj rau saum kuv taubhau. 17Nyob saum tshooj kawg saum ub, muaj txhua yam ncuav uas zoo coj mus rau Falaus, tiamsis noog los muab cov ncuav ntawd noj lawm.”
18Yauxej teb tias, “Koj zaj npausuav lub ntsiab mas yog li no: peb choo ncuav yog peb hnub. 19Peb hnub saum no Falaus yuav tso koj tawm mus, thiab yuav muab koj txiav cajdab! Ces nws yuav muab koj lub cev mus dai rau saum tus ncej, thiab noog yuav los noj koj cev nqaij.”
20Tau peb hnub tomqab uas txog Falaus lub hnub yug, nws txawm ua tau ib rooj mov rau tagnrho nws cov nomtswv tuaj noj uake; nws thiaj tso tus uas hliv cawv thiab tus thawj saib kev ci ncuav los sawv tabmeeg ntawm nws cov nomtswv. 21Nws txawm muab tus uas hliv cawv rov mus ua nws lub luag haujlwm hliv cawv li qub, 22tiamsis nws kom lawv muab tus thawj saib kev ci ncuav coj mus tua lawm. Tej no tshwmsim raws nraim li Yauxej tau hais lawm tiag. 23Tiamsis tus hliv cawv txawm xav tsis txog Yauxej li, nws ciali tsis nco Yauxej li lawm.
Právě zvoleno:
Chivkeeb 40: MWW2022
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022 United Bible Societies. All rights reserved.
Chivkeeb 40
40
Yauxej Txhais Ob Zag Npausuav
1Tau ib ntus tomqab no, tus hliv cawv thiab tus thawj saib kev ci ncuav rau tus vajntxwv uas kav tebchaws Iziv, tau ua txhaum rau vajntxwv. 2Falaus#40:2: Falaus: tsis yog ib lub npe neeg tiamsis yog ib lub meejmom uas txhais hais tias “vajntxwv.” thiaj chim rau ob tug tubtxib ntawd heev, 3nws txawm hais kom coj nkawd mus kaw rau hauv tus thawj uas saib cov fajxwm lub tsev, uas yog tiblub tsev lojcuj uas kaw Yauxej. 4Tus thawj uas saib cov neeg raug txim tau muab nkawd los cob rau Yauxej kom Yauxej ua tus saib nkawd; lawv sawvdaws nyob hauv tsev lojcuj tau ib ntus ntev loo.
5Muaj ib hmos tus hliv cawv thiab tus thawj saib kev ci ncuav nyias txawm ua nyias ib zag npausuav, thiab ob zaj npausuav ntawd nyias muaj nyias ntsiablus. 6Thaum sawvntxov Yauxej los rau hauv chav uas nkawd nyob, nws pom nkawd nyuajsiab kawg li. 7Yauxej nug nkawd hais tias, “Vim licas hnubno neb yuav mluas ualuaj?”
8Nkawd teb tias, “Wb nyias ua nyias ib zag npausuav, tiamsis ntawm no tsis muaj leejtwg yuav txhais tau wb ob zaj npausuav li.”
Yauxej teb tias, “Tsuas yog Vajtswv xwb thiajli txhais tau npausuav. Qhia neb ob zaj npausuav rau kuv mloog seb!”
9Ces tus hliv cawv thiaj piav nws zaj npausuav rau Yauxej hais tias, “Kuv ua npausuav pom ib tsob txivhmab nyob ntawm kuv xubntiag 10ncau ua peb ceg. Thaum nws hlav nplooj lawm, ces txawm ciali tawgpaj txitxiv ua tej tauv, thiab tej txivhmab txawm siav tagnrho. 11Kuv tuav rawv Falaus lub khob, ces kuv txawm de cov txivhmab ntawd thiab muab tso kua rau hauv lub khob muab cev rau Falaus.”
12Yauxej hais tias, “Koj zaj npausuav lub ntsiab mas yog li no: peb tug ceg txivhmab ntawd yog peb hnub. 13Peb hnub saum no Falaus yuav tso koj tawm mus, nws yuav zamtxim rau koj, thiab yuav muab koj tes haujlwm qub rov rau koj ua. Koj yuav tau rov muab nws lub khob cev rau nws ib yam li yav tas los uas koj txeev yog tus hliv cawv rau nws haus. 14Tiamsis thaum koj tau zoo lawm thov koj ncontsoov txog kuv, thiab ho ua siab dawbpaug qhia txog kuv rau Falaus paub, thiab pab tso kuv tawm hauv tsev lojcuj no mus. 15Qhov tseeb tiag ces yog lawv nyiag kuv pem tebchaws Henplais los, thiab txawm yog kuv los nyob rau hauv tebchaws Iziv no los kuv yeej tsis tau ua ib yam dabtsi uas tsimnyog raug kaw rau hauv tsev lojcuj no li.”
16Thaum tus thawj uas saib kev ci ncuav pom tias tus hliv cawv zaj npausuav yog zaj zoo lawm, nws thiaj hais rau Yauxej tias, “Kuv kuj ua ib zag npausuav thiab; kuv kwv peb choo ncuav sibtshooj rau saum kuv taubhau. 17Nyob saum tshooj kawg saum ub, muaj txhua yam ncuav uas zoo coj mus rau Falaus, tiamsis noog los muab cov ncuav ntawd noj lawm.”
18Yauxej teb tias, “Koj zaj npausuav lub ntsiab mas yog li no: peb choo ncuav yog peb hnub. 19Peb hnub saum no Falaus yuav tso koj tawm mus, thiab yuav muab koj txiav cajdab! Ces nws yuav muab koj lub cev mus dai rau saum tus ncej, thiab noog yuav los noj koj cev nqaij.”
20Tau peb hnub tomqab uas txog Falaus lub hnub yug, nws txawm ua tau ib rooj mov rau tagnrho nws cov nomtswv tuaj noj uake; nws thiaj tso tus uas hliv cawv thiab tus thawj saib kev ci ncuav los sawv tabmeeg ntawm nws cov nomtswv. 21Nws txawm muab tus uas hliv cawv rov mus ua nws lub luag haujlwm hliv cawv li qub, 22tiamsis nws kom lawv muab tus thawj saib kev ci ncuav coj mus tua lawm. Tej no tshwmsim raws nraim li Yauxej tau hais lawm tiag. 23Tiamsis tus hliv cawv txawm xav tsis txog Yauxej li, nws ciali tsis nco Yauxej li lawm.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022 United Bible Societies. All rights reserved.