Oblíbené biblické verše z ܡܓܰܠܝܘܢ ܕܝܘܚܢܢ 2

Sdílet

ܗܰܬ̥ܶܐ ܝܳܐ ܗ̄ܺܝ ܐܳܬ̥ܳܐ ܩܰܕ̱ܡܰܝܬܳܐ ܕܣ݄ܡ ܠܶܗ ܝܶܫܽܘܥ، ܒܩܳܛܢܶܐ ܕ݄ܓܠܺܝܠܳܐ، ܘܡܰܘܕ̥ܰܥ ܠܶܗ ܗ̄ܽܘ ܫܽܘܒܚܰܝܕ̥ܶܗ، ܘ݄ܡܗܰܝܡܰܢّܶܗ ܐܶܒܶܗ ܗ̄ܰܬّܰܠܡܺܝܕ̥̈ܰܝܕ̥ܶܗ.

ܝܶܫܽܘܥ ܟܳܐܡܰܪ ܠܰܗ: ”ܡܳܐ ܠܺܝ ܘܶܐ‌ܠܰܟ̥، ܐܰܢ̱ܬ̥ܬܳܐ؟ ܗܶܫ ܠܰܐ ܐܬ̥ܝܳܐ ܗ̄ܺܝ ܫܳܥܬ̥ܰܝܕ̥ܺܝ.“

ܟܳܐܡܰܪّܶܗ ܝܶܫܽܘܥ: ”ܡܠܰܝܽܘ ܡܰܝ̈ܶܐ ܒܰܝّܰܐܓܳܢ̈ܶܐ.“ ܘ݄ܡܠܰܢّܶܗ ܗܳܠ ܠܰܠܥ݄ܠ. ܟܳܐܡܰܪّܶܗ: ”ܐܳܥܕܳܐ ܓܪܰܦܽܘ ܡ݄ܢّܶܗ ܘܡܰܝܬܶܝܽܘ ܠܽܗ̄ܘ ܪܺܝܫܳܐ ܕܺܗ̄ܝ ܡ݄ܫܬܽܘܬ̥ܳܐ.“ ܘܡܰܝܬܰܠّܶܗ.

ܡܰܕܥܰܪ ܠܶܗ ܝܶܫܽܘܥ ܘܐܡ݄ܪ ܠܰܗ ܠّܶܗ: ”ܕܪܰܝܽܘ ܗ̄ܽܘ ܗܰܝܟܠܰܢܳܐ، ܘܳܐܢܳܐ ܟܡܰܩ݄ܡܢܶܗ ܒ݄ܬܠܳܬ̥ܳܐ ܝܰܘܡ̈ܶܐ.“

ܘܣ݄ܡ ܠܶܗ ܠܶܗ ܫܰܘܛܳܐ ܡܽܗ̄ܘ ܚܰܒ̥ܠܳܐ، ܘܡܰܘܦܰܩ ܠܶܗ ܠܟܘ̇ܠّܶܗ ܡܽܗ̄ܘ ܗܰܝܟܠܳܐ: ܗ̄ܰܥّܶܪ̈ܒܶܐ ܘܰܬّܰܘܪ̈ܶܐ ܘܰܡܨܰܪ̈ܦܳܢܶܐ، ܘ݄ܡܒܰܪܒܰܙ ܠܶܗ ܗ̄ܰܙّܽܘܙ̈ܰܬّ̥ܶܗ ܘܡܰܩܠܰܒ ܠܶܗ ܗ̄ܰܛّܶܒ݄̈ܠܝܳܬ̥ܰܬّ̥ܶܗ. ܘܠܰܗ̄ܢ݄ܟ ܕܟܳܡܙܰܒܢܺܝ ܝܰܘܢ̈ܶܐ ܐܡ݄ܪ ܠܶܗ: ”ܡܽܘܕܽܘ ܗܰܢܺܝ ܡܰܗ̄ܪܟܶܐ، ܘܠܳܐ ܣܰܝܡܺܝܬܽܘ ܗ̄ܽܘ ܒܰܝܬܳܐ ܕܒܰܒܺܝ ܒܰܝܬܳܐ ܕܺܗ̄ܝ ܬܰܓܳܪܽܘܬ̥ܳܐ!“