Mateyo 26
26
Jesu mbubakamukanza kumujaya
(Maako 14.1-2; Luuka 22.1-2)
1Jesu nakamanizha kuiisha zhintu izhi zhoonse, wakaambila bashichiiya bakwe ati, 2“Mbuli bweenka mbumuzhi kwaamba kwashaala mazuba obilo kwaamba Pasika ibe, ono awalo Mwana a Muntu ula kwaabwa kwaamba agagailwe.”
3Bapaizhi banene a bamaalu bakabungana ambali ku ng'anda ya mwami munene Kaifaasi, 4alimwi akupangana mbweshi bamujate Jesu chakusisikizha a kumujaya. 5“Ono bakaamba ati, tutakuchiti chiindi cha pobwe nkambo inga kwaba kunyongana akati ka bantu.”
Jesu wakananikwa mafuta chiindi nakalinga ku Betani
(Maako 14.3-9)
6Ono chiindi Jesu nakalinga ku Betani mu ng'anda ya Saimoni shimankuntu, 7Kwakashika mukaintu a mafuta aadula a nunkila kabotu a kutila Jesu kumutwi chiindi nakalinga kulya. 8Chiindi bashichiiya nibakabona ichi, bakakalala akubuzha ati, “Nkambo nzhi wasowaila mafuta aya?” 9“Mafuta aya nauzhigwa muulo unene a kupa maali ku bachete!”
10Jesu nakazhiba nchibakalinga kwaamba, wakabaambila ati, “Nkambo nzhi mulamupenzha uyu mukaintu? Walo wachita chintu chibotu kuli ndime. 11Bantu Bachete mulanokuli ambabo lyoonse pesi ime teeshi munokuli andime lyoonse. 12Nchachita kuntila mafuta amubili wangu, waubamba kwaamba nkazhikwe. 13Kashimpe ndamwambila, mfumbwa kuli koonse nkweshi ukakambaukwe Mulumbe Mubotu munyika yoonse, achalo nchachita mukaintu uyu chilakwambwa mukuyeya nguye.”
Judasi wakazumina kwaaba Jesu
(Maako 14.10-11; Luuka 22.3-6)
14Alimwi umwi wabali kkumi abobilo wakalikwiitwa ati Judasi Isikalyoti, wakaunka ku bapaizhi banene 15a kubuzha ati, “Ino mulampanzhi nda mwaaba Jesu kuli ndimwe?” Ono bakabala maali asiliva ali makkumi otatwe akumupa. 16Ono kuzwa chiindi icho Judasi wakalinga kulangaula chiindi chibotu chakumwaaba Jesu.
Jesu wakalya Pasika abashichiiya bakwe
(Maako 14.12-21; Luuka 22.7-13,21-23)
17Mubuzuba bwakutanguna bwa Pasika ya chinkwa chitachite mimena, bashichiiya bakaza kuli Jesu a kumubuzha, “Nkuli nkuyanda kwaamba tukabambile Pasika kwaamba ulye?”
18Wakabanviila ati, “Kamuunka mu munzhi umwi mulajana muntu mumwaambile kwaamba ati, ‘Muii waamba ati, chiindi changu chili afaafi, ndanda kulya Pasika mu ng'anda yako atomwi a bashichiiya bangu.”
19Alimwi bashichiiya bakachita bweenka Jesu mbwakabalailila a kubamba pasika.
20Mangolezha nakaza, Jesu a bashichiya bakwe bali kkumi abobilo bakakaala anshi a kutalika kulya. 21Alimwi nibakalinga kulya Jesu wakaamba ati, “Kashimpe ndamwaabila, akati kanu umwi wanu ulangaba.”
22Bashichiiya nibakanva, bakausa a kutalika kumubuzha omwi a omwi ati, “Saa ndime O Mwami?”
