Mateyo 24
24
Jesu wakaamba kunyonyolwa kwa tempele
(Maako 13.1,2; Luuka 21.5,6)
1Ono Jesu nakazwa mu tempele kaunka abalo bashichiiya bakwe mukumutondezha lubumbu lwa tempele. 2Jesu wakanviila ati, “Tee mwazhibona zhintu izhi zhoonse?” Nchanchobeni ndamwambila taaku libwe naliba lyomwi lishilikashaale a julu a libwe lyenzhinyina, onse alakusowelwa anshi.”
Mapenzhi a makatazho
(Maako 13.3-13; Luuka 21.7-19)
3Mbuli Jesu mbwakalinga kushite a mulundu wa Oliva, bashichiiya bakwe bakaza kuli nguwe chakusishikizha. “Twambile, ino zhintu izhi zhoonse zhilakuchitika lili? Bakabuzha ati, “Nchitondezho nzhi ncheshi tukabone chakuza kwako a mamanino achiindi.”
4Jesu wakanviila ati, “Amuchenjele kwaamba muntu atamuchengi. 5Nkambo bantu baanji balakuza mu liina lyangu, kabaamba ati, ‘Ndime Mesiya!’ alimwi balakuchenga bantu baanji. 6Mulakunva inkondo aimpuwo yankondo kulale a afaafi, pesi mutakatiji nkambo zhintu izhi zhilyelele kutaanguna kuchitika, pesi tazhambi kwaamba mamanino achiindi ashika. 7Chishi chilakubukila chishi nyina abwalo bwami bulakubukilana a bwami nyina. Alimwi kulakuba nzala a muzuzumo mu masena apuseene pusene. 8Zhoonse izhi zhili mbuli matalikilo amachise a kuzhalwa kwa mwaana.
9“Alimwi mulakupenzhengwa a kujaigwa, achishi chilakumusulaika a nkambo ka ndime. 10Ku chiindi icho bantu baanji balakusowekelwa lushomo lwabo a kuuzhana mulwabo bene, a kusulaikana. 11Alimwi kulakuza bashinshimi baanji beshi bakachenge bantu baanji 12Nkambo ka bubiibi bweshi bukavule, luyando lwa bantu baanji lulakutontola. 13Pesi uyo onse ushi akajatishe kushikila kumamanino ulakufutulwa. 14Alimwi Mulumbe Mubotu wabulelo bwa Leza ulakukambaukwa munyika yoonse mbuli kamboni wamashi onse amane mamanino achiindi alakushika.
Chisesemyo chinene chitijisha
(Maako 13.14-23; Luuka 21.20-24)
15Ono mwaakubona, chisesemyo chileta kumwaya, chakaambwa a mushinshimi Danyele, kachiinvi mu busena busalala, amuleke uyo ubala avinshe. 16Abo boonse bali mu Judiya ababalikile mu malundu. 17Onse uyo uli ajulu achiluli ataseluki akuunka mu Ng'andu kubweza chintu chili choonse 18Onse uli mu muunda atajoki kubweza chikobela chakwe. 19Mawe ku mukaintu ushi akajanike kamitile a ushi a kanokunyonsha ku chiindi icho! 20Amupaile kwaamba kubalika kwanu kutakabi chiindi champeyo naa buzuba bwa Nsabata. 21Nkambo ku chiindi icho kulakuba mapenzhi anene, atana kubako kuzwa chiindi nyika niyakalengwa kushikila sunu. Alimwi takukabi mapenzhi ali mbuli aya alimwi. 22Leza natakachesha mazuba amapenzhi aya, nikwatakaba muntu naba omwi upuluka. Pesi nkambo ka bantu bakwe mbakasala wakafiimpya mazuba ayo.
23A chiindi icho, naa umwi akaambe ati, ‘langa, ngoyu Mesiya’ naa ‘ngolya’ mutakamuzumini. 24Nkambo kulakuza ba Mesiya babeji, a bashinshimi babeji. balakuchita zhitondezho a zhintu zhikankamanisha kwaamba nakachikonzheka bakabeje a basale ba Leza. 25Amunve! ono imwe ndamwaambila chiindi kachitana kushika.
26“Naa bantu bakamwaambile ati, ‘Amulange ngolya mu nga'anda, mutakaunki ko nakuba bakaambe ati, ‘Amulange ngolya uliyubile alya mutakabanvili. 27Nkambo kuza kwa Mwana a Muntu kulakuba mbuli lulabo lumweka kuzwa kujwe kuunka kumbo.
