पारकास 4
4
टोनालोग्ङिना निमापुमा
1हिट्नुङ्ना टाङ्बाङा आङा आरको खाले निमापुमा याङ्निमेट्टे॥ टोनालोग्ङि ठिक् ढुवारिक् ओङ्साना आङा निसुङे॥ हिट्नुङ् आङा पाइले खेम्सुङ्ना धुटुरिबाङाना ओसोरा मुक्टाना गाड्डेना सोरा डोक् फेरि खेम्सुङे॥ हिट्नाँ नाड्डे याङ्लोडे, “नेहि नाट्टो काडा, हिट्नुङ् हाट्ले आङा खान्लाउङ्सा हान्डेङ् लियुगेट्ना रिङ् निमेट्नाँ॥” 2हिट्नुङ् हिट्ना बेला डोक् सेङ्सेङ्ना हाङ्साङा याङ्इप्टे, हिट्नुङ् टोनालोग्ङि ठिक् सिङासान् लिसाना निसुङे हिट्नुङ् हिट्नि ठिबाङ् कोइ युङेसाना निसुङे॥ 3हिट्नि कायुङ्बाउम्बाक् आड्डिक् ओम्साना मोति हिट्नुङ् रुबि गाड्डे डोक् निङ्साना डाना॥ हिट्नुङ् सिङासान् याम्बा-नाआम्बा पिङ्ना राङ्गाङाना माहाङ्गो पात्थार गाड्डे ओम्साना फारकान्जा डाना॥ 4हिट्ना सिङासान् याम्बा-नाआम्बा आरु चौबिस ओटा सिङासान् ओडागा, हिट्नुङ् हिट्नि उन्चि टेहेक्ङि साम्मेङ्ङाना मुकुट् हिट्नुङ् फुट्ना लोट्लिङ् ओवाडुएसुगा चौबिस जाना ओठेडोङ्चि उयुङेसागा आङा निसुङे॥ 5हिट्नुङ् हिट्ना सिङासान्लाम् बिजुलि गाड्डे ओम्साना, हिट्नुङ् हिट्निलाम् टाङ्साङ् मुक्ना घुरुङ्बा गाड्डे मुक्टाना सोरा होन्डाना डाना॥ सिङासान् ओटोकानाङि सि टेप्मा कुपिचि ओहाट्टेट्टागा, नाम्बाक् माङ्हाङ्ङाना सि ओटा ओहाङ्सा ए॥#पारस्थान १९:१६; पारकास ८:५; ११:१९; १६:१८; इजिकिएल १:१३; पारकास १:१४; जाकारिया ४:२ 6हिट्ना सिङासान् ओटोकानाङि सिसाङा चोक्बालाक् पारचिन्दा ठेट्टाना सामुन्दरा गाड्डेना डाना॥
हिट्नुङ् सिङासान् याम्बा-नाआम्बा टेम्बोक् टेप्मा उहिङ्ग्वाट् जिवाट्चि ओडागा॥ हिट्नागा सोब्बेङागा आगाडि हिट्नुङ् एङ्स्वालेङ् उन्चि येम्टेप् मिक् ए मिक्ङा इप्टुएसुना॥ 7हिट्नुङ् पाइलेना उहिङ्ग्वाट् जिवाट्म्बाक् किबा गाड्डे निङ्साना, दोस्रोम्बाक् गोरु गाड्डे निङ्साना, तेस्रो जिवाट्ङाना ओनाभाक्बाक् याप्मि गाड्डे निङ्साना, हिट्नुङ् चौंथोम्बाक् पेयागेट्टाना माङ्ग्वा गाड्डे निङ्साना डाना॥#इजिकिएल १:२२; १:५-१०; १०:१४ 8हिट्नागा टेम्बोक् उहिङ्ग्वाट् जिवाट्चिगा ङा-ङा ओटा उन्चि लाप्टाङ् ओडागा॥ हिट्नागाँगा उन्चि येम्टेप् उन्चि मिक् ए मिक् डाना, उन्चि लाप्टाङ् उछिक्ङि चा उन्चि मिक् डाना॥ हिट्नागा लेन्सेन् नाड्डे उपिगाउङ् छाम् ओलोसायाक्टागा डागा,
“सोब्बे नुङ्ना माङ्बोल्लेउ माङ्हाङ् टाङ्बा सेङ्सेङ्ना, उन् सेङ्सेङ्ना, उन् सेङ्सेङ्ना॥
उन् उटुम्लाम् डोक् डाना, हाट्ले चा वाहेट्, हिट्नुङ् उन् सोरोक् लियुयाक्युक्॥”#इजिकिएल १:१८; १०:१२; यासैया ६:२-३
9-10हिट्नुङ् हिट्नागा टेम्बोक् उहिङ्ग्वाट् जिवाट्चिङा सिङासान्ङि युङाउङ् सासान् काचोक् माहिमा, मान् हिट्नुङ् पोए-पोए उपिडुए॥ सोरोक् लियुयाक्ना उन् एना ए॥ हिट्नुङ् जब हिट्नागाँ हिड्डे ओचोगुए, हिट्नागा चौबिस जाना ओठेडोङ्चिङा सिङासान्ङि युङाउङ् सासान् काचोक् सोरि उन्चि टेहेक् गुङ् ओचोगुए, हिट्नुङ् उन्ङाना माङ्ध्यान् ओचोगुए॥ हिट्नागाँ उन्चि मुकुट् सिङासान् सोरि उयुङ्सुङ् नाड्डे ओमाट्टुए,
11“हाउ आनि माङ्हाङ् टाङ्बा,
खान् एडोक् माङ्ध्यान् हिट्नुङ् मान् चोक्मा माखान्ना,
खान्लोक् एडोक् माङ्ठेना बोल् युङ्ग्वा,
पोङ्भोने खान्ङा डोक् सोब्बे थोक् सिरिस्टि आचोगुए,
हिट्नुङ् कानिङ्ग्वालाम्मा डोक् हिट्नागा उलिसे, हिट्नुङ् हिट्नागा चोला आपिडुचे॥”#इजिकिएल १:१८; १०:१२; यासैया ६:२-३
© 2023, Wycliffe Bible Translators, Inc. and Nepal Bible Society