हिब्रु 2
2
मुक्टिङाना बारे
1हिट्नाड्डेउङ् छेम्बाना रिङ् बारेङि आनि जे खेम्सुएसुम्मे हिट्ना आझै नुलोक् निङ्ग्वा पिडुमुङ् खेम्मा कोन्युक्, हिट्नुङ् एरोक् आनि हिट्नालाम्मा खोनालेङ् चा नोक्टिन्गा॥ 2पोङ्भोने माङ्हाङ् रिङ् काउग्बाचिङा पारचार ओचोगुना रिङ् छेम्बाना डाना#२:२ ना धारमाबिधि इस्राइलिचि माङ्हाङ्ङा सिनै झोन्झोबोङि पिडुचे॥, हिट्नुङ् माङ्हाङ्ङा गाल्ति ओचोग्गा हिट्नुङ् आग्याँ पालान् ओचोगुन्गालाउङ्सा हिट्नागाँ टोक्माना साजाए ख्वाप्पा लाउङ्सा पिडुचे॥ 3नाड्डेउङ् नाटेप्मा औधि ठेना मुक्टि आनि इन्कार चोगुम्टुम् भोने, खोड्डेउङ् साजाए टोक्मालाम्मा आनि हिङिटिगा टे? ना मुक्टिङाना बारेङि टाङ्बा येसु आप्पेङा डोक् पाइले पारचार चोगुए, हिट्नुङ् ना रिङ् काखेम्बाचिङा ना छेम्बाना ए नुङ् आनिलाउङ्सा पारमान् याप्मि उपिडे॥ 4माङ्हाङ् आप्पेङा सोब्बे पारिग्गा साक्तिङागा डोङ् ठोङ्डिगा टोॽवाचि हिट्नुङ् चिन्नाचि चोगुङ् उन्ङाना खाबोर छेम्बाना डाना नुङ् साँचि पिडुए॥ हिट्नुङ् उन्ङा उनिङ्ग्वाङा सेगुचिगा जुन् चा सेङ्सेङ्ना हाङ्साङाना बारदानचि पिडुचे॥
काहिङ्मेप्बा डाङ्बा बारे
5आनि माट्टुम्गेट्टुम्ना टायुगेट्ना नारा माङ्हाङ् रिङ् काउग्बाचिगा आधिन्ङि माङ्हाङ्ङा पिडुन्चिन्गा नुङ् आनि लाउङ्सा ठाहा युङ्ग्वा॥ 6धारमाछाप्लाङि ठिक् ठोङ्ङि नाड्डे चा छेप्टेसे,
“याप्मि साइना हिट्नुङ् पोङ् खान्ङा यान्दा आचोगुटुना?
आथाबा याप्मिङाना उइछा साइना, हिट्नुङ् खान्ङा हिट्नाङाना फिक्रि आचोगुटुना?
7खान्ङा छोप्मोङ् बेला लोङ्सा याप्मि माङ्हाङ् रिङ् काउग्बाचि नुङ्ना उछिक्ङि आयुङ्सुए॥
हिट्नुङ् खान्ङा याप्मिचि माहिमा हिट्नुङ् मान्ङाना मुकुट् आमेट्टुचे,
8हिट्नुङ् खान्ङा सोब्बे थोक् याप्मिचिगा आधिन्ङि आपिडुचे॥”#छाम्लोमा छाप्ला ८:४-६
माङ्हाङ्ङा सोब्बे थोक् याप्मिङाना ओआधिन्ङि युङ्सुए॥ याप्मिङाना ओआधिन्ङि उलिसागा खोना थोक् चा ओवाइगा॥ टरो हाट्ले सोब्बे थोक् याप्मिङाना ओआधिन्ङि उलिसागा निनिम्ना॥ 9टरो छोप्मोङ् लाउङ्सा माङ्हाङ्ङा येसु माङ्हाङ् रिङ् काउग्बाचि नुङ्ना खाट्टिउना चोगुना रिङ् आनि ठाहा टोगुम्टुम्॥#२:९ ना रिङ्ङाम्बाक् येसु नाराङि उङ्साना रिङ् माट्टुटु॥ माङ्हाङ्ङाना ओमायादायाङा उन् सोब्बे याप्मिचि लाउङ्सा सिए, हिट्डेउङ् माङ्हाङ्ङा उन् माहिमा लोक् मान् टोगुम्ना मुकुट् मेट्टुए॥ 10सोब्बे थोक् माङ्हाङ्ङाना डोक्, हिट्नुङ् सोब्बे थोक् उन्ङाना ओबोललाम्मा लिसाना ए॥ हिड्डेउङ् माङ्हाङ्ङा येसु याङ्छामालाम्मा डोक् सिद्दा चोगुए॥ हिट्नाड्डेउङ् येसु याप्मा उन्ङाना ओयाप्मिचि लोङ्सा मुक्टि कापिबा लिसे हिट्नुङ् माङ्हाङ्ङा उन्ङाना माहिमाङाना ओभागा टोग्माना हिट्नागा चोगुचे॥
11हाट्ले येसुङा सेङ्सेङ् चोगुचिगा याप्मिचि हिट्नुङ् सेङ्सेङ् उलिसागा याप्मिचि सोब्बेङाना ठिक्ए पाबा ए॥ नाड्डेउङ् येसुङा हिट्नागा सोब्बेलाउङ्सा आम्भु-आन्झाचि हिट्नुङ् आनो-आन्झाचि नुङ् लोमा मोन्निसिनिना॥ 12उन्ङा माङ्हाङ् लोडुटु,
“आङा आम्भु-आन्झा हिट्नुङ् आनो-आन्झाचिलाउङ्सा कानिङ् खेम्मेट्टुङ्चिङ्चिङ्,
हिट्नुङ् उछुमागा याप्मिचि माझाङि आङा कानिङ् टो-टो चोन्डुङ्टुङ्॥”#छाम्लोमा छाप्ला २२:२२
13फेरि उन्ङा माट्टुटु,
“आङा माङ्हाङ्ङि डोक् भोरोसा युङ्सुङ्टुङ्॥”#यासैया ८:१७
हिट्नुङ् फेरि माट्टुटु,
“पुयानुम्, नेहि आङा माङ्हाङ्ङा याङ्पिडाना ओछालेट्चिलोक् युङ्ङा॥”#यासैया ८:१८
14पोङ्भोने नागा छालेट्चि हेलिक् लोक् साङाना येम् उलिसानाँ येसु चा हिट्नागा गाड्डे डोक् सा लोक् हेलिक् लिसाना याप्मि लिसे॥ हिट्नुङ् येसु सियाउङ् एडोक् आसेड्ना साक्ति लिसाना सैतान जाखाम् चोगुए॥ 15हिट्नाड्डेउङ् लेन्सेन् सिमा कोन्युक् नुङ् उकिट्टाउङ् उयुङागा ख्वाप्पा लाउङ्सा उन्ङा छुट्कारा पिडुचे॥ 16छेम्बा डोक्, येसु माङ्हाङ् रिङ् काउग्बाचि घुवार फामा माखाक्, टरो आब्राहामङाना ओछालेट्चि घुवार फासिङा उङ्साना ए॥ 17हिड्डे लिसाउङ् सोब्बे रिङ्ङि उन् आप्पे उम्भु-उन्झाचि गाड्डे लिमा कोले॥ नाड्डेउङ् माङ्हाङ्ङाना सेवा चोक्माना रिङ्ङि उन् दाया काचोक्बा हिट्नुङ् बिस्वासिलो सानिङ्डाङ्बा लिमाहिना लिसे॥ हिट्नुङ् आनि पाप छेमा पिमाउङ्सा उन् आप्पेङा भोक् चोगुए॥ 18उन् आप्पेङा चा जोम् याङ्छामा आङ्डुए हिट्नुङ् निङ्ग्वा छिक्माङि ठाए, हिड्डेउङ् निङ्ग्वा छिक्माङि ओठायागा लाउङ्सा उन्ङा घुवार फामा हिडुचिचि॥
© 2023, Wycliffe Bible Translators, Inc. and Nepal Bible Society