Oblíbené biblické verše z ܡܓܰܠܝܘܢ ܕܝܘܚܢܢ 3

Sdílet

ܡܺܐܝܕ̥ܶܗ ܕܗܰܩܰܐ ܐܰ‌ܠܳܗܳܐ ܪܚ݄ܡ ܠܶܗ ܗ̄ܽܘ ܥܳܠܡܳܐ ܗܳܠ ܕܳܗ̄ܒܶܐ ܗ̄ܽܘ ܐܰܒܪܰܝܕ̥ܶܗ ܗ̄ܽܘ ܝܺܚܺܝܕ̥ܳܝܳܐ، ܕܟܽܘܠ ܕ݄ܡܗܰܝܡ݄ܢ ܐܶܒܶܗ ܠ݄ܐ ܓܡܺܝܣܰܟ݄ܪ (ܘܡܳܝ݄ܬ̥)، ܐܶ‌ܠܳܐ ܓܕܳܗ̄ܘ݄ܢ ܠܶܗ ܚܰܝ̈ܶܐ ܕ݄ܠܥܳܠܰܡ.

ܠܳܐ ܡܫܰܕܰܪ ܠܶܗ ܐܰ‌ܠܳܗܳܐ ܗ̄ܽܘ ܐܰܒܪܰܝܕ̥ܶܗ ܠܽܗ̄ܘ ܥܳܠܡܳܐ ܕܕܳܝ݄ܢ ܗ̄ܽܘ ܥܳܠܡܳܐ، ܐܶ‌ܠܳܐ ܕܚܳܝܶܐ ܗ̄ܽܘ ܥܳܠܡܳܐ ܒܺܐܝܕ̥ܶܗ.

ܡܰܕܥܰܪ ܠܶܗ ܝܶܫܽܘܥ ܘܐܡ݄ܪ ܠܶܗ ܠܶܗ: ”ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܳܟ̥: ܕܶܐܢ ܢܳܫܳܐ ܠܳܐ ܡܺܝܬܰܘܠ݄ܕ̥ ܡܽܗ̄ܘ ܪܺܝܫܳܐ ܠܰܝܒܶܗ ܕܚܳܙܶܐ ܗ̄ܺܝ ܡܰܠܟܽܘܬ̥ܳܐ ܕܰܐ‌ܠܳܗܳܐ.“

ܡܰܢ ܕ݄ܡܗܰܝܡ݄ܢ ܐܶܒܶܗ ܠ݄ܐ ܟܡܺܝܕ݄ܢ (ܟܡ݄ܚܟ݄ܡ)، ܘܡܰܢ ܕܠܳܐ ܡܗܰܝܡ݄ܢ ܟܰܐܠܶܗ ܡܶܢ̱ ܙܰܒܢܳܐ ܕܺܝܢ (ܚܟܺܝܡ ܐܰܥܠܶܗ)، ܥܰܠ ܕܠܳܐ ܡܗܰܝܡܰܢ ܠܶܗ ܒ݄ܐܫܡܶܗ ܕܽܗ̄ܘ ܝܺܚܺܝܕ̥ܳܝܳܐ، ܗ̄ܽܘ ܐܰܒܪܳܐ ܕܰܐ‌ܠܳܗܳܐ.

ܘܗܰܢܳܐ ܝܳܐ ܗ̄ܽܘ ܕܺܝܢܳܐ: ܗ̄ܽܘ ܢܽܘܗܪܳܐ ܐܰܬ̥ܺܝ ܠܽܗ̄ܘ ܥܳܠܡܳܐ، ܘܰܗ̄ܢ ܢܳܫ̈ܶܐ ܪܚ݄ܡّܶܗ ܗ̄ܽܘ ܚܶܫܟ̥ܳܐ ܙ݄ܕ ܡܽܗ̄ܘ ܢܽܘܗܪܳܐ، ܥܰܠ ܕܰܥܒܳܕ̈ܰܬ̥ܰܬ̥ܶܗ ܒܺܝܫ̈ܶܐ ܗ̄ܘܰܝܢܶܝ.

ܗܰܘܳܐ ܟܠܳܙ݄ܡ ܕܝܳܪܽܒ̥، ܘܳܐܢܳܐ ܕܢܳܩܰܨ ܐ̱ܢܳܐ.

ܡܺܐܝܕ̥ܶܗ ܕܟܽܘܠ ܚܰܕ̱ ܕ݄ܟܣܳܝ݄ܡ ܒܺܝܫ̈ܳܬ̥ܳܐ ܟ݄ܡܥܰܢ݄ܬ ܡܽܗ̄ܘ ܢܽܘܗܪܳܐ، ܘܠܳܐ ܟܳܐܬ̥ܶܐ ܠܽܗ̄ܘ ܢܽܘܗܪܳܐ ܕܠܳܐ ܡ݄ܓܠ݄ܢ ܗ̄ܰܥّܰܝܒ̈ܶܐ ܕܰܥܒܳܕ̥̈ܰܝܕ̥ܶܗ.

ܡܰܢ ܕ݄ܡܗܰܝܡ݄ܢ ܒܽܗ̄ܘ ܐܰܒܪܳܐ، ܟ݄ܬ ܠܶܗ ܚܰܝ̈ܶܐ ܕ݄ܠܥܳܠܰܡ، ܘܡܰܢ ܕܠ݄ܐ ܟܫܳܡ݄ܥ ܠܽܗ̄ܘ ܐܰܒܪܳܐ ܠ݄ܐ ܟܚܳܙܶܐ ܚܰܝ̈ܶܐ، ܐܶ‌ܠܳܐ ܗ̄ܽܘ ܪܽܘܓ̥ܙܳܐ ܕܰܐ‌ܠܳܗܳܐ ܓܦܳܝ݄ܫ ܐܰܥܠܶܗ.“

ܘܒܶܗ ܐܰܝܕܰܪܒܳܐ ܡܰܥܠܶܐ ܠܶܗ ܡܽܘܫܶܐ ܗ̄ܺܝ ܟܽܘܪܦܳܐ ܒܽܗ̄ܘ ܡܰܕ̥ܒܪܳܐ، ܗܰܘܟ̥ܰܐ ܓܡܺܝܬܰܥܠܶܐ ܐܰܒܪܶܗ ܕܢܳܫܳܐ.

ܗ̄ܽܘ ܐܰܒܳܐ ܟܪܳܚ݄ܡ ܗ̄ܽܘ ܐܰܒܪܳܐ، ܘܟܽܘܠ ܡܶܕܶܐ ܗܽܒ̥ ܠܶܗ (ܘܡܰܚܰܬ ܠܶܗ) ܒܺܐܝܕ̥ܶܗ.