Chivkeeb 39
39
Yauxej Thiab Pautifas Tus Pojniam
1Cov neeg Yisamayees coj Yauxej mus rau tebchaws Iziv, thiab lawv muab nws muag rau Pautifas uas yog Falaus#39:1: Falaus: tsis yog ib lub npe neeg tiamsis yog ib lub meejmom uas txhais hais tias “vajntxwv.” tus thawj tubrog saib cov tubrog fajxwm uas zov Falaus lub loog. 2Tus TSWV nrognraim Yauxej ua rau Yauxej tes haujlwm tawgpaj txitxiv heev. Yauxej nyob hauv nws tus tswv uas yog neeg Iziv lub tsev. #Teshl 7:9 3Pautifas pom tias tus TSWV nrognraim Yauxej thiab ua rau txhua tes haujlwm uas Yauxej ua puavleej tiav mus rau qhov zoo. 4Pautifas txaussiab heev rau Yauxej nws thiaj tsa Yauxej ua nws tus tubtxib ntawm nws xubntiag, thiab tso plhuav nws lub vajtse thiab cuabtam rau Yauxej ua tus saib.
5Txij thaum ntawd los, vim Yauxej nrog nws nyob, tus TSWV thiaj foom koobhmoov rau tus neeg Iziv ntawd tsev neeg thiab txhua yam uas nws muaj nyob hauv nws lub vaj lub tsev thiab hauv nws tej teb. 6Pautifas muab txhua yam uas nws muaj cob rau Yauxej saib thiab nws tsosiab plhuav tsis txhawj txog ib yam dabtsi li, tsuas yog tshwj tej zaub-mov uas nws noj nkaus xwb.
Yauxej yog ib tug hluas uas zoo cev thiab zoonraug heev, 7ces tau tsis ntev Pautifas tus pojniam txawm nyiam Yauxej thiab taij Yauxej hais tias, “Koj ciali los nrog kuv pw!” 8Yauxej tsis kam mus thiab nws hais rau Pautifas tus pojniam tias, “Koj saib maj, vim muaj kuv nyob rau ntawm no, kuv tus tswv thiaj tsis muaj kev nyuajsiab thiab txhawj txog ib yam dabtsi nyob rau hauv nws lub tsev hlo li. Nws muab txhua yam uas nws muaj tso plhuav rau kuv ua tus saib. 9Hauv lub tsev no kuv muaj meejmom ib yam li nws. Nws yeej tsis txwv kuv ib yam dabtsi li, tsuas tshwj koj uas yog nws tus pojniam xwb. Kuv yuav ua licas ua tej kev phem kev qias loj li no thiab ua txhaum rau Vajtswv?” 10Txawm yog nws yuav niajhnub taij kom Yauxej mus nrog nws pw los Yauxej yeej tsis kam mus li.
11Tiamsis muaj ib hnub Yauxej mus rau hauv tsev uas yog mus ua nws tes haujlwm, hnub ntawd tej tubtxib tsis muaj ib tug nyob hauv tsev li lawm. 12Pautifas tus pojniam txawm los ntsiab nkaus Yauxej lub tsho ntev thiab hais tias, “Koj ciali los nrog kuv pw!” Tiamsis Yauxej hle hlo nws lub tsho ntev rau ntawm Pautifas tus pojniam txhais tes, ces nws txawm khiav tawm rau nraumzoov lawm.
13Thaum Pautifas tus pojniam pom tias Yauxej hle Yauxej lub tsho ntev rau nws thiab khiav tawm rau nraumzoov lawm, 14nws txawm qw rau cov tubtxib uas zov nws lub tsev los thiab hais tias, “Nej saib seb! Tus neeg Henplais uas kuv tus txiv coj los rau hauv tsev no, nws ua saib tsis taus peb kiag li! Nws ciali los hauv kuv txaj thiab yuav muab kuv mos, tiamsis kuv qw tawg ntho. 15Thaum nws hnov kuv qw ces nws ciali khiav rau nraumzoov thiab tseg nws lub tsho ntev rau ntawm kuv ib sab.”
