हिब्रु 3
3
मोसा नुङ्ना येसु माङ्ठेना ए
1हिट्नाड्डेउङ् मायालु भुम्भु-झान्झाचि हिट्नुङ् आनो-आन्झाचि, खानि माङ्हाङ्ङा मासेगिगा याप्मिचि हिट्नुङ् टोनालोग्ङिना ओभागा काटोक्चि ए, माङ्हाङ्ङाना खाबोर कालो हिट्नुङ् सानिङ्डाङ्बा नुङ् लाडुम्ना येसुङि आनि निङ्ग्वा पिडुम्॥ 2मोसा माङ्हाङ्ङाना ख्वाप्पा ओपाङ्ङि#३:२ नाहि पाङ्ङाना बारेङि माप्बालाक् रिङ्ङाम्बाक् पोद २, ३ हिट्नुङ् ६ ङा माङ्हाङ् ओयाप्मिचि बारेङि माट्टुटु॥ सेवा चोक्माना रिङ्ङि बिस्वासिलो डाना, हिड्डे डोक् येसु चा उन् सेगुना माङ्हाङ्ङि बिस्वासिलो डाना॥#गान्ति १२:७ 3पाङ् नुङ्ना पाङ् काचोक्बाङाना उनिङ् टो लिसि गाड्डे मोसा नुङ्ना येसुङाना चा आड्डिक् याप्मा उनिङ् टो लिसेसे॥ 4पोङ्भोने खोना चा पाङ् कोइना कोइ याप्मिलाम्मा ओचोगुना लियुक्, टरो सोब्बे थोक् काचोक्बाउम्टे माङ्हाङ् डोक् ए॥ 5मोसाङा माङ्हाङ्ङाना उपाङ्ङिगा ख्वाप्पा ओयाप्मिचि लाउङ्सा बिस्वासिलो चाकार गाड्डे डोक् टोॽवा चोगुए, हिट्नुङ् हान्डेङ् माङ्हाङ्ङा माप्मा कोलुना रिङ्ङाना बारेङि मोसाङा साँचि पिडुए॥ 6टरो खिरिस्टउम्बाक् माङ्हाङ् उपाङ्ङिगा ख्वाप्पा ओयाप्मिचिङा हाक् टोगुना उइछा गाड्डे डोक् बिस्वासिलो ए॥ हिट्नुङ् आनि खिरिस्टङि सोरोक् बिस्वास चोगुमुङ् आनि आसा युङ्सुम् याक्टुम्टुम्मे भोने, आनि चा माङ्हाङ् ओपाङ्ङिगा ओयाप्मिचि ए॥
माङ्हाङ् ओयाप्मिचि लाउङ्सा आराम चोक्माना बारे
7हिड्नाड्डेउङ् सेङ्सेङ्ना हाङ्साङा माट्टुटु,
“हाट्ले खानिङा माङ्हाङ्ङा ओसोर आखेम्सुम्मे भोने,
8साक्चा उयुङ्निना डेन्ङि इस्राइलि याप्मिचिङा माङ्हाङ् बिरोध ओचोगुङ् जाँच ओचोगु गाड्डे
खानि निङ्ग्वा काठोर चोक्नेनुम्॥
9हिट्नुङ् हिट्नि खानिगा टुबाठेबाचिङा चालिस बारखा टेप्मा आङा चोगुङ्ना टोॽवा उनिसु चा,
आङा बिरोध याङ्ओचोगे हिट्नुङ् आनिङ्ग्वा ओकोलुए॥
10हिड्डेउङ् हिट्नागा याप्मिचिलोक् आयाक्लेडे हिट्नुङ् आङा नाड्डे लोडुङ्चिङे,
‘नागा याप्मिचि सोरोक् उन्चि निङ्ग्वाङा उमिट्टुगालेङ् एडोक् ओलाम्टिगा॥
हिट्नागाँ आङा लोडुङ्चिङ्गा रिङ् ओखेम्सुन्गा॥’
11नाड्डेउङ् आयाक्लेडाउङ् चामारसिङा चाङुङ् माट्टुङ्ङे,
‘हिट्नागा खोना बेला चा आङाना युङ्माना डेन्ङि लिक्मा पिनिङ्चिङ्गा॥’”#छाम्लोमा छाप्ला ९५:७-११
12आम्भु-आन्झाचि हिट्नुङ् आनो-आन्झोचि, ओछेक्छेक् लिसानिउङ् युङानि॥ खानिङि लिसाना ओचाफेन्ना निङ्ग्वा हिट्नुङ् आबिस्वासङा उहिङ्ग्वाट् माङ्हाङ्लाम्मा लाप्माङ् माखाट्टिन्चा॥ 13टरो जब सोम्मा “हाट्ले” नुङ् माप्बालाक् रिङ् लियुक् हिट्ना बेला सोम्मा लेन्सेन् ठिबाङ्ङा आरको आँट् पिडानुम्चिम्, नाड्डेउङ् खानि पापङाना वारिक्ङि आठाइन्गा हिट्नुङ् खानि निङ्ग्वाङा माङ्हाङ् इन्कार चोगुन्ना॥ 14नाड्डेउङ् पाइले आनि उन्ङि बिस्वास चोगुम् गाड्डे आखेरि सोम्मा आनि चोलाङि बिस्वास जोगाँ चोगुम्याक्टुम्टुम् भोने, आनि खिरिस्टलोक् एक्केउ हाक्दार लिसिटि॥ 15धारमाछाप्लाङि नाड्डे छेप्टेसे,
“हाट्ले खानिङा माङ्हाङ्ङा ओसोर आखेम्सुम्मे भोने,
इस्राइलि याप्मिचिङा माङ्हाङ् बिरोध ओचोगु गाड्डे खानि निङ्ग्वा काठोर चोक्नेनुम्॥”#छाम्लोमा छाप्ला ९५:७-८
16माङ्हाङ्ङाना उरिङ् ओखेम्सुङ् चा उन्ङाना बिरोध काचोक्चि साइगा? पाक् मोसाङा मिस्रा देसलाम्मा होट्टुचिउङ् टाडुचिगा याप्मिचिङा डोक् माखाइ टे? 17माङ्हाङ् साक्लोक् चालिस बारखा सोम्मा ओयाक्लेडेना? पाक् साक्चा उयुङ्निना डेन्ङि फ्याङ् जाखाम् उलिसागा पाप काचोक् याप्मिचिलोक् माखाक् इ टे? 18हिट्नुङ् माङ्हाङ्ङा आङाना आराम चोक्माना डेन्ङि लिग्मा आटोग्निम्गा नुङ् साक्लोक् चामारसिङा चोगुएना टे? पाक् उन्ङाना रिङ् ओखेम्सुन्गा याप्मिचिलोक् माखाइ टे? 19नाड्डेउङ् हिट्नागाँ माङ्हाङ्ङा लोडुचिगा रिङ् बिस्वास ओचोग्वाट्टुन् नुङ् हिट्नागा आराम चोक्माना ठोङ्ङि लिग्मा ओटोग्वाट्टुन्ना रिङ् आनि निसुम्टुम्॥
© 2023, Wycliffe Bible Translators, Inc. and Nepal Bible Society