Oblíbené biblické verše z ܡܓܰܠܝܘܢ ܕܝܘܚܢܢ 4

Sdílet

ܡܺܐܝܕ̥ܶܗ ܕܪܽܘܚܳܐ ܝܳܐ ܐܰ‌ܠܳܗܳܐ، ܘܰܐܝܢܰܐ ܕܣܳܓ̥ܕܺܝ ܠܶܗ ܒܺܗ̄ܝ ܪܽܘܚܳܐ ܘܒܽܗ̄ܘ ܫܪܳܪܳܐ ܠܳܙ݄ܡ ܕܣܳܓ̥ܕܺܝ.“

ܐܶ‌ܠܳܐ ܓܕܳܐܬ̥ܝܳܐ ܗ̄ܺܝ ܫܳܥܬ̥ܳܐ، ܘܳܐܥܕܳܐ ܝܳܐ، ܗ̄ܰܣّܳܓ̥ܽܘܕ̈ܶܐ ܫܰܪܺܝܪ̈ܶܐ ܓܣܳܓ̥ܕܺܝ ܠܽܗ̄ܘ ܐܰܒܳܐ ܒܺܗ̄ܝ ܪܽܘܚܳܐ ܘܒܽܗ̄ܘ ܫܪܳܪܳܐ، ܘܽܗ̄ܘ ܐܰܒܳܐ ܣܬܶܝ ܗܰܘܟ̥ܰܐ ܣܳܓ̥ܽܘܕ̈ܶܐ ܟܳܐܒ݄ܥ.

ܘܟܽܘܠ ܕܫܳܬܶܐ ܡܰܢ̱ ܡّܰܝ̈ܶܐ ܕܳܐܢܳܐ ܟܳܗ̄ܒܶܐ ܐ̱ܢܳܐ ܠ݄ܐ ܓܨܳܗܶܐ ܠܥܳܠܰܡ، ܐܶ‌ܠܳܐ ܗ̄ܰܡّܰܝ̈ܰܢ݄ܟ ܕܳܐܢܳܐ ܟܳܗ̄ܒܶܐ ܐ̱ܢܳܐ ܓܕܳܗ̄ܘ݄ܢ ܐܶܒܶܗ ܡܥܰܝܢܳܐ ܕܡܰܝ̈ܶܐ ܕܢܳܒܥܺܝ ܠܚܰܝ̈ܶܐ ܕܰܠܥܳܠܰܡ.“

ܡܰܕܥܰܪ ܠܶܗ ܝܶܫܽܘܥ ܘܐܡ݄ܪ ܠܶܗ ܠܰܗ: ”ܕܳܐܕ̥ܥܰܬ ܗ̄ܘܰܐ ܗ̄ܺܝ ܡܰܘܗܰܒܬܳܐ ܕܰܐ‌ܠܳܗܳܐ، ܘܡܰܢܝܳܐ ܗܰܢܳܐ ܕܐܡ݄ܪ ܠܶܗ ܠܰܟ̥ ܗܰܒ̥ ܠܺܝ ܕܫܳܬܶܐ ܐ̱ܢܳܐ، ܗܰܬ ܡܫܰܐܠܰܬ ܗ̄ܘܰܝ ܠܶܗ ܘܳܗ̄ܒܶܐ ܗ̄ܘܰܝ ܠܰܟ̥ ܡܰܝ̈ܶܐ ܚܰܝ̈ܶܐ.“

ܘܐܡ݄ܪ ܠܰܗ ܠّܶܗ ܝܶܫܽܘܥ: ”ܗ̄ܽܘ ܡܽܐܘܟܠܰܝܕ̥ܺܝ ܗܰܢܳܐ ܝܳܐ ܕܣܳܝܰܡ ܐ̱ܢܳܐ ܗ̄ܽܘ ܨܶܒܝܳܢܳܐ ܕܡܰܢ ܕ݄ܡܫܰܕܰܪ ܠܶܗ ܠܺܝ، ܘ݄ܡܟܰܡܰܠ ܐ̱ܢܳܐ ܗ̄ܽܘ ܥܒ̥ܳܕܰܝܕ̥ܶܗ.

ܟܳܐܡّܳܪ̱ܐ ܠܰܗ ܗ̄ܺܝ ܐܰܢ̱ܬ̥ܬܰܝܳܐ: ”ܡܳܪܝ، ܠܳܐ ܕܰܘܠܳܐ ܟܺܝܬ ܠܳܟ̥، ܘܺܗ̄ܝ ܒܺܐܪܳܐ ܥܰܡܽܘܩܬܳܐ ܝܳܐ، ܡܰܐܝܟܳܐ ܠܳܟ̥ ܡܰܝ̈ܶܐ ܚܰܝ̈ܶܐ؟

ܐܡ݄ܪ ܠܰܗ ܗ̄ܺܝ ܐܰܢ̱ܬ̥ܬܳܐ: ”ܟ݄ܐܕ̥ܥܳܐ ܐ̱ܢܳܐ ܕ݄ܡܫܺܝܚܳܐ ܐܰܬ̥ܳܝܳܐ ܝܳܐ، ܘܡ݄ܐ ܕܰܐܬ̥ܺܝ، ܗܺܝّܶܗ ܓܡܰܘܠܰܦ ܠܰܢ ܟܽܘܠ ܡܶܕܶܐ.“ ܐܡ݄ܪ ܠܶܗ ܠܰܗ ܝܶܫܽܘܥ: ”ܐܳܢܳܐ ܐ̱ܢܳܐ ܕ݄ܟܡ݄ܫܓ̥ܰܠ ܐ̱ܢܳܐ ܐܰܥܡܰܟ̥.“

”ܬܳܟ̥ܽܘ ܚܙܰܝܽܘ ܓܰܒ̥ܪܳܐ ܕܐܡ݄ܪ ܠܶܗ ܠܺܝ ܟܽܘܠ ܡܶܕܶܐ ܕܣ݄ܡ ܠܺܝ. ܟܳܗ̄ܘܶܐ ܕܳܗ̄ܘܶܐ ܗܺܝّܶܗ ܡܫܺܝܚܳܐ؟“