16Pautifas tus pojniam khaws Yauxej lub tsho ntev ntawd cia mus txog thaum Yauxej tus tswv rov los txog tsev. 17Ces nws txawm piav zaj no rau nws tus txiv mloog hais tias: “Tus tubqhe Henplais uas koj coj los nrog wb nyob, nws los hauv kuv txaj thiab ua saib tsis taus kuv! 18Tiamsis thaum kuv qw tawg ntho, ces nws txawm khiav rau nraumzoov thiab tseg nws lub tsho rau ntawm kuv ib sab.”
19Thaum Yauxej tus tswv hnov tej lus uas nws tus pojniam piav ntawd, nws chim kawg nkaus li. 20Nws thiaj kom neeg muab Yauxej ntes thiab coj mus kaw rau hauv qhov chaw uas kaw vajntxwv cov neeg raug txim; ces Yauxej thiaj mus nyob rau ntawd lawm.
21Tiamsis tus TSWV yeej nrognraim Yauxej thiab foom koobhmoov rau Yauxej, Nws tau ua rau tus uas saib lub tsev lojcuj ntawd txaussiab heev rau Yauxej. 22Tus uas saib lub tsev lojcuj ntawd tau tsa Yauxej ua tus tswj tagnrho cov neeg raug txim thiab ua tus saib txhua yam uas nyob hauv lub tsev lojcuj. 23Tus uas saib lub tsev lojcuj yeej tsosiab plhuav, tsis tas yuav taug qab saib tej haujlwm uas nws tso rau Yauxej ua li, rauqhov tus TSWV nrognraim Yauxej thiab txhua yam uas nws ua puavleej tiav mus rau qhov zoo hauv tibsi.
Právě zvoleno:
Chivkeeb 39: MWW2022
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022 United Bible Societies. All rights reserved.
Chivkeeb 39
39
Yauxej Thiab Pautifas Tus Pojniam
1Cov neeg Yisamayees coj Yauxej mus rau tebchaws Iziv, thiab lawv muab nws muag rau Pautifas uas yog Falaus#39:1: Falaus: tsis yog ib lub npe neeg tiamsis yog ib lub meejmom uas txhais hais tias “vajntxwv.” tus thawj tubrog saib cov tubrog fajxwm uas zov Falaus lub loog. 2Tus TSWV nrognraim Yauxej ua rau Yauxej tes haujlwm tawgpaj txitxiv heev. Yauxej nyob hauv nws tus tswv uas yog neeg Iziv lub tsev. #Teshl 7:9 3Pautifas pom tias tus TSWV nrognraim Yauxej thiab ua rau txhua tes haujlwm uas Yauxej ua puavleej tiav mus rau qhov zoo. 4Pautifas txaussiab heev rau Yauxej nws thiaj tsa Yauxej ua nws tus tubtxib ntawm nws xubntiag, thiab tso plhuav nws lub vajtse thiab cuabtam rau Yauxej ua tus saib.
5Txij thaum ntawd los, vim Yauxej nrog nws nyob, tus TSWV thiaj foom koobhmoov rau tus neeg Iziv ntawd tsev neeg thiab txhua yam uas nws muaj nyob hauv nws lub vaj lub tsev thiab hauv nws tej teb. 6Pautifas muab txhua yam uas nws muaj cob rau Yauxej saib thiab nws tsosiab plhuav tsis txhawj txog ib yam dabtsi li, tsuas yog tshwj tej zaub-mov uas nws noj nkaus xwb.
