Rômiunut 2
2
Nalojutitut Judittauᴋ idluarneᴋanginivut, Môsesib perᴋojangit kipimanerlo nertôtigigalloaramigit.
1Taimaimat, inuk ômât! pasijaungijutiksaᴋangilatit, kinaungmangârpillônêt erᴋartujiotit; assingnik erᴋartuinernut, nangminernik erᴋartorpotit, erᴋartuijutigijarnik taimaluatsiaᴋ igvittauᴋ piniaravit.
2Gûdible erᴋartuininga taimailiortunik idluarmat ᴋaujimavogut.
3Inugle ômât! taimailiortunik erᴋartuijotit, nangmineᴋ taimailioralloarlutit, Gûdib erᴋartuininganit igvit ᴋemâjomâravit, issumavêt?
4Ubvalo akluininga pitsiarnermik ᴋenuersârnermiglo kamangitsertornermiglo nachogiviûk? ᴋaujimangilatît, Gûdib pitsiarningata tassiormatit ᴋaᴋialernermût?
5Igville ômativît mangaidlarninganut ᴋaᴋialeromangininganullo ᴋallerêktitsivotit nangminernut ningautsemik ningautsib uvluksanganut Gûdiblo erᴋartuiningata idluartub saᴋᴋijârvianut.
6Tâpsoma ilûnaita atunit akkiniaromârpait piniarnerilauᴋtangit maliklugit.
7Imâgle: ᴋenuersârlutik ajungitulinermut pinasuartut nertornartomiglo nâlangnartomiglo soᴋosijuitomiglo taipkoa inôgumik nungusuitomik tunisivigijomârpait;
8Akkerartortulle mikseᴋârnermiglo nâlangitut, idluangitomigle nâlaktut, taipkoa saimaungitomiglo ningarnermiglo pijomârpait;
9Kappianartomigle kiksanartomiglo pijomârput inuit idluitulijut tarningit ilûnatik, Jûdit sivorliolutik Grîᴋillotauᴋ.
10Nertornartomigle, nâlangnartomiglo ulapirsaumiglo ajungitulijut ilûnatik peᴋarlit, Jûdit sivorliolutik Grîᴋillotauᴋ.
11Inûb tautua Gûdeme atungimat.
12Idluitulilauᴋtut perᴋojaᴋaratik, assiojomârputtauᴋ perᴋojaᴋaratik; idluitulilauᴋtullo perᴋojaᴋarlutik erᴋartortaujomârput perᴋojat maliklugit;
13(Perᴋojanik tussatuinartut idluangimatta Gûdeme; perᴋojanigle maliktut idluarsititaujomârput.
14Nalojut aglaksimajunik perᴋojaᴋangitut, ingergarmik perᴋojat piniarᴋojanginik pigamik, tâpkoa perᴋojaᴋangigalloardlutik ingmingnut perᴋojatitut-iput.
15Perᴋojat piniarᴋojangit ômatingine aglaksimangmatta nalunailivut, erᴋarsautimingnik kiglisitingmatigik; issumangillo passijigêngmatta pasitiksarutigêngmattalo ingmingnik;)
16Uvluksame taipsomane, Gûdib inuit angigutsiningit erᴋartoromârpagit Jêsuse Kristusikut, oᴋautsit tussarnertut oᴋâlatigijakka maliklugit.
17Kamalerille, Jûdemik atteᴋarpotit, perᴋojaᴋarnermiglo tattitartorpotit Gûdelo nertorutigivat ilingnik.
18Pijomajanganiglo ᴋaujimavotit, perᴋojanullo ajoᴋertortaugavit, kiglisiniarpotit, piniaraksat ajunginersat sunaungmangâta;
19Ilikullo issumaᴋarpotit, tautungitunik tassiorungnarasugilutit, ᴋaumaijungnarasugilutillo tâᴋtomêtunik,
20Silaitunik ᴋaujisarteojungnarasugilutit; ᴋaujimangitunik ajoᴋertuijôjungnarasugilutit, illisimaᴋôrpotit illiniaraksanik okpernartuniglo perᴋojanêtunik.
21Sunaubvale assingnik ajoᴋertuivotit, ilingniglo ajoᴋertungilatit. Oᴋâlavotit tigliktuksaunginermik, nangminerle tiglikpotit.
22Oᴋarpotit nuliarêngnermik asseroijuksaunginermik, nangminerlo nuliarêngneᴋ asserorpat. Gûdingoanik maᴋojukpotit, Gûdiblo pinginik arᴋtaivotit.
23Perᴋojanik nertôtivotit, Gûdelo mitautigivat perᴋojanik nâlanginermut.
24Ilipse pivluse Gûdib attinga mitautigijaungmat nalojune, sorlo aglaksimangmat. #Jes. 52:5; Hes. 36:20.
25Kipimaneᴋ atornartôgalloaᴋ, perᴋojat malikungne; perᴋojalle malingikungne, kipimanît kipimanginertut-ilerêrpoᴋ.
26Kipimangitub tagva perᴋojat idluarijangit piniarunigit, kipimangininga kipimanionerartaunajangilâᴋ?
27Timimigut kipimangitub perᴋojat nâmaksitigunigit, erᴋartoromârpâtit igvit, perᴋojat tapagigangne, aglangnik kipimanermiglo peᴋaralloartotit.
28Tâmna Jûdiungimat ᴋalinermigut Jûdiojoᴋ, tamannalo kipiniunginivoᴋ uvingub ᴋângagut pijoᴋ.
29Ilumigulle pijoᴋ, Jûdiovoᴋ; ômatiblo kipimaninga kipimaniovoᴋ anernikut pijoᴋ, aglatuinartigut pinane; tâpsoma nertornautâ inungnit pingilaᴋ Gûdemille.
S'ha seleccionat:
Rômiunut 2: LIHB08
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Labrador Inuttitut Heritage Bible © Canadian Bible Society, 2008.