JONAH 2
2
Jonah Thlacamnak
1Jonah cun ngapi pum sung ihsin Bawipa a Pathian hnenah thla a cam:
2“Ka vansaannak sungin Bawipa cu
ka ko ih amah in i thei.
Mithi khua ihsin bomnak ka dil,
Ka aunak cu i thei zo.
3Nangmah in tipi thuuk sungah
i hlon,
Tipi laifang tawne ahcun!
Tilik in in khuh;
Na tilet le na thlisia pawl cu
Ka par ihsin an liam vivo.
4Na mithmuh ihsin dawimi ka si ih
Na Biakinn thianghlim cu ka hmu
nawn lo ding, tiah ka ruat.
5Ka kiangih tidai pawl cun ka
thaw in phit;
In khuh ṭheh, tipithuanthum cun!
Tisung hrampi in ka lu in tuam.
6Tlang saangpi hram ahcun
ka pil vivo;
Kotkhar in kumkhua ih hrennak
ram ahcun!
Asinain maw Bawipa ka Pathian,
Khur sung ihsin ka nunnak cu
na suah.
7Ka nunnak cu ka sungih a cem
cuahco tikah,
Bawipa cu ka hun mang sal.
Ka thlacamnak na hnenah a thleng,
Na Biakinn thianghlim
sungah cun.
8Santlai lo milem a biatu pawl cun
Pathian zaangfahnak an tlansan.
9Sikhalsehla kei cun na hnenah
lungawinak hla thawn thawinak
ka lo pe ding.
Ka thukammi cu ka kimter ding,
Rundamnak cu Bawipa ih hnen
ihsin a ra,” tiah a ti.
10Cule Bawipa in ngapi a fial ih Jonah cu leilung parah a luak sal a si.
S'ha seleccionat:
JONAH 2: FCL
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Falam Bible Revision © Bible Society of Myanmar, 2002.