Psalms 30
30
PSALM XXX.
David’s ain welcome-hame till the houss he biggit on Zioun.
Ane heigh-lilt, or sang at the han-sellin#Deut 20:5; 2 Sam 6:20 o’ the Houss o’ David. #A. C. 1042.
1I maun lift ye, Lord, abune a’ the lave, for ye hae uphaddin me: an’ ill-willers o’ mine ye ne’er hae thol’d till geck at mysel wi’ glee.
2O Lord, my God, I skreigh’t till yerlane; an’ ye hae healit me.
3O Lord, ye brought up my saul frae the sheugh;#Ps 86:13 ye steer’d me till life, on my gate to the heugh.
4Lilt loud to the Lord, ye sants o’ his;#1 Chron 16:4; Ps 97:12 an’ gie laud, at the thought o’ his haliness.
5For intil his wuth’s but a gliff;#Ps 103:9; Isaiah 26:20; 54:7, 8; 2 Cor 4:17 lee-lang life’s in his likans:#Ps 63:3 sabbin may thole for a night; but a sang wi’ the mornin waukens!#Ps 126:5
6An’ quo’ I till mylane i’ the lown,#30:6 Heb. my lown. I sal ne’er be steer’d ony mair.#Job 29:18
7O Lord, by yer nieborlie gree, ye set a’ fu’ stieve on my craig: ye happit yer face but a wee; forfoch’n was I fu’ sair.
8I hae skreigh’t till yerlane, O Lord; till the Lord I made dulesome maen:—
9What gude can come o’ my bluid, an I gang down till the sheugh? will the stoure gie laud till thee, or yet tell yer truth eneugh?#Ps 6:5; 88:11; 115:17
10Hearken, Lord; an’ be gude till me, Lord: ye maun e’en be a stoop till me.
11My dule ye hae swappit for lightness o’ fit;#2 Sam 6:14; Isaiah 61:3 my lingle o’ harn ye hae lowsit it, an’ wi’ glaidness hae graithit me:
12That my gloiry#30:12 David countit mair on his tongue nor his crown. Ps 16:9; 57:8 suld laud ye, an’ ne’er gang wae; O Lord, my God, I maun laud ye for ay!
S'ha seleccionat:
Psalms 30: SCOWAD
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
Published as The Psalms: frae Hebrew intil Scottis in 1871.