Mateyo 25
25
Kaambyo kaba nakalindu bali kumi
1“Ono ku chiindi icho bwami bwa ku julu bulakuba mbuli bamakaintu bali kkumi, bakabweza malampi abo akuunka mukuchinga shibwiinga. 2Bali bosanwe bakalinga bayozhi alimwi bali bosanwe bakalinga basongo 3Ono bayozhi taaku nibakabweza mafuta mumalampi abo aindilila. 4Pesi basongo balo bakabweza malampi abo a mafuta akalikwindilila. 5Ono nkambo shibwiinga wakachelwa kuza, boonse bakatalika kufukula.
6“Ono akati kamashiku bakanva koolobezha kwa bantu, ‘Ngoyu shibwiinga! Kamuza mumuchinge!’ 7Bamane boonse bana kalindu bakabuka akuyasha malampi abo. 8Amane bayozhi bakaamba ku basongo, ‘Amutupeko mafuta anu, malampi esu alazhima.’ 9“Pesi basongo bakanviila ati, ‘Taaku mafuta akwaamba twaabane andimwe. Pesi kamuunka mukaule kumasambalilo nubeene.’ 10Ono kabachili munzhila mukuula mafuta, shibwiinga wakashika. Amane abo bakalikulibambile bakanjila anguwe mu pobwe lya bwiinga, umane mulyango wakajalwa.
11“Nikwakainda chiindi bakalinga baunka mukuula mafuta bakajoka akwaamba ati, ‘Mwami, Mwami! amutujalwile mulyango tunjile!’ 12“Shibwiinga wakabanviila ati, ‘Kashimpe ndamwaabila! Nshimuzhi imwe.”
13Abobo, Jesu mukumanizha wakabaambila ati, “Amukkale akupakamana nkambo tamuzhi buzuba naa chiindi.
Kaambyo kabasebenzhi botatwe
(Luuka 19.11-27)
14Ono, “Alimwi chila kuba mbuli muntu uunka a lweendo, wakaiita ba sebenzhi bakwe akubapa lubono lwakwe. 15Wakutaanguna wakamupa maali masaka a ngolide ali osanwe alimwi umwi wakamupa maali masaka a ngolide ali obilo amane wamamanino wakamupa lisaka lya maali a ngolide lyomwi, wakabapa boonse kwendelana ambubachikonzha amane wakabweza lweendo lwakwe. 16Ono uyo wakapegwa masaka a maali a ngolide ali osanwe, wakaunka akwasebenzha amane wakajana mpindu ya maali masaka a ngolide ali osanwe aamwi. 17Awalo uyo wakapegwa masaka a maali obilo a ngolide wakajana mpindu ya maali masaka obilo aamwi. 18Pesi umwi musebenzhi wakapegwa lisaka lya maali lyomwi a ngolide, wakaunka washa chilindi amane wakavikila maali ashimalelo akwe.
19“Ono nikwakainda chiindi chilaamfu, shimalelo wabo wakajoka amane wakabaita basebenzhi bakwe boonse kwaamba bamupandululile mbubakasebenzha maali. 20Musebenzhi wakapegwa maali a masaka osanwe a ngolide wakaletalepo amwii masaka ali osanwe. Wakaamba ati, ‘O shimalelo angu,’ wakaampa masaka a maali a ngolide ali osanwe, ‘Langa, ndakapindula akujana pindu ya masaka ali osanwe aamwi.’ 21Shimalelo akwe wakaamba ati, ‘Wachita kabotu o musebenzhi wangu ushomeka, ono nkambo washomeka muzhintu zhishoonto, ono ndakubika kwaamba wendelezhi zhintu zhiinji. Njila ukomane atomwe ashimalelo akw!’
22Awalo musebenzhi wakapegwa masaka a maali obilo a ngolide wakaza akwaamba ati, ‘O shimalelo angu, wakampa masaka a maali obilo a ngolide, pesi langa! ndakapindula akujaninapo maali masaka obilo amwi.’ 23“Shimalelo akwe wakaamba ati, ‘Wachita kabotu o musebenzhi wangu ushomeka, ono nkambo washomeka muzhintu zhishoonto, ono ndakubika kwaamba wendelezhe zhintu zhiinji. Njila ukomane atomwe ashimalelo ako!’