28Mfumbwa kuli mutunta nkukubungana makubi.
Kuza kwa Mwana a Muntu
(Maako 13.24-27; Luuka 21.25-28)
29Peenka penka mu mazuba ayo, a kwiinda mapenzhi, lizuba lilakushiya, walo mwenzhi taukapi mumuni wanguyo, alimwi nyenyenzhi zhila kuloka kuzwa ku julu, alimwi nguzu zhaku julu zhilakuzungaana. 30Amane chitondezho chilakuboneka chakuza kwa Mwana a Muntu ku julu chilakuboneka, amana bantu boonse ba munyika balakulila baakubona Mwana a Muntu kaza muma kumbi aku julu a bulemu a nguzu. 31Alimwi mwembo unene ulakunvika kulila amane ulakutuma ba ngeli bakwe muzhibaaka zhone akubunganya bantu bakwe basale kuzwa kumbazu zhone zhanyika.
Chiyo kuzwa ku mukuyu
(Maako 13.28-31; Luuka 21.29-33)
32Ono amwiiye chiyo kuzwa ku mukuyu, misaampi yanguyo nitalika kusonsa mateu ashuuka inga mwazhiba kwaamba mainza ali afaafi. 33Ono mwakuzhibona zhintu izhi kazhichitika, mulakuzhiba kwaamba chiindi chashika. 34Kashimpe ndamwaambila musela uyu taukamani kushikila zhintu izhi zhoonse zhikachitike. 35Julu anyika zhilakwiinda, pesi majwi angu takamani.
Taaku uzhi buzuba a chiindi
(Maako 13.32-37; Luuka 17.26-30,34-36)
36“Taaku naba omwi ubuzhi buzuba ubo nachiba chiindi. Nibaba ba ngeli tabazhi, naba Mwana a Muntu, pesi Taata eenke nguzhi. 37Bweenka mbuli mbu chakalinga mu mazuba abana Nowa, akuza kwa Mwana a Muntu mbweshichikabe. 38Mu mazuba chiindi muyoba kautana kuba, bantu bakalinga kulya a kunwa a kukwata a kukwatishana, kushikila chiindi Nowa nakanjila mu bwaato, 39alimwi taaku nchibakalinga kuzhi chakalinga kuchitika, kushikila chiindi muyoba niwakaza akubatola boonse. Alimwi bweenka mbweshi chikabe chiindi Mwana a Muntu a kuza. 40Ku chiindi icho basankwa bobilo kabasebenza mu muunda, amane umwi ulakubwezegwa pesi umwi ulakushaala. 41Alimwi bamakaintu bobilo balakujanika kabagaya chakulya atomwi, pesi umwi ulakubwezegwa amane umwi ulakushaala.
42Ono a mukkale akupakamana nkambo tamuzhi buzuba Mwami neshi a kaze. 43Pesi ono amunvishe, mwiine Ng'anda nalikuzhi chiindi kabwalala naza, niinga ulakkala akupakamana kwaamba kabwalala atanjili mu ng'anda yakwe. 44Andimwe ono kamukkala akulibambila lyoonse nkambo Mwana a Muntu ulakuza a chiindi nchimutayeyeli.
Musebenzhi ushomeka a utashomeki
(Luuka 12.41-48)
45“Ino nguni musebenzhi ushomeka? alimwi Mwendelezhi musongo, ngwinga shimalelo wabika kulanganya ba sebenzhi akupa chakulya achiindi chibotu? 46Nchibotu kumusebenzhi uyo chiindi shemalelo akwe najoka wamujana utachita nchamwaabila. 47Kashimpe ndamwaambila, ulakumubika kwaamba ayendelezhe lubono lwa shemalelo akwe loonse. 48Pesi naa kali musebezhi mubiibi, inga waamba mu moyo wakwe ati, shemalelo angu waunka mukukkala nkwakaunka teshi akaze kufambana, 49amane watalika kuuma basebenzhi bezhinyina akutalika kulya akunwa chakukolwa. 50Pesi shimalelo wamusebenzhi uyu, ulakuza buzuba achiindi nchatamuyeyeli kwaamba inga waza 51Amane shimalelo wakwe ulakumutimbaulila zhimpanzha akumubika musebezhi wakwe akumusowela kubusena bwabashikupaupa amenso, kwalo uko nkweshi ba kanolila akulumanya meeno.