23Jesu wakanviila ati, “Eenka ngutokubwenga anguye mumbale ulakungaba. 24Mwana a Muntu ulakufa kwendelana a malembe bwaamba. Pesi mawe ku muntu uyo ushi a kaabe Mwana a Muntu! Chali kwiinda kubota natakazhalwa boo.”
25Amana Judasi shikwaaba Jesu wakaamba ati, “Saa ndime O Muii? Jesu wakanviila ati, “Waamba.”
Mulalilo
(Maako 14.22-26; Luuka 22.14-20)
26Ono nibakalinga kulya Jesu wakabweza chinkwa nakamana kupa kulumba a kuchikomauna amane wapa bashichiiya bakwe, wakaamba ati, “Amubweze mulye uyu mubili wangu.”
27Amane wakabweza nkaapu, alimwi nakamana kupa kulumba wakapa bashichiiya bakwe akwaamba ati, “Kamunwa noonse mu nkaapu umu,” 28“Ubu mbubulowa bwangu bwachizuminano chipya bwakatikila baanji kwaamba zhinyonyono zhilekelelwe. 29Ndamwambila, nshikanwi alimwi waiini wamichelo kushikila buzuba mbweshinkanwe waiini mupya mu bwami bwa Taata.”
30Amane nibakamana kwiimba lwiimbo bakaunka ku mulundu wa Oliva.
Jesu wakashinshima kwaamba Petulo ulakumutama
(Maako 14.27-31; Luuka 22.31-34)
31Alimwi Jesu wakabaambila ati, “Mashiku eenka aya noonse mulambalika akunshiya neenka, nkambo kulilembelwe kwaamba ati, ‘Leza ulakujaya mweembezhi, amana mbelele zhilakupalangana.’ 32Pesi ndakubushigwa ndakumutaangunina kuunka ku Galilaya.”
33Petulo wakamunviila Jesu a kwaamba ati, “Nakuba boonse bakushiiya, ime nshikakushiyi!”
34Jesu wakaambila Petulo aati, “Chanchobeni ndakwaambila mashiku eenka aya mukombwe katana kulila, utokuntama zhiindi zhotatwe kwaamba tonzhi.” 35Petulo wakanviila ati, “Nikuba kwaamba mfe andiwe teshinkutame!”
Alimwi a bashichiiya bamwi bakaamba bweenka.
Jesu wakapaila mumunda wa Getesemani
(Maako 14.32-42; Luuka 22.39-46)
36Jesu wakaunka abashichiiya bakwe kubusena bwa Getesemani, alimwi wakakabaambila ati, “Amukkale ano ime ndaunka mukupaila ampela.” 37Wakabweza Petulo, a bana Zebediya, amana wakapenzhegwa akuusa mu moyo. 38Amane wakabaambila ati, “Moyo wangu ulizwile kuusa kushika ku lufu. Amukkale ano akulangila andime.”
39Ono nakeenda boo ashoonto kuunka kumpela, wakawa chakuvuntama a kupaila waamba ati, “Taata nakachikonzheka amugushe nkaapu iyi kuli ndime, pesi kutaashi kuyanda kwangu pesi kuyanda kwako.”
40Ono nakajokela ku bashichiiya bakwe wakajana baloona. Wakabuzha Petulo ati, “Nkambo nzhi mwaalilwa kulangila andime kwaola boo lyomwi? 41“Amulangile akukomba kwaamba mutanjili mu masunko. Moyo ulayandisha pesi mubili wabula nguzu.”
42Amane wakaunka chiindi chabili akupaila ati, “Taata, natachikonzheki kwaamba nkaapu iyi igushigwe kuli ndime pesi njinwe, luyando lwako aluchitwe.” 43Nakajokela alimwi wakabajana bashichiiya bakwe baloona nkambo bakali kufile tulo.
44Wakabashiiya akuunka mukupaila chiindi chatatu kaamba mazwi enka. 45Amane wakajokela ku bashichiiya akubambila ati, “Saa muchoona akupumuna? Amulange! Chiindi chashika chakwaamba Mwana a Muntu aabwe mumaza abashizhibi. 46Amunyamuke tweende shikungaba ngoyu!”