24Amane uyo musebenzhi wakapegwa lisaka lyomwi lya maali a ngolide wakaza akwaamba, ‘Ndalikuzhi kwaamba uli muntu mubiibi ulatebula mputana kumwaya, alimwi ulabuganya mputana kumwaya mbuto. 25Ndakatija, ono ndakaunka akulishila chilindi lisaka lya maali ako akwavikila. Langa! Maali ako ngaya.’
26“Shimalelo akwe wakanviila ati, ‘O musebenzhi mubiibi mutolo, wakalikuzhi kwaamba ndatebula mputana kumwaya akubuganya mputana kumwaya mbuto? 27Anu walikwelele kwabika maali angu mumanza abashipindu kwaamba ndajoka ndajana maali angu azhalana. 28Amumunyange maali mwape kuli uyo uchite ali kkumi. 29Alimwi uli oonse uchite kale ulakupegelwo azhimwi, alimwi ulakuba a zhintu zhiinji. Pesi uli onse utachite, akashoonto nkachite kalakubwezegwa kuli nguwe. 30Ono amumubweze mubibi uyu akumuwala ansengwe amunshinzhe, alo awo mpweshi anolila akulumanya meno.’
Lubeta lwamamanino
31“Chiindi Mwana a Muntu a kuza mubulemu bwakwe, a bangele boonse anguwe, ulakukkala achuno chakwe chabulemu. 32Alimwi bantu ba mishobo yoonse balakubungana kulinguwe, alimwi ulakwandanya bantu, bweenka mbuli mwembezhi mbwaandanya mbelele kuzwa kumpongo. 33Ulakubika mbelele kulyanza lyakwe lyakululyo amane mpongo ulakuzhibika kulumweshi. 34Amana Mwami ulakwaambila bali kululyo lwakwe kwaamba, ‘Kamuza imwe nimulelekelwe a Taata, mubweze bulelo mbumwakabambilwa kuzwa kumatalikilo anyika. 35Nkambo ndakalinga kunvile nzala pesi mwakampa chakulya, alimwi ndakalinga kunvile nyotwa mwakampa maanzhi akunwa, ndakalinga mweenzu mwakantambula. 36Ndakalinga mantanda mwakansamika, nindakalinga mulwazhi mwakanswaya, a nindakalinga muntolongo mwakaza mukunswaya.’ 37Amane basalali balakumunviila ati, ‘O Mwami ndilili nitwakakubona kofile nzala akukupa chakulya naa kukupa maanzhi chiindi niwakalikunvile nyotwa? 38Ino ndilili nitwakakubona koli mweenzu alimwi akukutambula, naa niwakalinga mantanda akukusamika? 39Ino ndilili nitwakakubona koli mulwazhi naa koli muntolongo alimwi a kukuswaya? 40“Amane Mwami ulakubanviila ati, ‘Kashimpe ndamwambila, kufumbwa nchimwakachitila baba bashoonto bakwesu mwakachitila ndime.’
41“Amane ulakwaambila abo bali kulumwenshi kwaamba ati, kamuzwa kuli ndime imwe nimwakashinganishigwa, akuunka mu gehena walo uyo wakabambilwa Satani a bangele bakwe! 42Nkambo ndakalinga kufile nzala pesi taaku nimwakampa chakulya alimwi ndakalinga kufile nyotwa taaku nimwakampa maanzhi. 43Ndakalinga mweenzu taaku nimwakantambula alimwi nindakalinga mantanda taaku nimwakansamika, alimwi nindakalinga mulwazhi naa muntolongo taaku nimwakanswaya.’ 44Amana balakumunviila ati, ‘Ndilili O Mwami nitwaakubona kofile nzala naa koli mweenzu naa koli mantanda naa koli mulwazhi naa muntolongo amana twabula kukugwasha?’ 45Mwami ulakubanviila ati, ‘Kashimpe ndamwambila, kufumbwa nchimwakakaka kuchitila aba bashoonto bakwesu. Mwakakakila kuchitila ndime.’ 46“Amane balakutolwa ku gehena, pesi basalali blakuunka ku buumi butamani.”
