Marka 8
8
Jesuh Naa Khyang Thawng Pahli Y Cawh
(Matthai 15.32–39)
1Yn hnguːp pyng khyangpuː acya haa ym dynnei. Ynhnguva ym ei jy ikhy myi jo. Jesuh naa y hngulawnglyk haa pannei theilaa, 2“Myn khyang puː haa ky maannei; keei dy hnguːp thum ym myi hngyh, ynpynnyng ym ei jy ikhy myi jo. 3Ycya khyang haa cee paannaw kuːh ym luu, eiawk cawh kawva ym imm maa tuːh bua vyngcee, lyammaa ym thaabyih jy,” y tinyak.
4Y hngulawnglyk haa naa, “Unaa myn khongkhuca dukka ni hawh ei jy hanijaa kuːh lawh nynny maa?” ym tiinyak.
5Jesuh naa, “Phee Ihawh nym tyakei maa?” tilaa Y hngi.
“Phe Syyh” myi ym tiinyak.
6Jesuh naa khyangpuː tomti dek kungnga ngoah syak giah. Phee syyh loo theila khunkyi y bei. Yn haa eak theilaa khyang haa eyng phyai haijaa y hngulawnglyktih haa eyng bei, yn haa naa ynbaw tyngnga ym caai. 7Ngawe aniauzawe khy ym tyakkei, yn tawk khy khunkhyi bei theilaa phyai haijaa y hngulawnglyktih haeyng y hyau. 8Khyang haa naa ei theilaa ym hngawh. Ynpynnyng hngulawnglyktih haa naa abuukaw tih haa cungdyn bua hnguva phaadyn syyh ym lawh. 9Ei tih tomti thawng pahli byang ym myi. Ynhaa y tuːh bua pynnyng, 10Jesuh cee y hngulawnglyk haa dy lawng dukka dyangngei theilaa, Dalmanutha pee lyammaa ym zet.
Pharisee haa naa Muːnnyak Khyang Ym Hngi
(Matthai 16.1–4)
11 #
Mat 12.38; Luk 11.16 Pharisee haa luu awlaa Jesuh eyng ym hngii. Ym hlumhlik khy tawkka, huankhu kuːh thawntih muːnnyak khyang ym hngihei. 12#Mat 12.39; Luk 11.29Y hiasee theilaa, “Ibawthawnyng myn haa muːnnyak khyang juːjawng haa naa ym hngihei maa? Nyangmi jyng ahngoan naa ky hyau vy, myn haa eyng muːnnyak khyang duan jonga,” y tiinyak.
13Yn pynnyng yn haa y gataw theila, lawng ngyng koi theilaa acya lyam maa y zehtyak.
Pharisee Laa Herod Heen
(Matthai 16.5–12)
14Hngulawnglyk haa naa phee ym luu ey ym ngiah hnguːt, lawng huannaa phee lunghuat pyt jyang ym tawvei. 15#Luk 12.1 Jesuh naa, “Pharisee heen si seh Herod heen siseh sathih taw byihjyt,” y tiinyak.
16Hngulawnglyk haa naa, “Phee my tyakkei kawvyng tilaa ym byeucavei,” ym tiinyak.
17Jesuh naa yn haa byeucavei khyang y hnguat, “Ithawnyng phee nym tyakkei kawkhyang nym hyau maa? Tuhcyppyng khy hngu jocaw sikawvyngcee jawecu jocawvei? Ni hawh khy nym lungbawng cangngei? 18Nym mik cee myi ynbawlakhy hngu jo cawvei? nym hngaw cee myi ynbawlakhy jawe jocaw vei? Pynnyngcee khindang jocaw vei? y tinyak. 19Khyang thawng pahngaw tawk phee pahngaw eyng ky cawh hnguva, acawn tih tong ihawh nym dyn lawh maa?” tilaa y hngi.
“Tong kulaihngih,” ym tiinyak.
20“Ynpynnyng khyang thawng pahli tawk phee syh ky phyaih hnguva, acawn tih ihawh nym lawh maa?” tilaa y hngii.
“Tong Syyh,” ym tiinyak.
21Yn haeyng, “Tuhcyppyng khy jawcu jocawvei” y tinyak.