Jesu mbubakamujata
(Maako 14.43-50; Luuka 22.47-53)
47Peenka penka kachibandika, awalo Judasi, umwi wabali kkumi abobilo, wakashika antomwi a imbunga ya bantu ya yakalinga kunyamwine mapanga ankooli. Mbunga iyi yakatumwa a mupaizhi munene, a bamaalu. 48Ono shikumwaaba wakabaambila kwaamba ndamupa chitondezho chakwaamba ati, “Uyo ngweshi myonte ngunguwe, mumwaange!”
49Peenka awo Judasi wakaunka kuli Jesu akwaamba ati, “Lumuno lube andiwe O Muii,” amane wakamumyonta.
50Jesu wakamunviila ati, “Ko chiita nchiweendela u mweenzuma.” Amana Jesu bakamujata. 51Abobo umwi wabo wakali kwinvi afifi wagusha panga lyakwe, akuzutula litwi lyamusebenzhi wamupaizhi munene. 52Jesu wakamwaambila ati, “Jola panga lyako mpulikkala,” “Nkambo oonse uyo ubelesha panga ulakujaigwa apanga. 53Saa ulayeya kwaamba inga nchilomba Taata kwaamba antumine ikkumi a yobilo ya nkamu ya bashikalumaamba kwaamba bangwashe? 54Pesi ina ono mbuti Malembe mbwiinga azuzikizhigwa, aamba kwaamba chilyelele kuchitika munzhila iyi?”
55Chiindi icho Jesu wakaambila mbunga ya bantu ati, “Saa ntokusololela nkamu yabazangi, cha kwaamba mwaza mukunjata amapanga ankooli? Mazuba oonse ndakalinga andimwe kanjiisha mu tempele, abobo taaku nimwakanjata. 56Pesi zhoonse izhi zhachitika kwaamba Malembe abashinshimi azuzikizhigwe.” Amana bashichiiya boonse bakamubalika akupalangana.
Jesu wakatolegwa ku nkuta
(Maako 14.53-65; Luuka 22.54-55; 63-71; Joni 18.13–14; 19-24)
57Abo bakajata Jesu bakamutola kuli Kaifasi mupaizhi munene, uko kwakalinga kubungene ba maii ba mulawo aba maalu. 58Pesi Petulo wakamuchilila alaamfu, amana wakanjila mu lubanza lwa ng'anda yamu Paizhi Munene. Wakakkala antomwi abalindilili kulindila cheshi chichtike. 59Ba Paizhi banene alimwi ankuta yoonse yakali kulangaula twaambo twakumutamikizha Jesu kwaamba ajaigwe, 60Pesi tabana kumujanina kaambo nakuba kwaamba kwakaza bantu baanji bakalikumutamikizha twaambo, kumamanino kwakaza bantu bobilo 61a kwaamba ati, “Uyu muntu wakaamba ati, “Ndakonzha kumwaya ng'anda ya Leza a kwiyaka mu mazuba otatwe.”
62Mupaizhi Munene wakanyamuka akwaambila Jesu ati, “Saa tochite bwinguzhi kutwaambo utu ntubato kwaamba?” 63Pesi Jesu wakaumuna boo. Mupaizhi munene wakaambila Jesu ati, “Ndakulomba mu liina lya Leza upona, twaambile saa ndiwe Mesiya, Mwana Leza.”
64Jesu wakanviila ati, “Waamba. Pesi ndamwambila noonse, kutalikila chiindi ichi ono mulakubona Mwana a Muntu kashite ku lyaanza lyalulyo lya ooyo Shinguzu alimwi kaza mu makumbi a ku julu!”
