Apostelit Piniarningit 28
28
Paulusib tatamnartitsininganik Maltame, tikininganiglo Rômemut. Oᴋâlaninganiglo Jêsusemik Rômeme.
1Piulijauleraptalo tusarpogut, ᴋikertak Maltamik ateᴋarmat.
2Maltamiulle mikingitomik pitsiarpâtigut, tamapta pulârᴋovâtigut, ikomamik ikitsivlutik, silaluksûb tikingmatigut, ᴋeujanarlarmelo.
3Paulusele akerᴋunik katersigame, ilivlugillo ikomamut, ônarᴋejârnermut ᴋuglugiak sakᴋijârpok nimardlortilunelo agganginut.
4Maltamiulle takogamitsuk ᴋuglugiak aggangine nivingajok, oᴋaᴋatigêkput: Inuk una inuartôngmat nalonangilak, ᴋiglungnerub inôᴋongimago, imaksoarmit piulijaugalloardlune.
5Kuglugiarle ikomamut ᴋepsaliktûtivâ idluitomut pijaunane.
6Utaᴋilerpulle publerniarasugilugo, tagvainarlônêt toᴋoniarasugilugo. Akunille utaᴋivlugo, idluitomulle pijaungimat takogamitsuk, asianik isumaᴋalerput, oᴋarlarmiglo: Gûdeojok una!
7Kikertarmiulle angajoᴋângat, Publiusemik atilik tamattoma erᴋâne nunaᴋuterᴋarpok; tâpsoma ilaliorpâtigut, ilanâᴋarlunelo siniktarᴋovâtigut uvlunik pingasunik.
8Publiusible atâtanga ᴋanimalaukpok ôlingnartomut, aungmiglo anarartok; tâpsomunga Pauluse iterpok, tuksiarlarmelo (Gûdemut), aggangminullo patingmilugo âᴋikpâ.
9Taimailingmago, ôma asingit ᴋanimajut ᴋikertamêtut ᴋaigivuttauk, âᴋiktaulerivullo.
10Tâpkoalo angijomik opigivâtigut; aularaptalo taᴋoaksaptingnik tunitjivigivâtigut.
11Takᴋit pingasut nângmatta, umiaksoarmut Aleksandriamit pijomut aularpogut, ᴋikertame tamâne okkêlauktomut. Nalunaikutalik Kastoremiglo Polluksemiglo.
12Sirakusamullo pigapta, tagvane pingasunik uvlivogut.
13Tagvangallo avalakkapta, Regionemut pivogut: ᴋaungmat ᴋavangarnilermat, uvlub aipangane Puteolimut pivogut.
14Tagvane ᴋatangutigênik naipitsivogut, tâpkonungalo uvlerᴋojauvogut uvlunik 7 nik; Rômemut tagva aularpogut.
15Tagvangallo ᴋatangutigêt tusaumaleramitigut, pagrearpâtigut, Appiferelo Tretaberelo tikidlugik. Paulusib takogamigit, Gûde ᴋujagivâ, ᴋuviasulilarmelo.
16Rômemulle pigapta, angajoᴋâb ᴋelaksorsimajut pitipait angajoᴋâviksoarmut; Paulusele ingmigut perᴋojauvok, sorsuktuksamut atautsemut udsertortauᴋovlugo.
17Uvlulle pingasôlermatta, Paulusib Jûdit angajoᴋângit ᴋaiᴋovait. Katimangmatta, oᴋautivait: Ilipse angutit ᴋatangutigêt, idluitomik pilaungigalloartunga inuᴋatiptingnut, atâtagijapta ilusinginullônêt; taimaitunga ᴋelaksorsimavlunga Jerusalemit tunijaulaukpunga Rômiut agganginut.
18Tâpkoa aularᴋojomalauralloarpânga kiglisiniaraminga, toᴋotaujutiksaᴋangimat uvamne.
19Jûdille tamattominga akkerartormatta atanivingmut pijomavlunga oᴋariaᴋalaukpunga: uneᴋsiornerlûteᴋariartornangale pivunga inuᴋatimnik.
20Tamanna pivlugo tamaunga ᴋaiᴋovapse, takojomavluse oᴋautsomalapselo. Israêlitit nerriungningat pivlugo ᴋelaksorsimagama ᴋelaumgujanut ukkununga.
21Oᴋautivâlle: Aglangniglônêt pingitogut Jûdêamit; tikitoᴋalaungilarlônêt ᴋatangutigênit, idluitomik kigligiutsijomik oᴋauseᴋartomiglônêt pivlutit.
22Ilingnille tusaromavogut, ᴋanok isumaᴋarmangârpit. Tusaumagapta tamattominga ajoᴋertûtsemik ilûnâne akkerartortaugapse.
23Uvlormiglo taingmatsuk, (naliutingmat) unuktut pulârpât siniktarviane; tâpkoninga ajoᴋertuivlune oᴋâlavok Gûdib nâlegauvianik, ajoᴋertorlugillo Jêsusemik, Môsesib perᴋojanginit nalautaijunillo, uvlâmit unnungmut.
24Ilangille oᴋauserijanginik okpilerput, ilangille okpingilait.
25Ingmingnulle ilannârênginamik apterput, Pauluse imâk oᴋarmat: Anernek ajunginek oᴋalauralloarpok nalautaijokut Jesaiasekut atâtagijaptingnut,
26Oᴋarlunelo: Inungnut ukkununga ainiarit oᴋautivlugit: Siutipsingnut tusaromârpase, tikisinagolo; ijipsingnullo takojomârpase ilitarinagolo.
27Inuit ukua ômatingit mangaidlarmatta, siutimingnullo tusânerludlarput, sikkungilarmiglo; ijimingnut takoᴋonagit, siutimingnullo tusarᴋonagit, ômatimingnullo tukiserᴋonagit, sâgiarᴋonagillo ikajortaujungnarlutik uvamnut.
28Tagva mâna nalojungnairitse, tamanna Gûdib saimarsautâ tilikliutigijaungmat nalojunut; taipkoa tusagôromârpât.
29Taimâk oᴋarmat, Jûdit aularput, ingmingnut unuktunik apersûtivlutik.
30Pauluselo jâringnik maggungnik iglogijamine attartortaminêlaukpok, nangminek akkilerlugo siniktarvik, pulârtinelo tamaita ilaliorpait;
31Gûdib nâlegauvinganik oᴋâlavlune, Nâlekamiglo Jêsusemik ajoᴋertuivok (inungnik) sivôranane inertertaunanelo.
S'ha seleccionat:
Apostelit Piniarningit 28: LIHB08
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Labrador Inuttitut Heritage Bible © Canadian Bible Society, 2008.