S'ha seleccionat:
Mateyo 25: STP
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
The Word For The World International
Mateyo 25
25
Kaambyo kaba nakalindu bali kumi
1“Ono ku chiindi icho bwami bwa ku julu bulakuba mbuli bamakaintu bali kkumi, bakabweza malampi abo akuunka mukuchinga shibwiinga. 2Bali bosanwe bakalinga bayozhi alimwi bali bosanwe bakalinga basongo 3Ono bayozhi taaku nibakabweza mafuta mumalampi abo aindilila. 4Pesi basongo balo bakabweza malampi abo a mafuta akalikwindilila. 5Ono nkambo shibwiinga wakachelwa kuza, boonse bakatalika kufukula.
6“Ono akati kamashiku bakanva koolobezha kwa bantu, ‘Ngoyu shibwiinga! Kamuza mumuchinge!’ 7Bamane boonse bana kalindu bakabuka akuyasha malampi abo. 8Amane bayozhi bakaamba ku basongo, ‘Amutupeko mafuta anu, malampi esu alazhima.’ 9“Pesi basongo bakanviila ati, ‘Taaku mafuta akwaamba twaabane andimwe. Pesi kamuunka mukaule kumasambalilo nubeene.’ 10Ono kabachili munzhila mukuula mafuta, shibwiinga wakashika. Amane abo bakalikulibambile bakanjila anguwe mu pobwe lya bwiinga, umane mulyango wakajalwa.
11“Nikwakainda chiindi bakalinga baunka mukuula mafuta bakajoka akwaamba ati, ‘Mwami, Mwami! amutujalwile mulyango tunjile!’ 12“Shibwiinga wakabanviila ati, ‘Kashimpe ndamwaabila! Nshimuzhi imwe.”
13Abobo, Jesu mukumanizha wakabaambila ati, “Amukkale akupakamana nkambo tamuzhi buzuba naa chiindi.
Kaambyo kabasebenzhi botatwe
(Luuka 19.11-27)
14Ono, “Alimwi chila kuba mbuli muntu uunka a lweendo, wakaiita ba sebenzhi bakwe akubapa lubono lwakwe. 15Wakutaanguna wakamupa maali masaka a ngolide ali osanwe alimwi umwi wakamupa maali masaka a ngolide ali obilo amane wamamanino wakamupa lisaka lya maali a ngolide lyomwi, wakabapa boonse kwendelana ambubachikonzha amane wakabweza lweendo lwakwe. 16Ono uyo wakapegwa masaka a maali a ngolide ali osanwe, wakaunka akwasebenzha amane wakajana mpindu ya maali masaka a ngolide ali osanwe aamwi. 17Awalo uyo wakapegwa masaka a maali obilo a ngolide wakajana mpindu ya maali masaka obilo aamwi. 18Pesi umwi musebenzhi wakapegwa lisaka lya maali lyomwi a ngolide, wakaunka washa chilindi amane wakavikila maali ashimalelo akwe.
19“Ono nikwakainda chiindi chilaamfu, shimalelo wabo wakajoka amane wakabaita basebenzhi bakwe boonse kwaamba bamupandululile mbubakasebenzha maali. 20Musebenzhi wakapegwa maali a masaka osanwe a ngolide wakaletalepo amwii masaka ali osanwe. Wakaamba ati, ‘O shimalelo angu,’ wakaampa masaka a maali a ngolide ali osanwe, ‘Langa, ndakapindula akujana pindu ya masaka ali osanwe aamwi.’ 21Shimalelo akwe wakaamba ati, ‘Wachita kabotu o musebenzhi wangu ushomeka, ono nkambo washomeka muzhintu zhishoonto, ono ndakubika kwaamba wendelezhi zhintu zhiinji. Njila ukomane atomwe ashimalelo akw!’
22Awalo musebenzhi wakapegwa masaka a maali obilo a ngolide wakaza akwaamba ati, ‘O shimalelo angu, wakampa masaka a maali obilo a ngolide, pesi langa! ndakapindula akujaninapo maali masaka obilo amwi.’ 23“Shimalelo akwe wakaamba ati, ‘Wachita kabotu o musebenzhi wangu ushomeka, ono nkambo washomeka muzhintu zhishoonto, ono ndakubika kwaamba wendelezhe zhintu zhiinji. Njila ukomane atomwe ashimalelo ako!’