65Nakanva ichi mupaizhi munene, wakakwamuna chisani chakwe akwaamba ati, “Waamba chakusampaula Leza! Ino mbukamboni nzhi mbutuyanda alimwi! mwalinvila mbwasapaula Leza 66Mwayeeya buti?” Bakanviila ati,
“Wazulwa alimwi ulyelele kufa.”
67Amane bakamushipila mate akumuuma, bamwi bakamuuma mapaka. 68Alimwi bakaamba ati, “Koshinshima Mesiya, nguni wakuuma!”
Petulo wakamukaka Jesu
(Maako 14.66-72; Luuka 22.56-62)
69Ono chiindi Petulo nakalinga kushite asengwe mu lubaanza lwa tempele, mushimbi musebenzhi wakaamba kuli nguwe ati, “Andiwe wakalinga a Jesu waku Galilaya.” 70Pesi Petulo wakakaka chantangalala akwaamba ati, “Nshizhi nchutokwaamba.” 71Amane wakaunka kumanjililo a lubaanza lwa tempele uko nkwakajana aumwi musebenzhi mushimbi, wakaambila bantu kwaamba ati, “Uyu walinga a Jesu waku Nazaleti.”
72Pesi Petulo alimwi wakakaka akulumbila ati, “Nshimuzhi muntu uyo ngutokwaamba!”
73Nikwakainda kaindi kashoonto, bantu bakalinga kuinvi bakaunka kuli Petulo akwaamba ati, “Nchanchobeni ndiwe omwi wabo,” bakaamba ati, “Atala azhoonse mbuaamba mbubukuzubulula!”
74Amane Petulo wakaamba ati, “Chanchobeni ndalumbila nshimuzhi uyu muntu ngumutokwaamba!”
peenka penka nakamana kukaka mukombwe wakalila. 75Amane Petulo wakayeya mazwi ngakamwambila Jesu ati, “Mukombwe katana kulila ulankaka zhiindi zhotatwe kwaamba ntonzhi.” Amane Petulo wakaunka ansengwe akulila maningi.
S'ha seleccionat:
Mateyo 26: STP
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
The Word For The World International
Mateyo 26
26
Jesu mbubakamukanza kumujaya
(Maako 14.1-2; Luuka 22.1-2)
1Jesu nakamanizha kuiisha zhintu izhi zhoonse, wakaambila bashichiiya bakwe ati, 2“Mbuli bweenka mbumuzhi kwaamba kwashaala mazuba obilo kwaamba Pasika ibe, ono awalo Mwana a Muntu ula kwaabwa kwaamba agagailwe.”
3Bapaizhi banene a bamaalu bakabungana ambali ku ng'anda ya mwami munene Kaifaasi, 4alimwi akupangana mbweshi bamujate Jesu chakusisikizha a kumujaya. 5“Ono bakaamba ati, tutakuchiti chiindi cha pobwe nkambo inga kwaba kunyongana akati ka bantu.”
Jesu wakananikwa mafuta chiindi nakalinga ku Betani
(Maako 14.3-9)
6Ono chiindi Jesu nakalinga ku Betani mu ng'anda ya Saimoni shimankuntu, 7Kwakashika mukaintu a mafuta aadula a nunkila kabotu a kutila Jesu kumutwi chiindi nakalinga kulya. 8Chiindi bashichiiya nibakabona ichi, bakakalala akubuzha ati, “Nkambo nzhi wasowaila mafuta aya?” 9“Mafuta aya nauzhigwa muulo unene a kupa maali ku bachete!”
10Jesu nakazhiba nchibakalinga kwaamba, wakabaambila ati, “Nkambo nzhi mulamupenzha uyu mukaintu? Walo wachita chintu chibotu kuli ndime. 11Bantu Bachete mulanokuli ambabo lyoonse pesi ime teeshi munokuli andime lyoonse. 12Nchachita kuntila mafuta amubili wangu, waubamba kwaamba nkazhikwe. 13Kashimpe ndamwambila, mfumbwa kuli koonse nkweshi ukakambaukwe Mulumbe Mubotu munyika yoonse, achalo nchachita mukaintu uyu chilakwambwa mukuyeya nguye.”
