Oblíbené biblické verše z Tootaraanamii 10

Sdílet

“Isriyalak (Israel) aaniin itahsh noonkom kaaTipenciketc kiKishemanitoomiwaa eshi antaweniminek. Mii hsa 'i eshi antaweniminek, ci⁠kohtaanenimek kaaTipenciketc kiKishemanitoomiwaa, cishi pimohsewek kaye eshihtwaatc, ci⁠saaki'ek kaye, ci⁠anohkiihtawek kaye enikohkote'eyek, misiwe kaye kitahcaahkowaank. Ci⁠kanawentamowek kaye kaaTipenciketc enaahkoniketc, otihkitowinan kaye noonkom kaa⁠kiishikahk kaa⁠wiintamawinakook ke⁠onci minohseyek.

KaaTipenciketc kiKishemanitoomiwaa ohsha oKishemanitoohkantawaa' manitoo', otipenimaa' kaye tepencikenitc, wiin hsa kaa⁠kihci inentaakositc Kishemanitoo. Wiin kaye maawac mashkawentaakosi, kohtaanentaakosi kaye, kahkina hsa peshikwan otinenimaa' awiya', kaawiin kaye otootaahpinansiin ci⁠tipa'amawintipan kekoon ci‑ishihciketc.

Noonkom itahsh na'ihtawihk kaaTipenciketc kite'iwaank, mii 'i ishi pooni shashiipihtamok.

Weweni kaye onaakaci'aa' kiiwahshishaana', kaa⁠kiiwaacihsenitc kaye ihkwewa'. Kaa⁠mayakisinitc itahsh kaye onaakohtoon e⁠saaki'aatc e⁠miinaatc ke⁠miicinitc, ke⁠kikishkaminitc kaye.

Wiin hsa miikwehc ke'inintipan Tinowi, wiin hsa kiKishemanitoomiwaa, kaakiih kihci ishihcikehtamawinek, kaakiih kohtaanihcikehtamawinek kaye, kiinawaa tahsh iko kikii waapantamowaam.

Kika kohtaanenimaawaa hsa kaaTipenciketc kiKishemanitoomiwaa; wiinehta kika anohkiihtawaawaa, kika minciminaawaa, owiinsowin hsa tahsh kika aapacihtaawaam ahpimoyek.

KaaTipenciketc kiKishemanitoomiwaa ohsha otipentaan kiishik, maawac kaye kiishik eshpaanik, ahkiini kaye, kahkina kaye kekoon i'imaa eyaanik.

Miitahsh kekiinawaa ke⁠ishihcikeyekipan ci⁠saaki'ekwaapan meyakisiwaatc, aaniihsh kekiinawaa kikii mayakisim Iicipahkiink (Egypt) .