Jesuh naa Bethsaida aa Mikhungtih Khyang Pahuat Kaansyak
22Bethsaida luh aa ym phaw luebua hnguva, khyang haa naa mikhung tih pahuat luu awlaa, Jesuh eyng thyaam piatty ym khawhei. 23Jesuh naa mikhungtih putaw pahuat y kut tyng lawt theilaa naam thua lyammaa y zehpuinyak. Y mik kyng cyatuii suh naw theila yn khyang huannaa y kut tyang pynnyng, “Juːhuat huat ny hnguhei?” tilaa Y hngii.
24Yn naa to theilaa y hyau, “Khyang ky hnguh; ynbawlakhy thiing haa bawva jyang ym zetjawk,” y tinyak.
25Pynnyng Jesuh naa athaa mokhuat yn khyang mik huannaa y kut y tyang bua tuːh; y mik deilu hnguva, lytnyak lawh theila, tomti valaitiha y hnguh bua. 26Jesuh naa “Imm maa tuːh bua theilaa, Naam dukka voang kawh byih,” y tinyak.
Peter Naa Jesuh Cee Messiah Y Sii Y tii
(Matthai 16.13–20; Luka 9.18–21)
27Jesuh laa y hngulawnglyk haa kesarias Philip kaa naam haa lyammaa ym zet. Yn haa eyng ym zeh hyakkyng y hngi, “Keei u tijyng khyang haa naa ym hyau maa?” y tinyak.
28 #
Mar 6.14,15; Luk 9.7,8 “Acya haa naa cee Baptisma Jawhan ym ti; acya naa Elijah; acya naacee hngawpawe pahuat huat asi ym ti,” tilaa ym tinyak.
29 #
Jaw 6.68,69 “Nyangmi naa cee?” “keei u tijyng nym uːtnyak maa?” tilaa y hngii.
Pitar naa, “Nyang cee Messiah ny si,” tilaa y hyaubua.
30Jesuh naa u vyng khy ynih bawng saihjok kaw haija yn haa eyng sathih y bei.
Jesuh Naa Ynih Bytty Khyang Saithjei
(Matthai 16.21–28; Luka 9.22–27)
31Ynpynnyng Jesuh naa “Khyang Zawpaw cee cyhei panuukung khyam theilaa lianzang haa, jahenpaw lian haa, tala cawkhyautih haa dyeutit y khyam lawhey, pynnyngcee tuk khy khyam lawh ey, hnguːp thum hnguːppyng thoo bua vy,” tilaa hngulawnglyktih haa eyng y saih. 32Ynbawva saih giah hnguva, Pitar naa y cengnga zehpuinaw theila, pettyang khyau y hyau. 33Jesuh naa tianei theilaa hngulawnglyk haa to, Pitar eyng; “khawgong ngo, Keei hngulyam maa zet!” tilaa y cawkhyau. “Ny lung dukka Nuatpaw kuːh myi jo, khyang ngyng kuːh haa jyang myi,” Y tinyak.
34 #
Mat 10.38; Luk 14.27 Ynpynyng y hngulawnglyk laa khyang puː haa pannei theila, yn haa eyng y hyau, “Ukhy si seh keei lawng lykky hluː tih cee, y pumhngawe y dyeuvei lawh theilaa, y taangtyng hngaw paa theila keei lawnglyk lawh ey, y tiinyak. 35#Mat 10.39; Luk 17.33; Jaw 12.25 U khy si seh pumhngaw shyak lilovei jy luː tihcee, y syak khuːh lawh eyy, ynpynnyngcee keei tawkka khy siseh sityang poai tawkka khy si seh y syak khuːk tih cee lilovei nyak y lawh ey. 36Khyang naa somdek kyng kuːh akhyngtih lawhei laa khy, y muikhaw y khuːh eyng cee, tyaknyak ky ii myi jyy maa? 37Sikawvyngcee muikhaw khuːh kyngcee i jyng hleih nynny maa? 38U naa khy si seh myn setzaw myi tih kawlaa juːjawng pet myi tih haa naa keei laa keei khyaukhaw hawhei nyak kyngcee, Khyang zawpaw naa ynih Paw cim tih ceepaw haa dy phunggan nyng komluu hnguva, yn haa hawhei nyak khy,” y tiinyak.
S'ha seleccionat:
Marka 8: NTHTB25
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2025 by the Word for the World International