Judasi wakazumina kwaaba Jesu
(Maako 14.10-11; Luuka 22.3-6)
14Alimwi umwi wabali kkumi abobilo wakalikwiitwa ati Judasi Isikalyoti, wakaunka ku bapaizhi banene 15a kubuzha ati, “Ino mulampanzhi nda mwaaba Jesu kuli ndimwe?” Ono bakabala maali asiliva ali makkumi otatwe akumupa. 16Ono kuzwa chiindi icho Judasi wakalinga kulangaula chiindi chibotu chakumwaaba Jesu.
Jesu wakalya Pasika abashichiiya bakwe
(Maako 14.12-21; Luuka 22.7-13,21-23)
17Mubuzuba bwakutanguna bwa Pasika ya chinkwa chitachite mimena, bashichiiya bakaza kuli Jesu a kumubuzha, “Nkuli nkuyanda kwaamba tukabambile Pasika kwaamba ulye?”
18Wakabanviila ati, “Kamuunka mu munzhi umwi mulajana muntu mumwaambile kwaamba ati, ‘Muii waamba ati, chiindi changu chili afaafi, ndanda kulya Pasika mu ng'anda yako atomwi a bashichiiya bangu.”
19Alimwi bashichiiya bakachita bweenka Jesu mbwakabalailila a kubamba pasika.
20Mangolezha nakaza, Jesu a bashichiya bakwe bali kkumi abobilo bakakaala anshi a kutalika kulya. 21Alimwi nibakalinga kulya Jesu wakaamba ati, “Kashimpe ndamwaabila, akati kanu umwi wanu ulangaba.”
22Bashichiiya nibakanva, bakausa a kutalika kumubuzha omwi a omwi ati, “Saa ndime O Mwami?”
23Jesu wakanviila ati, “Eenka ngutokubwenga anguye mumbale ulakungaba. 24Mwana a Muntu ulakufa kwendelana a malembe bwaamba. Pesi mawe ku muntu uyo ushi a kaabe Mwana a Muntu! Chali kwiinda kubota natakazhalwa boo.”
25Amana Judasi shikwaaba Jesu wakaamba ati, “Saa ndime O Muii? Jesu wakanviila ati, “Waamba.”
Mulalilo
(Maako 14.22-26; Luuka 22.14-20)
26Ono nibakalinga kulya Jesu wakabweza chinkwa nakamana kupa kulumba a kuchikomauna amane wapa bashichiiya bakwe, wakaamba ati, “Amubweze mulye uyu mubili wangu.”
27Amane wakabweza nkaapu, alimwi nakamana kupa kulumba wakapa bashichiiya bakwe akwaamba ati, “Kamunwa noonse mu nkaapu umu,” 28“Ubu mbubulowa bwangu bwachizuminano chipya bwakatikila baanji kwaamba zhinyonyono zhilekelelwe. 29Ndamwambila, nshikanwi alimwi waiini wamichelo kushikila buzuba mbweshinkanwe waiini mupya mu bwami bwa Taata.”
30Amane nibakamana kwiimba lwiimbo bakaunka ku mulundu wa Oliva.
Jesu wakashinshima kwaamba Petulo ulakumutama
(Maako 14.27-31; Luuka 22.31-34)
31Alimwi Jesu wakabaambila ati, “Mashiku eenka aya noonse mulambalika akunshiya neenka, nkambo kulilembelwe kwaamba ati, ‘Leza ulakujaya mweembezhi, amana mbelele zhilakupalangana.’ 32Pesi ndakubushigwa ndakumutaangunina kuunka ku Galilaya.”
33Petulo wakamunviila Jesu a kwaamba ati, “Nakuba boonse bakushiiya, ime nshikakushiyi!”