24Amane uyo musebenzhi wakapegwa lisaka lyomwi lya maali a ngolide wakaza akwaamba, ‘Ndalikuzhi kwaamba uli muntu mubiibi ulatebula mputana kumwaya, alimwi ulabuganya mputana kumwaya mbuto. 25Ndakatija, ono ndakaunka akulishila chilindi lisaka lya maali ako akwavikila. Langa! Maali ako ngaya.’
26“Shimalelo akwe wakanviila ati, ‘O musebenzhi mubiibi mutolo, wakalikuzhi kwaamba ndatebula mputana kumwaya akubuganya mputana kumwaya mbuto? 27Anu walikwelele kwabika maali angu mumanza abashipindu kwaamba ndajoka ndajana maali angu azhalana. 28Amumunyange maali mwape kuli uyo uchite ali kkumi. 29Alimwi uli oonse uchite kale ulakupegelwo azhimwi, alimwi ulakuba a zhintu zhiinji. Pesi uli onse utachite, akashoonto nkachite kalakubwezegwa kuli nguwe. 30Ono amumubweze mubibi uyu akumuwala ansengwe amunshinzhe, alo awo mpweshi anolila akulumanya meno.’
Lubeta lwamamanino
31“Chiindi Mwana a Muntu a kuza mubulemu bwakwe, a bangele boonse anguwe, ulakukkala achuno chakwe chabulemu. 32Alimwi bantu ba mishobo yoonse balakubungana kulinguwe, alimwi ulakwandanya bantu, bweenka mbuli mwembezhi mbwaandanya mbelele kuzwa kumpongo. 33Ulakubika mbelele kulyanza lyakwe lyakululyo amane mpongo ulakuzhibika kulumweshi. 34Amana Mwami ulakwaambila bali kululyo lwakwe kwaamba, ‘Kamuza imwe nimulelekelwe a Taata, mubweze bulelo mbumwakabambilwa kuzwa kumatalikilo anyika. 35Nkambo ndakalinga kunvile nzala pesi mwakampa chakulya, alimwi ndakalinga kunvile nyotwa mwakampa maanzhi akunwa, ndakalinga mweenzu mwakantambula. 36Ndakalinga mantanda mwakansamika, nindakalinga mulwazhi mwakanswaya, a nindakalinga muntolongo mwakaza mukunswaya.’ 37Amane basalali balakumunviila ati, ‘O Mwami ndilili nitwakakubona kofile nzala akukupa chakulya naa kukupa maanzhi chiindi niwakalikunvile nyotwa? 38Ino ndilili nitwakakubona koli mweenzu alimwi akukutambula, naa niwakalinga mantanda akukusamika? 39Ino ndilili nitwakakubona koli mulwazhi naa koli muntolongo alimwi a kukuswaya? 40“Amane Mwami ulakubanviila ati, ‘Kashimpe ndamwambila, kufumbwa nchimwakachitila baba bashoonto bakwesu mwakachitila ndime.’
41“Amane ulakwaambila abo bali kulumwenshi kwaamba ati, kamuzwa kuli ndime imwe nimwakashinganishigwa, akuunka mu gehena walo uyo wakabambilwa Satani a bangele bakwe! 42Nkambo ndakalinga kufile nzala pesi taaku nimwakampa chakulya alimwi ndakalinga kufile nyotwa taaku nimwakampa maanzhi. 43Ndakalinga mweenzu taaku nimwakantambula alimwi nindakalinga mantanda taaku nimwakansamika, alimwi nindakalinga mulwazhi naa muntolongo taaku nimwakanswaya.’ 44Amana balakumunviila ati, ‘Ndilili O Mwami nitwaakubona kofile nzala naa koli mweenzu naa koli mantanda naa koli mulwazhi naa muntolongo amana twabula kukugwasha?’ 45Mwami ulakubanviila ati, ‘Kashimpe ndamwambila, kufumbwa nchimwakakaka kuchitila aba bashoonto bakwesu. Mwakakakila kuchitila ndime.’ 46“Amane balakutolwa ku gehena, pesi basalali blakuunka ku buumi butamani.”
S'ha seleccionat:
:
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
The Word For The World International