Oblíbené biblické verše z Abharuumi 5

Sdílet

Nawe, Waryubha yaatoorokya ega, atuhanjiri bhukongʼu, kwa okubha hanú bheetu twaringa tukyari abhakori bha obhusarya, Kiristu yaakwa kurusumo rwetu.

Obhwisige bhuyo, bhutakutura okukora turore eginsoni, kwa okubha Waryubha atuhumiriiri obhuhanje bhwaye mumitima gyetu, okuhitira Omutima waaye Omurabhu.

Tutakujomerwa kwa gayo ageenego, nawe, turajomerwa kora kuginyanko gyonsego, kwa okubha tumanyiri ega, eginyanko girareeta obhwigumirirya. Obhwigumirirya bhurakora turanaga mumitima gyetu, na okunaga mumitima kurakora turabha na obhwisige.

Mbe, Waryubha atubhariri okubha abhaheene embere yaaye, okurekana na eimani yeetu. Kwa ego, tuuna omurembe na Waryubha kwa okuhitira ku Mukuru weetu Yeesu Kiristu. Kwa enjira ya okumwikirirya Yeesu, Waryubha atuheeri eriruguto ryaye, rinú turingi-mo. Turajomerwa bhukongʼu, kwa okubha tureesiga ega, turisanga hamwi na Waryubha mubhukuru bhwaye.

Mbe, hanú bheetu twaringa tukyari abhanyooheeru, Kiristu yaaja akatukwira bheetu abhasarya, hanú ryahika eribhaga rinú Waryubha yaaringa aseemerye.

Mbe, nyoore tubharirwe okubha abhaheene embere ya Waryubha, kwa enjira ya okwitika kwa amanyinga ga Yeesu Kiristu, maheene turituuribhwa okurwa kubhujibhu bhwa Waryubha okuhitira ku Yeesu.

Omuntu oumwi yaanga okumwigwa Waryubha, akakora abhantu bhonsego bhakabha abhakori bha obhusarya. Egoego, omuntu oumwi unú yaamwigwa Waryubha, arikora abhantu bhabhe abhaheene embere ya Waryubha.

Kora gataringi gayo ageenego, nawe, kora turatura okujomererwa obhumwi bhwetu obhuhya na Waryubha, kwa okubha nu-kuhitira ku Mukuru weetu Yeesu Kiristu, tugwataniibhwe na Waryubha.