1 Ko 9
9
Li xwankil li apóstol jo'wi' li teneb'anb'il sa' xb'een
1Chek'am eere wik'in. Ma ink'a' tab'i' naru tinb'aanu li k'aru nawaj laa'in? Ma ink'a' tab'i' laa'in apóstol? Ma ink'a' tab'i' wilom ru li Jesus li Qaawa'?#9,1 Cf. Hch 9,17; 18,9; 22,17; 26,15; 2 Ko 12,1. Ma ink'a' tab'i' laa'ex ru link'anjel sa' xk'ab'a' li Qaawa'? 2Wi chiruheb' li junch'ol maawa'in apóstol, ab'an cheru laa'ex relik chi yaal naq laa'in apóstol xb'aan naq laa'ex li reetalil lin'apostolil, sa' xk'ab'a' li Qaawa'.
3A'an a'in li xkolb'al wib' chiruheb' li neke'jitok we. 4Ma ink'a' tab'i' qak'ulub' xk'ulb'al qawa quk'a' eerik'in? 5Ma ink'a' raj truuq tqak'am chiqix junaq ixq aj paab'anel,#9,5 A'an jun li ixq aj paab'anel li naxtenq'aheb' li apóstol sa' li xq'axb'a kutaneb' (cf. Lk 8,2-3). Chirixeb' li riitz'in li Qaawa': cf. Mt 12,46. kama' neke'xb'aanu eb' li apóstol junch'ol, jo'wi' eb' li riitz'in li Qaawa' ut laj Sefas? 6Ma ka'aj tab'i' laa'in ut laj Bernabé tento took'anjelaq chi kaw re xsik'b'al qatzekemq? 7Ani nawank chi soldaadil ut yal tixk'achi'i rib' xjunes? Ani na'awok jun siiraq chi uub' chi ink'a' ta tixyal xsahil ru li rawimq? Ani nab'eresink ketomq chi ink'a' ta tixyal xsahil li xketomq?
8Ma ninye a'in yal jo' xk'a'uxeb' li winq, malaj ut a'an li Chaq'rab' ajwi' nayehok re? 9Tz'iib'anb'il sa' xChaq'rab' laj Moisés: “Maatz'ap xsa' re li b'ooyx naq yo chi k'anjelak re risinkil rix li triiw”.#9,9 Dt 25,4. Cf. 1 Ti 5,18. Ma naxik tab'i' xch'ool li Yos chirixeb' li b'ooyx? 10Malaj ut tz'aqal chiqix laa'o yo chi aatinak? Relik chi yaal, cho'q qe laa'o naq tz'iib'anb'il chaq, xb'aan naq ani nab'ekok ch'och' re awk, tento twanq royb'enihom naq yo chi b'ekok; ut li yo chi risinkil rix li triiw, naroyb'eni naq taatz'aq b'ayaq. 11Wi laa'o xoo'awok re xchaab'ilal li Santil Musiq'ej eerik'in, ma ch'a'aj cho'q eere wi tqak'ul sa' eeruq' xchaab'ilal li ruuchich'och'? 12Wi eb' li junch'ol wankeb' xwankil chi xpatz'b'al a'in eere, ma toja' ta chik laa'o?
Ab'anan maajun wa xqak'anjela li qawankil a'in,#9,12 Laj Pablo kiraj xk'achi'inkil rib' xjunes rik'in k'anjelak. Cf. Hch 18,3; 20,34-35; 2 Ko 11,9. naqakuy b'an chixjunil re naq ink'a' ramrooq li xChaab'il Esil li Kriist. 13Ma ink'a' nekenaw naq eb' li neke'k'anjelak sa' rochoch li Yos neke'xtzeka li naxmaatani li rochoch li Yos? Ut eb' li neke'k'anjelak chiru li artal, neke'tz'aqk li namayejaak sa' xb'een li artal. 14Jo'kan ajwi' li Qaawa' kixchaq'rab'iheb' li neke'puktesink li Chaab'il Esilal: tento naq te'tzekanq sa' xk'ab'a' li Chaab'il Esilal. 15Ab'anan laa'in maajun reheb' li na'leb' a'in xwoksi sa' eeyanq. Ut ink'a' nintz'iib'a a'in re naq jo'kan ta chi'uxq we. Jwal us tinkamq chiru naq tinb'aanu a'an. Maa'ani taamaq'oq chiwu li xnimankil wib' sa' xk'ab'a' a'in!
