Oblíbené biblické verše z Abharuumi 3

Sdílet

kwa okubha abhantu bhonsego bhaakora obhusarya, na okusuuhirwa na obhukuru bhwa Waryubha. Nawe, kwa eriruguto rya Waryubha, bheekiririibhwe okubha abhaheene embere yaaye bhusa. Bhatunguriibhwe okurwa mubhusarya bhwabho, okuhitira ku Kiristu Yeesu.

Enjira iyo, nu-kumwikirirya Yeesu Kiristu. Abhantu bhonsego bhanú bharamwikirirya Yeesu Kiristu, Waryubha arabhabhara okubha abheene embere yaaye. Atakungʼahirya omuntu wowonse

Waryubha yaamukora Yeesu abhe ekimwenso kya okwigwanʼya abhantu na Waryubha, naho abhantu bhaabhirwe obhusarya bhwabho, kwa okwikirirya ega, Yeesu yaakwa kurusumo rwabho. Waryubha yaakora ego, naho yoorokye ega, ngʼ-wa obhuheene, kwa okubha yeegumirirya, ataabhajibhya kwa amabhiibhi ganú bhaakora enyuma eyo. Yaakora ego, naho yoorokye obhuheene bhwaye kwibhaga rinu, kwa okubhara abhantu bhonsego bhanú bharamwikirirya Yeesu, okubha abhaheene embere yaaye.

Atariho omuntu wowonse unú arabharwa okubha omuheene embere ya Waryubha, kwa okugwata amaragiriryo ga Musa. Emirimu gya amaragiriryo gayo, n-koorokya ega, abhantu bhonsego m-bakori bha obhusarya.

N-kya ego Amangʼoore Amarabhu garagamba ega, “Atariho omuntu omuheene kora oumwi, embere ya Waryubha. Atariho omuntu unú amanyiri amangʼana ga Waryubha, kweki atariho unú aratuna okumumanya. Abhantu bhonsego bhaatigiri okumwigwa Waryubha, bhonsego bhatakungʼarira kweki embere ya Waryubha. Atariho omuntu unú arakora amajomu, atariho kora oumwi.”

Turagamba ego, kwa okubha tumanyiri ega, Waryubha ngʼo arabhara omuntu okubha omuheene kwa okumwikirirya Yeesu okwenego, etaringi kwa okugwata amaragiriryo ga Musa.

Tiigo-ha kora ahake! Abhantu bhonsego m-babheehi, nawe, Waryubha m-muheene, yoorokerye ega, arakora kinú aragamba. N-kya ego Amangʼoore Amarabhu garagamba eguru yaaye ega, “Emanyikane kubhantu ega, amangʼana gaaho n-ga obhuheene. Na kubhubhuturi bhwa ekiina, uuwe orahiga.”