Oblíbené biblické verše z Tootaraanamii 11

Sdílet

Miitahsh o'o keshi kihkino'amawekwaa kiniicaanihsiwaak. Kika kanoonaawaak hsa kitaawiniwaank nanamatapiyek, pimohseyek kaye miihkanaank, pimihshinek kaye, ahpii kaye wanishkaayek.

“Ayiitahtook itahsh ono nintihkitowinan kite'iwaank, kinaanaakatawentamowiniwaank kaye; kininciiwaank ishi'akwahpitook, kiskahtikowaank itahsh kaye ishi kikishkamok ke⁠onci kihkinawaaci maamihkawiyek.

“Kiishpin itahsh pakiciihsiwek ci⁠na'ihtamek inaahkonikewinan kaa⁠wiintamawinakook noonkom kaa⁠kiishikahk, ci⁠saaki'ek kaaTipenciketc kiKishemanitoomiwaa, ci⁠anohkiihtawek kaye enikohkote'eyek, misiwe kaye kitahcaahkowaank, miitahsh i'i ci‑ishihciketc ci⁠kimiwaninik kitahkiimiwaank ahpaniko, kaa⁠nihtaa kimiwank kii⁠takwaakink, kii⁠siikwank kaye. Miitahsh ci⁠nihtaawikink ke⁠maamooshakinamek. Kika ayaam kaye oshki shoominaapo, ke⁠opimitemiyek kaye.

“Kika saaki'aawaa hsa kaaTipenciketc kiKishemanitoomiwaa, mooshak kaye kika kanawentamowaam eshi antaweniminek, otihkitowinan kaye otanami'ehcikewinan kaye otinaahkonikewinan kaye.

“Noonkom itahsh kaa⁠kiishikahk kipakitinamawininim ci⁠onentamek wekonen entawentamek, komaa ci⁠shawentaakosiyek, komaa kaye ci⁠macakimikooyek. Kika shawentaakosim ihsa tahsh kiishpin na'ihtamowek otoonahshowewinan kaaTipenciketc kiKishemanitoomiwaa kaa⁠miininakook noonkom kaa⁠kiishikahk. Kika macakimikoom itahsh wiin kiishpin na'ihtamowaahsiwek otoonahshowewinan kaaTipenciketc kiKishemanitoomiwaa, nakatamek noonkom kaa⁠kiishikahk kaa'ininakook ci‑ishihcikeyek, ishi piminisha'wekwaa tahsh kotak manitook kaakii kihkenimaahsiwekwaa.

Kiwaahkaa'ikaniwaank itahsh kaye eshi'ayaakin ishkwaantemaahtikoon, kimenikanishkwaantemiwaank kaye kika ishi oshipii'aam nintihkitowinan. Kinwesh itahsh kika pimaatisim, kiniicaanihsiwaak kaye kinwesh ta⁠pimaatisiwak i'imaa ahkiink kaaTipenciketc kaakii ayiici ahshotamawaatc kikehteya'aamiwaapanii' ewii miinaatc ci⁠tipinawewisinitc minihk iko ke⁠ayaanik kiishik ishpimink ahkiink.”

Ayaankwaamisik itahsh, maakishaa kika kashki'ikoom ci⁠kwehkihcikeyek, ci⁠animihkohtaayek ci⁠anami'ehtawekwaa kotak manitook.