34Jesu wakaambila Petulo aati, “Chanchobeni ndakwaambila mashiku eenka aya mukombwe katana kulila, utokuntama zhiindi zhotatwe kwaamba tonzhi.” 35Petulo wakanviila ati, “Nikuba kwaamba mfe andiwe teshinkutame!”
Alimwi a bashichiiya bamwi bakaamba bweenka.
Jesu wakapaila mumunda wa Getesemani
(Maako 14.32-42; Luuka 22.39-46)
36Jesu wakaunka abashichiiya bakwe kubusena bwa Getesemani, alimwi wakakabaambila ati, “Amukkale ano ime ndaunka mukupaila ampela.” 37Wakabweza Petulo, a bana Zebediya, amana wakapenzhegwa akuusa mu moyo. 38Amane wakabaambila ati, “Moyo wangu ulizwile kuusa kushika ku lufu. Amukkale ano akulangila andime.”
39Ono nakeenda boo ashoonto kuunka kumpela, wakawa chakuvuntama a kupaila waamba ati, “Taata nakachikonzheka amugushe nkaapu iyi kuli ndime, pesi kutaashi kuyanda kwangu pesi kuyanda kwako.”
40Ono nakajokela ku bashichiiya bakwe wakajana baloona. Wakabuzha Petulo ati, “Nkambo nzhi mwaalilwa kulangila andime kwaola boo lyomwi? 41“Amulangile akukomba kwaamba mutanjili mu masunko. Moyo ulayandisha pesi mubili wabula nguzu.”
42Amane wakaunka chiindi chabili akupaila ati, “Taata, natachikonzheki kwaamba nkaapu iyi igushigwe kuli ndime pesi njinwe, luyando lwako aluchitwe.” 43Nakajokela alimwi wakabajana bashichiiya bakwe baloona nkambo bakali kufile tulo.
44Wakabashiiya akuunka mukupaila chiindi chatatu kaamba mazwi enka. 45Amane wakajokela ku bashichiiya akubambila ati, “Saa muchoona akupumuna? Amulange! Chiindi chashika chakwaamba Mwana a Muntu aabwe mumaza abashizhibi. 46Amunyamuke tweende shikungaba ngoyu!”
Jesu mbubakamujata
(Maako 14.43-50; Luuka 22.47-53)
47Peenka penka kachibandika, awalo Judasi, umwi wabali kkumi abobilo, wakashika antomwi a imbunga ya bantu ya yakalinga kunyamwine mapanga ankooli. Mbunga iyi yakatumwa a mupaizhi munene, a bamaalu. 48Ono shikumwaaba wakabaambila kwaamba ndamupa chitondezho chakwaamba ati, “Uyo ngweshi myonte ngunguwe, mumwaange!”
49Peenka awo Judasi wakaunka kuli Jesu akwaamba ati, “Lumuno lube andiwe O Muii,” amane wakamumyonta.
50Jesu wakamunviila ati, “Ko chiita nchiweendela u mweenzuma.” Amana Jesu bakamujata. 51Abobo umwi wabo wakali kwinvi afifi wagusha panga lyakwe, akuzutula litwi lyamusebenzhi wamupaizhi munene. 52Jesu wakamwaambila ati, “Jola panga lyako mpulikkala,” “Nkambo oonse uyo ubelesha panga ulakujaigwa apanga. 53Saa ulayeya kwaamba inga nchilomba Taata kwaamba antumine ikkumi a yobilo ya nkamu ya bashikalumaamba kwaamba bangwashe? 54Pesi ina ono mbuti Malembe mbwiinga azuzikizhigwa, aamba kwaamba chilyelele kuchitika munzhila iyi?”
55Chiindi icho Jesu wakaambila mbunga ya bantu ati, “Saa ntokusololela nkamu yabazangi, cha kwaamba mwaza mukunjata amapanga ankooli? Mazuba oonse ndakalinga andimwe kanjiisha mu tempele, abobo taaku nimwakanjata. 56Pesi zhoonse izhi zhachitika kwaamba Malembe abashinshimi azuzikizhigwe.” Amana bashichiiya boonse bakamubalika akupalangana.