Yauxej yog ib tug hluas uas zoo cev thiab zoonraug heev, 7ces tau tsis ntev Pautifas tus pojniam txawm nyiam Yauxej thiab taij Yauxej hais tias, “Koj ciali los nrog kuv pw!” 8Yauxej tsis kam mus thiab nws hais rau Pautifas tus pojniam tias, “Koj saib maj, vim muaj kuv nyob rau ntawm no, kuv tus tswv thiaj tsis muaj kev nyuajsiab thiab txhawj txog ib yam dabtsi nyob rau hauv nws lub tsev hlo li. Nws muab txhua yam uas nws muaj tso plhuav rau kuv ua tus saib. 9Hauv lub tsev no kuv muaj meejmom ib yam li nws. Nws yeej tsis txwv kuv ib yam dabtsi li, tsuas tshwj koj uas yog nws tus pojniam xwb. Kuv yuav ua licas ua tej kev phem kev qias loj li no thiab ua txhaum rau Vajtswv?” 10Txawm yog nws yuav niajhnub taij kom Yauxej mus nrog nws pw los Yauxej yeej tsis kam mus li.
11Tiamsis muaj ib hnub Yauxej mus rau hauv tsev uas yog mus ua nws tes haujlwm, hnub ntawd tej tubtxib tsis muaj ib tug nyob hauv tsev li lawm. 12Pautifas tus pojniam txawm los ntsiab nkaus Yauxej lub tsho ntev thiab hais tias, “Koj ciali los nrog kuv pw!” Tiamsis Yauxej hle hlo nws lub tsho ntev rau ntawm Pautifas tus pojniam txhais tes, ces nws txawm khiav tawm rau nraumzoov lawm.
13Thaum Pautifas tus pojniam pom tias Yauxej hle Yauxej lub tsho ntev rau nws thiab khiav tawm rau nraumzoov lawm, 14nws txawm qw rau cov tubtxib uas zov nws lub tsev los thiab hais tias, “Nej saib seb! Tus neeg Henplais uas kuv tus txiv coj los rau hauv tsev no, nws ua saib tsis taus peb kiag li! Nws ciali los hauv kuv txaj thiab yuav muab kuv mos, tiamsis kuv qw tawg ntho. 15Thaum nws hnov kuv qw ces nws ciali khiav rau nraumzoov thiab tseg nws lub tsho ntev rau ntawm kuv ib sab.”
16Pautifas tus pojniam khaws Yauxej lub tsho ntev ntawd cia mus txog thaum Yauxej tus tswv rov los txog tsev. 17Ces nws txawm piav zaj no rau nws tus txiv mloog hais tias: “Tus tubqhe Henplais uas koj coj los nrog wb nyob, nws los hauv kuv txaj thiab ua saib tsis taus kuv! 18Tiamsis thaum kuv qw tawg ntho, ces nws txawm khiav rau nraumzoov thiab tseg nws lub tsho rau ntawm kuv ib sab.”
19Thaum Yauxej tus tswv hnov tej lus uas nws tus pojniam piav ntawd, nws chim kawg nkaus li. 20Nws thiaj kom neeg muab Yauxej ntes thiab coj mus kaw rau hauv qhov chaw uas kaw vajntxwv cov neeg raug txim; ces Yauxej thiaj mus nyob rau ntawd lawm.
21Tiamsis tus TSWV yeej nrognraim Yauxej thiab foom koobhmoov rau Yauxej, Nws tau ua rau tus uas saib lub tsev lojcuj ntawd txaussiab heev rau Yauxej. 22Tus uas saib lub tsev lojcuj ntawd tau tsa Yauxej ua tus tswj tagnrho cov neeg raug txim thiab ua tus saib txhua yam uas nyob hauv lub tsev lojcuj. 23Tus uas saib lub tsev lojcuj yeej tsosiab plhuav, tsis tas yuav taug qab saib tej haujlwm uas nws tso rau Yauxej ua li, rauqhov tus TSWV nrognraim Yauxej thiab txhua yam uas nws ua puavleej tiav mus rau qhov zoo hauv tibsi.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© 2022 United Bible Societies. All rights reserved.