JONAH 4
4
Jonah Ih Thinhennak Le Pathian Ih Zaangfahnak
1Cutikah Jonah cu a lung a awi lo ngaingai; a thin tla a hengzet ih, 2Bawipa ih hnenah hiti in thla a cam, “Maw Bawipa, himi a si kan ram ih ka rak um lai ihsin ka phanmi cu! Hi ruangah a si a hlankhan in Tarshish khua ih tlan ka rak tumnak cu! Nang cu zaangfah thiam le lainat thiam Pathian, thinsaumi le a hmunmi duhdawtnak neitu Pathian, mi siatsuah a tum hmanah a sir-aw sal ṭheutu Pathian na si ti ka thei. 3Maw Bawipa, ka nunnak hi la hram aw; nun hnakin thih ka duh sawn,” tiah a ti.
4Cutikah Bawipa in, “Hitiih na thin a heng hi a dik na ti maw si?” tiah a ti.
5Jonah cu khawsung ihsin a suak ih nisuahnak lamah a feh hnuah cunah a to. Cule a hrangah sawlhnah in deuthlam a sak ih Nineveh khua parah ziang a ra thleng ding ti zoh tum in deuthlam hnuai ah a to.
6 Bawipa Pathian in uum a khoter ih Jonah phentu dingah le a harnak nuamter deuh dingah a tlun ah a zaamter. Cutikah uum ruangah Jonah cu a lung a awi ngaingai. 7Asinain a thaizing zingpit ah Pathian in uumhri cu sunhrul a eiter ih a vuai ṭheh. 8Ni a hung suah tikah Pathian in nisuahnak lam thlisa a hranter. Cule ni in Jonah lu a em ruangah Jonah cu a lung a mit ih a sawn cuahco. Jonah cun thih a dil ih, “Nun hnakin thih ka duh sawn,” tiah a ti.
9Cutikah Pathian in Jonah hnenah, “Uum ruangah hiti ih na thin a heng hi a dik na ti maw si?” tiah a sut.
Jonah cun, “Thih ngam in ka thin a heng hi ka dik ko a si!” tiah a ti.
10Cutikah Bawipa in, “Zan khat sungah a kho ih zan khat sungih a vuai ṭheh salmi, na phun lomi le na tuh lomi, uum hri hrangah zaangfahnak na nei. 11Cuti a si ahcun hi a nasa zetmi Nineveh khua, kehlam kut le vorhlam kut hman a thleidang thiam hrih lotu minung thawng zakhat le thawngkul umnak le ṭilva tla siar cawk lo umnak khua hi zaangfah lo in maw ka um ding?” tiah a ti.
S'ha seleccionat:
JONAH 4: FCL
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Falam Bible Revision © Bible Society of Myanmar, 2002.