S'ha seleccionat:
Mateyo 24: STP
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
The Word For The World International
Mateyo 24
24
Jesu wakaamba kunyonyolwa kwa tempele
(Maako 13.1,2; Luuka 21.5,6)
1Ono Jesu nakazwa mu tempele kaunka abalo bashichiiya bakwe mukumutondezha lubumbu lwa tempele. 2Jesu wakanviila ati, “Tee mwazhibona zhintu izhi zhoonse?” Nchanchobeni ndamwambila taaku libwe naliba lyomwi lishilikashaale a julu a libwe lyenzhinyina, onse alakusowelwa anshi.”
Mapenzhi a makatazho
(Maako 13.3-13; Luuka 21.7-19)
3Mbuli Jesu mbwakalinga kushite a mulundu wa Oliva, bashichiiya bakwe bakaza kuli nguwe chakusishikizha. “Twambile, ino zhintu izhi zhoonse zhilakuchitika lili? Bakabuzha ati, “Nchitondezho nzhi ncheshi tukabone chakuza kwako a mamanino achiindi.”
4Jesu wakanviila ati, “Amuchenjele kwaamba muntu atamuchengi. 5Nkambo bantu baanji balakuza mu liina lyangu, kabaamba ati, ‘Ndime Mesiya!’ alimwi balakuchenga bantu baanji. 6Mulakunva inkondo aimpuwo yankondo kulale a afaafi, pesi mutakatiji nkambo zhintu izhi zhilyelele kutaanguna kuchitika, pesi tazhambi kwaamba mamanino achiindi ashika. 7Chishi chilakubukila chishi nyina abwalo bwami bulakubukilana a bwami nyina. Alimwi kulakuba nzala a muzuzumo mu masena apuseene pusene. 8Zhoonse izhi zhili mbuli matalikilo amachise a kuzhalwa kwa mwaana.
9“Alimwi mulakupenzhengwa a kujaigwa, achishi chilakumusulaika a nkambo ka ndime. 10Ku chiindi icho bantu baanji balakusowekelwa lushomo lwabo a kuuzhana mulwabo bene, a kusulaikana. 11Alimwi kulakuza bashinshimi baanji beshi bakachenge bantu baanji 12Nkambo ka bubiibi bweshi bukavule, luyando lwa bantu baanji lulakutontola. 13Pesi uyo onse ushi akajatishe kushikila kumamanino ulakufutulwa. 14Alimwi Mulumbe Mubotu wabulelo bwa Leza ulakukambaukwa munyika yoonse mbuli kamboni wamashi onse amane mamanino achiindi alakushika.
Chisesemyo chinene chitijisha
(Maako 13.14-23; Luuka 21.20-24)
15Ono mwaakubona, chisesemyo chileta kumwaya, chakaambwa a mushinshimi Danyele, kachiinvi mu busena busalala, amuleke uyo ubala avinshe. 16Abo boonse bali mu Judiya ababalikile mu malundu. 17Onse uyo uli ajulu achiluli ataseluki akuunka mu Ng'andu kubweza chintu chili choonse 18Onse uli mu muunda atajoki kubweza chikobela chakwe. 19Mawe ku mukaintu ushi akajanike kamitile a ushi a kanokunyonsha ku chiindi icho! 20Amupaile kwaamba kubalika kwanu kutakabi chiindi champeyo naa buzuba bwa Nsabata. 21Nkambo ku chiindi icho kulakuba mapenzhi anene, atana kubako kuzwa chiindi nyika niyakalengwa kushikila sunu. Alimwi takukabi mapenzhi ali mbuli aya alimwi. 22Leza natakachesha mazuba amapenzhi aya, nikwatakaba muntu naba omwi upuluka. Pesi nkambo ka bantu bakwe mbakasala wakafiimpya mazuba ayo.
23A chiindi icho, naa umwi akaambe ati, ‘langa, ngoyu Mesiya’ naa ‘ngolya’ mutakamuzumini. 24Nkambo kulakuza ba Mesiya babeji, a bashinshimi babeji. balakuchita zhitondezho a zhintu zhikankamanisha kwaamba nakachikonzheka bakabeje a basale ba Leza. 25Amunve! ono imwe ndamwaambila chiindi kachitana kushika.
26“Naa bantu bakamwaambile ati, ‘Amulange ngolya mu nga'anda, mutakaunki ko nakuba bakaambe ati, ‘Amulange ngolya uliyubile alya mutakabanvili. 27Nkambo kuza kwa Mwana a Muntu kulakuba mbuli lulabo lumweka kuzwa kujwe kuunka kumbo.
