Isaías 11
11
Mesiaspa munaychakunanmanta
1 #
Mt 2.23. #
Ap 5.5; 22.16. Isaipa takarpunmantam huk kaspi ikllimunqa,
sapinmantam ikllipan wiñamunqa.
2Paymanmi Espiritunwan Tayta Dios huntaykunqa:
Yuyayniyuq chaynataq yachayniyuq Espiritunwan,
atiyniyuq chaynataq allin consejakuq Espiritunwan,
yachayniyuq chaynataq Diosta kasukuq Espiritunwan.
3Payqa Tayta Diosta kasukuypim kusikunqa.
Manam qawasqanman hinallachu pitapas juzganqa,
nitaqmi uyarisqanman hinallachu pitapas sentencianqa.
4 # 2 Ts 2.8. Wakchakunatam imam derechonkuman hina juzganqa,
kay pachapi wakchakunatam Diospa munasqanman hina nanachikunqa,
rimayninwanmi kaspiwan hina mana allin runata ñakarichinqa,
siminmanta lloqsimuq atiyninwanmi mana allin ruwaqkunata wañuchinqa.
5 #
Ef 6.14. Allinkuna ruwayninmi kanqa wasan watakun hina,
mana pantaq kayninmi kanqa weqaw watakun hina.
6Hinaptinmi atoqwan malta carneropas hawkaña kawsanqaku,
leonwan uña cabrapas kuskañam waqtapanqaku,
leonwan malta toropas kuskañam wiñanqaku,
uña warmapa michisqanñam kanqaku.
7Vacawan ukumarim kuskankuña pastota mikunqaku,
uñankupas kuskañam waqtapanqaku,
leonkunapas torokuna hinam pastotaña mikunqaku.
8Cobra sutiyuq maqta urupa uchkunpipas
ñuñuq wawam pukllanqa,
víbora sutiyuq maqta urupa uchkunmanpas
chayraq anukasqa wawam makinwan tuqpinqa.
9 #
Is 65.25. #
Hab 2.14. Sapaqchasqay lliw orqopiqa
manañam pipas mana allintaqa ruwanqachu.
Imaynam lamar qochata yaku pasaypaqta pampaykun,
chaynam Tayta Diospa reqsichikuyninpas
kay pachata pampaykunqa.
10 #
Ro 15.12. Sachapa sapin ikllimuq hinam
chay tiempopi Isaipa mirayninmanta rikurimunqa,
nacionkunapaqmi bandera hina kanqa,
llapallan nacionkunapi runakunam payta maskanqaku,
samasqan sitiopas kancharinqam.
Preso riqkuna kutimunankumanta
11Chay tiempokunapim,
puchuq runankunata reclamananpaq
Tayta Dios huktawan makinta hoqarinqa,
hinaspam Asiriamanta, Egiptomanta, Patrosmanta, Cusmanta,
Sinarmanta, Hamatmanta, Elam lawmanta,
lamar qochapa patanpi kaq nacionkunamanta huñumunqa.
12Banderatam nacionkunapaq sayachinqa,
huklaw nacionkunaman apasqa kasqankumantam
Israel runakunata huñumunqa.
Judá nacionmanta cheqechisqakunatam
lliw kay allpa pachapa patanmanta huñumunqa.
13Efraín castapa envidiakuq kayninpas chinkarunqañam,
Judá nacionta cheqniqkunapas tukurunqañam.
Efraín castapas manañam Judá castata envidiakunqañachu.
Judá castapas manañam Efraín castata ñakarichinqañachu.
14Aswanqa kuskankuñam intipa seqaykunan lawman kallpaspa
filisteokunata qepanmanta atacanqaku,
intipa qespimunan lawpi nacionkunapa kapuqninkutam qechumunqaku.
Paykunam sirvichikunqaku Edomitakunawan, Moabitakunawan.
Amonitakunapiñataqmi munaychakunqaku.
15 #
Ap 16.12. Egipto lawpi lamar qochapa partentam chakichinqa,
Atiyninwanmi rupachkaq wayrata Eufrates mayuman pukuchinqa,
chay mayutam qanchis kallmaman rakirunqa,
runakunapas usutankuta manaña chutukuspam chimpanqaku.
16Imaynam Israel castakuna Egipto nacionmanta lloqsimuptinku hatun ñan karqa,
chaynam hatun ñan kanqa Asiria nacionpi puchuqkuna kutimunankupaqpas.
Chuya Qellqa Revisión @ Sociedad Bíblica Peruana, 2012