Psalms 21
21
PSALM XXI.
Blythe may the King be, whase uphauder is the Lord: his ill-willers a’ sal be scowther’d afore him.
Till the sang-maister: ane heigh-lilt o’ David’s.
1 Lord, i’ yer might may the King be blythe; i’ yer ain heal-ha’din how blythe may he be.
2A’#Ps 20:4, 5 his heart could seek, ye hae wair’d on himsel; till the bidden o’ his lips ye ne’er said na: Selah.
3For his thoughts ye o’er-gang wi’ gifts o’ gude; ye hae rax’t on his head a crown o’ gowd.
4Till#Ps 61:5, 6 live, was a’ he sought frae thee; lee-lang#2 Sam 7:19; Ps 91:16 days ye hae wair’d on him, for evir an’ ay.
5Sae gran ’s his gudeliheid i’ thy gude-gree; laud an’ lawtie baith ye hae even’d on his head.
6Blythe-biddens for ay ye hae ettled on him; fu’#Ps 45:7 blythe hae ye made him wi’ the blink o’ yer ee.
7For the King lippens a’ till the Lord; an’ by the nieborlie gree o’ the Heighest, he sal ne’er be steer’d awa.
8Yer han’ sal light on a’ yer ill-willers; yer right han’ sal light on yer ill-willers a’.
9Wi’#Mal 4:1 a glint ye sal mak them as het as ane oon:#21:9 Heb. ye sal mak them like ane oon o’ lowe, i’ the time o’ yer leuk. the Lord in his wuth sal lat them owre; an’ the lowe itsel sal mak snacks o’ them.#Ps 18:8
10Their outcome frae yirth ye sal wear awa;#Job 18:16, 19; Ps 37:28; 109:13; Isaiah 14:20 an’ their seed frae ’mang bairns o’ the yird.
11For they rax’t themsels out again thee; they ettled mischieff, they could ne’er mak-guid.
12For ye claught them ahin wi’ yer thets;#21:12 or, ye dang them roun on the shouthirs. an’ afore, ye war ready till ding.
13Heigh, heigh, O Lord, i’ yer ain might; lat’s lilt an’ sing sangs till yer mightiness.
S'ha seleccionat:
Psalms 21: SCOWAD
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
Published as The Psalms: frae Hebrew intil Scottis in 1871.