28Mfumbwa kuli mutunta nkukubungana makubi.
Kuza kwa Mwana a Muntu
(Maako 13.24-27; Luuka 21.25-28)
29Peenka penka mu mazuba ayo, a kwiinda mapenzhi, lizuba lilakushiya, walo mwenzhi taukapi mumuni wanguyo, alimwi nyenyenzhi zhila kuloka kuzwa ku julu, alimwi nguzu zhaku julu zhilakuzungaana. 30Amane chitondezho chilakuboneka chakuza kwa Mwana a Muntu ku julu chilakuboneka, amana bantu boonse ba munyika balakulila baakubona Mwana a Muntu kaza muma kumbi aku julu a bulemu a nguzu. 31Alimwi mwembo unene ulakunvika kulila amane ulakutuma ba ngeli bakwe muzhibaaka zhone akubunganya bantu bakwe basale kuzwa kumbazu zhone zhanyika.
Chiyo kuzwa ku mukuyu
(Maako 13.28-31; Luuka 21.29-33)
32Ono amwiiye chiyo kuzwa ku mukuyu, misaampi yanguyo nitalika kusonsa mateu ashuuka inga mwazhiba kwaamba mainza ali afaafi. 33Ono mwakuzhibona zhintu izhi kazhichitika, mulakuzhiba kwaamba chiindi chashika. 34Kashimpe ndamwaambila musela uyu taukamani kushikila zhintu izhi zhoonse zhikachitike. 35Julu anyika zhilakwiinda, pesi majwi angu takamani.
Taaku uzhi buzuba a chiindi
(Maako 13.32-37; Luuka 17.26-30,34-36)
36“Taaku naba omwi ubuzhi buzuba ubo nachiba chiindi. Nibaba ba ngeli tabazhi, naba Mwana a Muntu, pesi Taata eenke nguzhi. 37Bweenka mbuli mbu chakalinga mu mazuba abana Nowa, akuza kwa Mwana a Muntu mbweshichikabe. 38Mu mazuba chiindi muyoba kautana kuba, bantu bakalinga kulya a kunwa a kukwata a kukwatishana, kushikila chiindi Nowa nakanjila mu bwaato, 39alimwi taaku nchibakalinga kuzhi chakalinga kuchitika, kushikila chiindi muyoba niwakaza akubatola boonse. Alimwi bweenka mbweshi chikabe chiindi Mwana a Muntu a kuza. 40Ku chiindi icho basankwa bobilo kabasebenza mu muunda, amane umwi ulakubwezegwa pesi umwi ulakushaala. 41Alimwi bamakaintu bobilo balakujanika kabagaya chakulya atomwi, pesi umwi ulakubwezegwa amane umwi ulakushaala.
42Ono a mukkale akupakamana nkambo tamuzhi buzuba Mwami neshi a kaze. 43Pesi ono amunvishe, mwiine Ng'anda nalikuzhi chiindi kabwalala naza, niinga ulakkala akupakamana kwaamba kabwalala atanjili mu ng'anda yakwe. 44Andimwe ono kamukkala akulibambila lyoonse nkambo Mwana a Muntu ulakuza a chiindi nchimutayeyeli.
Musebenzhi ushomeka a utashomeki
(Luuka 12.41-48)
45“Ino nguni musebenzhi ushomeka? alimwi Mwendelezhi musongo, ngwinga shimalelo wabika kulanganya ba sebenzhi akupa chakulya achiindi chibotu? 46Nchibotu kumusebenzhi uyo chiindi shemalelo akwe najoka wamujana utachita nchamwaabila. 47Kashimpe ndamwaambila, ulakumubika kwaamba ayendelezhe lubono lwa shemalelo akwe loonse. 48Pesi naa kali musebezhi mubiibi, inga waamba mu moyo wakwe ati, shemalelo angu waunka mukukkala nkwakaunka teshi akaze kufambana, 49amane watalika kuuma basebenzhi bezhinyina akutalika kulya akunwa chakukolwa. 50Pesi shimalelo wamusebenzhi uyu, ulakuza buzuba achiindi nchatamuyeyeli kwaamba inga waza 51Amane shimalelo wakwe ulakumutimbaulila zhimpanzha akumubika musebezhi wakwe akumusowela kubusena bwabashikupaupa amenso, kwalo uko nkweshi ba kanolila akulumanya meeno.
S'ha seleccionat:
:
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
The Word For The World International