Jesu wakatolegwa ku nkuta
(Maako 14.53-65; Luuka 22.54-55; 63-71; Joni 18.13–14; 19-24)
57Abo bakajata Jesu bakamutola kuli Kaifasi mupaizhi munene, uko kwakalinga kubungene ba maii ba mulawo aba maalu. 58Pesi Petulo wakamuchilila alaamfu, amana wakanjila mu lubanza lwa ng'anda yamu Paizhi Munene. Wakakkala antomwi abalindilili kulindila cheshi chichtike. 59Ba Paizhi banene alimwi ankuta yoonse yakali kulangaula twaambo twakumutamikizha Jesu kwaamba ajaigwe, 60Pesi tabana kumujanina kaambo nakuba kwaamba kwakaza bantu baanji bakalikumutamikizha twaambo, kumamanino kwakaza bantu bobilo 61a kwaamba ati, “Uyu muntu wakaamba ati, “Ndakonzha kumwaya ng'anda ya Leza a kwiyaka mu mazuba otatwe.”
62Mupaizhi Munene wakanyamuka akwaambila Jesu ati, “Saa tochite bwinguzhi kutwaambo utu ntubato kwaamba?” 63Pesi Jesu wakaumuna boo. Mupaizhi munene wakaambila Jesu ati, “Ndakulomba mu liina lya Leza upona, twaambile saa ndiwe Mesiya, Mwana Leza.”
64Jesu wakanviila ati, “Waamba. Pesi ndamwambila noonse, kutalikila chiindi ichi ono mulakubona Mwana a Muntu kashite ku lyaanza lyalulyo lya ooyo Shinguzu alimwi kaza mu makumbi a ku julu!”
65Nakanva ichi mupaizhi munene, wakakwamuna chisani chakwe akwaamba ati, “Waamba chakusampaula Leza! Ino mbukamboni nzhi mbutuyanda alimwi! mwalinvila mbwasapaula Leza 66Mwayeeya buti?” Bakanviila ati,
“Wazulwa alimwi ulyelele kufa.”
67Amane bakamushipila mate akumuuma, bamwi bakamuuma mapaka. 68Alimwi bakaamba ati, “Koshinshima Mesiya, nguni wakuuma!”
Petulo wakamukaka Jesu
(Maako 14.66-72; Luuka 22.56-62)
69Ono chiindi Petulo nakalinga kushite asengwe mu lubaanza lwa tempele, mushimbi musebenzhi wakaamba kuli nguwe ati, “Andiwe wakalinga a Jesu waku Galilaya.” 70Pesi Petulo wakakaka chantangalala akwaamba ati, “Nshizhi nchutokwaamba.” 71Amane wakaunka kumanjililo a lubaanza lwa tempele uko nkwakajana aumwi musebenzhi mushimbi, wakaambila bantu kwaamba ati, “Uyu walinga a Jesu waku Nazaleti.”
72Pesi Petulo alimwi wakakaka akulumbila ati, “Nshimuzhi muntu uyo ngutokwaamba!”
73Nikwakainda kaindi kashoonto, bantu bakalinga kuinvi bakaunka kuli Petulo akwaamba ati, “Nchanchobeni ndiwe omwi wabo,” bakaamba ati, “Atala azhoonse mbuaamba mbubukuzubulula!”
74Amane Petulo wakaamba ati, “Chanchobeni ndalumbila nshimuzhi uyu muntu ngumutokwaamba!”
peenka penka nakamana kukaka mukombwe wakalila. 75Amane Petulo wakayeya mazwi ngakamwambila Jesu ati, “Mukombwe katana kulila ulankaka zhiindi zhotatwe kwaamba ntonzhi.” Amane Petulo wakaunka ansengwe akulila maningi.
S'ha seleccionat:
:
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
The Word For The World International