Psalms 23
23
PSALM XXIII.
The sheep-keepin o’ the Lord’s kind an’ canny, wi’ a braw howff at lang last: David keeps his sheep; the Lord keeps David.
Ane heigh-lilt o’ David’s.
1The Lord is my herd,#Isaiah 40:11; Jer 23:4; Ezek 34:23; John 10:11; 1 Peter 2:25; Rev 7:17 nae want sal fa’ me:#Phil 4:19
2He louts me till lie amang green howes;#23:2 Heb. saft growthy gerss.#Ezek 34:14 he airts me atowre by the lown watirs:
3He waukens my wa’-gaen saul; he weises me roun, for his ain name’s sake, intil right roddins.#Ps 5:8; 31:3
4Na! tho’ I gang thro’ the dead-mirk-dail;#Job 3:5; 10:21, 22; 24:17; Ps 44:19 e’en thar, sal I dread nae skaithin: for yersel are nar-by me; yer stok an’ yer stay haud me baith fu’ cheerie.
5My buird ye hae hansell’d in face o’ my faes;#Ps 104:15 ye hae drookit my head wi’ oyle; my bicker is fu’ an’ skailin.
6E’en sae, sal gude-guidin an’ gude-gree gang wi’ me, ilk day o’ my livin; an’ evir mair syne, i’ the Lord’s ain howff, at lang last, sal I mak bydan.#23:6 Ayont the dead-mirk dail, the Lord hauds a howff o’ his ain for a’ livin.
S'ha seleccionat:
Psalms 23: SCOWAD
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
Published as The Psalms: frae Hebrew intil Scottis in 1871.