Oblíbené biblické verše z Abharuumi 4

Sdílet

Kweki, ataabha na enkubhi yoyonse, eguru ya endago inú Waryubha yaaringa amuragiri. Nawe, akagendererya okunaga kuimani na okumugungya Waryubha, kwa okubha yaaringa amanyiri kwa obhuheene ega, Waryubha aratura okumukorera ganú yaaringa amuragiri.

N-kya ego Waryubha yaamuraga Abhurahamu mu Mangʼoore Amarabhu ega, “Nkukoreri okubha esewaabho ebhyaro ebhyaru.” Endago iyo ngʼ-ya heene embere ya Waryubha, unú Abhurahamu yaamwikirirya. Waryubha uyo, ngʼo arahaana abhaku obhuhoru, na araragirirya ebhintu bhinú bhitaaringa-ho, bhibhe-ho.

Waryubha yaamuruusya Yeesu, naho akwe kurusumo rwa obhusarya bhwetu, akamuhyukya okurwa mubhaku, naho bheetu tubharwe okubha abhaheene embere yaaye.

Hanú Abhurahamu yaakeeribhwa amangʼana gayo, gakamukongʼera. Nawe, akagendererya okugeekirirya na okwisiga ega, Waryubha arimukora okubha esewaabho ebhyaro ebhyaru, kwa okubha Waryubha yaaringa amukeererye ega, “Abhantu bha orwibhuro rwaho, bharibha abhaaru bhukongʼu kya eginjota.”

Kwa ego, endago ya Waryubha ereesigira eimani. Iyo eroorokya ega, endago ni-riruguto rya Waryubha, na m-buheene kurwibhuro rwonsego rwa Abhurahamu. Etaringi ku Bhayahudi abheenego bhanú bharakunaanʼya amaragiriryo, nawe, kora kubhanú bharamwikirirya Waryubha, kya ego Abhurahamu yaakora. Weeki ngʼo taata weetu bheetu bhonsego.

“Nyakara abhantu bhanú Waryubha abhaabhiiri amabhiibhi gaabho, na okubharuusirya-ho obhusarya bhwabho. Nyakara omuntu unú Omukuru Waryubha atakumubharira obhusarya bhwaye.”

kwa okubha Amangʼoore Amarabhu garagamba ega, “Abhurahamu yaamwikirirya Waryubha, kwa ego, Waryubha akamubhara okubha omuntu omuheene embere yaaye.”