16Wi laa'in ninpuktesi li Chaab'il Esilal, moko naru ta tinnimob'resi wib' rik'in a'an, a'an b'an jun k'anjel teneb'anb'il sa' inb'een. Ut ra chaalel sa' inb'een wi ink'a' ninpuktesi li Chaab'il Esilal! 17Wi ta ninb'aanu chi yal na'alaak sa' inch'ool, relik chi yaal naq twoyb'eni raj inq'ajkamunkil. Ab'an wi ninb'aanu a'in xb'aan naq chaq'rab'inb'ilin, naraj naxye naq a'an jun loq'laj k'anjel q'axtesinb'il we. 18Jo'kan utan, k'aru linq'ajkamunkil? A' li xpuktesinkil chi maatan li Chaab'il Esilal, chi ink'a' nink'ul li k'aru ink'ulub' xk'ulb'al sa' xk'ab'a' li Chaab'il Esilal.
19Relik chi yaal, us ta wankin chi ach'ab'anb'il ut maa'ani aj eechal we, ab'an xink'e wib' cho'q moos chiru chixjunileb', re reechaninkil jo'k'ihal tinruhanq reechaninkil. 20Sa' xyanqeb' laj Judiiy xink'e wib' jo' aj judiiy re reechaninkileb' laj Judiiy. Sa' xyanqeb' li wankeb' rub'el xwankil li xChaq'rab' laj Moisés xinwank chanchan wi' wankin rub'el xwankil li Chaq'rab', us ta moko wankin ta rub'el xwankil li Chaq'rab', re reechaninkil li wankeb' rub'el xwankil li Chaq'rab'. 21Xinwank sa' xyanqeb' li maak'a'eb' xchaq'rab'#9,21 A'aneb' li maawa'eb' aj Israel. chanchan wi' jo' li maak'a' inchaq'rab', re reechaninkileb' li ink'a' neke'xpaab' li chaq'rab', us ta ink'a' wankin chi maak'a' xchaq'rab' li Yos, wankin b'an rub'el xchaq'rab' li Kriist. 22Sa' xyanqeb' li q'uneb' xch'ool chi paab'ank xink'e wib' jo' q'un linch'ool, re reechaninkileb' li q'uneb' xch'ool. Xink'e wib' chisa' chixjunil re naq yalaq chan re ru teb'inkol junjunqaq. 23Ut chixjunil a'in nalajinb'aanu sa' xk'ab'a' li Chaab'il Esilal, re naq toxintz'aqonq rik'in li xyeechi'om.
24Ma ink'a' nekenaw naq chixjunileb' neke'aanilak sa' li estadio, ab'an jun ajwi' nak'uluk li maatan? Aanilanqex b'i' re naq toxeek'ul leemaatan. 25Chixjunileb' li neke'yalok u neke'xkuy rib' chiru chixjunil; ut yal re xk'ulb'al junaq koroon li na'oso'k. Ab'an laa'o naqayal qaq'e re naq toxqak'ul jun li ink'a' nalajk na'oso'k. 26Jo'kan utan, laa'in nin'aanilak ink'a' kama' li moko naxnaw ta b'ar ta yo chi xik; jo'kan ajwi' ninyal inq'e ink'a' kama' li nasak'ok sa' iq'. 27Ninsak' b'an linjunxaqalil ut ninnumtaak sa' xb'een; mare anchal akaq xinpuktesi li Chaab'il Esilal reheb' li was wiitz'in, ut laa'in tintz'eqtaanaaq.
S'ha seleccionat:
1 Ko 9: QQC
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Q'eqchi DC Bible © Bible Society in Guatemala, 2005.