1 Korintiye 16
16
Həmtə gə myee da Həmɨnpwa
1Gəngnə a nə byelə həmtə, a wule taa mya pedən gə myee da Həmɨnpwa 'ye a vor njiya Yawudiya, hwuna ɗa ɓətɨ na gɨra ji-kotte a njiya Galatiya. 2A nagi ndo fərə hiwti, nagi ndo ma a kəpdə taa həmtɨ dan ɓətɨ Həmɨnpwa a vən, gə fəra na shi hakəwnə də ɓe myaa tiya pedə taa həmtə a fərəngɨn. 3Nagi goɗi na tɨla kat, hɨn ɓa və myee hwuna mwakarən a nggɨltɨrən malɨmye ka taa həmtɨ dəwnə təna zəkan a Urshelima. 4Anda mgban hɨn niyə ɓə wula na wudə, hin ɓa kpapə kat a zə.
Nyitta Bulus
5Anda hɨn koɗə dɨ Masɨdoniya, hɨn ɓa pɨrə a tɨlə hakəwnə, gələ dɨ Masɨdoniya hɨn ɓa koɗə. 6Anda hɨn zə hakəwnə, ndəng mgban na nza hakəwnə a jengə ɓoole, gə fəra na maggə hakəwnə ɓa pɨrə a haa, hwuna gwadi a vor omotɨ de. 7Hɨn taa mwi atɨ na zə a nəwnə a pɨrə nə pwa, mwoshinə atɨ na nza a ɓongə hakəwnə, ka mwota Həmɨnpwa. 8Shezə hɨn ɓa pɨrə humwa ka nzatə a vor vɨra Afisus a tɨlə fərə sɨlangsətɨ Pentikos, 9gəkɨlə kaɓa kwatɨfə lyentə nee də mya wune awan bwang, nagiya myee dɨ kanggi nə də hananang.
10Anda Timoti zə hakəwnə, hwuna lurən pepe a ndukodən, a fukadən gə lyenta Həmɨmiye nə nda dɨ ɗa ɓətɨ na dɨ ɗa. 11Gə-angɨn ɓe ama aa ushirən. Hwuna lɨkadən a vor ɗoltə gə nda pɨra a tɨla a hake ka mbiɗiti ji-nuwote nda dɨ kpapa kaarən.
12A nə le da nduwongəm Apolos, hɨn nyisən kɨr-kɨr, atɨ nda koɗə mbiɗitɨ ji-nuwotə a zə hakəwnə, kat ka angɨn ndaa mwo zətə ɓəgəng. Hɨn leyə atɨ ndi ɓa zə ndi kana ɗɨm humwatə.
13Bəmdə myensəwnə, kɨsəm mwadiyale dəwnə kərəng-kərəng, ka gbənzɨmtə ɓətɨya kana morye a gə. Kangəm dwat. 14Hwuna ɗa nagi ndo sə ka mwoha.
15Hwun leyə atɨ mi hwoda Stefanas nə tiya por-njiya mɨna gəə ji-kotti a vor bətɨ njiya Akaya kat, təna vədə nəngrən gə lyenta Həmɨnpwa gə təna gwadə myee da Həmɨnpwa. Ji-nuwo, hɨnə dɨ nyisəwnə 16hwuna vədə nəngəwnə a haka wule mingɨn ka nagi ndo ma a pɨrə vor ɗa lyentɨnə ka ɗa kɨsawne twai. 17Hanɨnyi ka tɨlata Stefanas ka Fotunatus ka Akayikus gəkɨlə təna pɨrə duɓongəwnə a ɗa lyente hwun ɓa nda gwadi ka ɗasə. 18Shisərən a gwadi na piya, tən piyadəwnə mgban, gə ləngɨn wule myee ɓətɨ 'ye hwuna fukadərən.
Wunakaha kpawtə
19Ji-kottə a vor Asiya nee dɨ wunakəwnə. Tən yə Akila ka Bɨriskila ka ji-kotte dɨ ɗa hiwtə a hwodarən nee dɨ wunakəwnə pepe gə le da Həmɨmiye. 20Ji-nuwotə kat nə dɨ wunakəwnə. Hwuna wanakasə ka kpɨripsətɨ mwoha ɗəmɗəme.
21Hɨn Bulus, hinə ka nəna dor wunakahanə.
22Anda ma nə də aawa mwo Həmɨmiye Yesu, mye hiwdən. Zə wa kwe, Həmɨmiye.
23Maa wuladəha da Həmɨmiye Yesu a nza ɓwaa kəwnə kat.
24Hɨnə dɨ mworəwnə kat gə le da Yesu Ma Həmɨnpwa a Yaɓwarən. Amin.
S'ha seleccionat:
1 Korintiye 16: bcy
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.