1 कुरिन्थियो 14
14
भविष्यवाणी एने अन्य अन्य भाषा
1प्रेमान मार्गापुर प्रयत्नशील रीवू, एने आत्मिक वरदानान ईच्छापूर उत्कंठा वागहु, हाज्केरीन बोगवाना फायरीन बोलताला. 2कारण ज्याह दिहीरा भाषातर बोलताला वरदान जुडील हि ते खेरीते माणहाहे-यो नाहं, तर बोगवानाबरोबर वातू केरतीन हि; कारण ताह कूण होमजू शकत नाहं, तो तर आमरा आत्मा गूढ वातू किथी हि. 3पुण तो ज्याह बोगवाना फायरीन बोलणेन वरदान जुडील हि, तो माणहाह आत्मा माय, मजबूत, उत्तेजन, एने शान्ति पोचाडीने बोलीह हि. 4ज्याह जुदाजुदा भाषा माय बोलणेन वरदान जुडील हि, तो तर बोह आपणाच आत्माह सुदृढ करने; पुण ज्याह बोगवाना फायरीन बोलणेन सामर्थ्य जुडील हि, तो आखा कलीसियान आत्मिक रुपान सुदृढ बनवणे. 5ऐवी मारी ईच्छा हि का, तुमूह आखा दिहीरा भाषा माय वातुकेरू पुण ज्याहरीन भी जादा मारी ईच्छा हि का तुमूह भविष्यवाणी केरू: काहाकाय जर दिहरी भाषा बोलणार कलीसियान आत्मिक वाडीन केरीन केरणारा सोडीन दिहीरा भाषान वातू केरणे केरता बोगवाना फायरीन वातू केरावणार मोठू हि.
6हे बायहो, जर मी आवीन दिहीरा भाषातररीन बोलीह रेंय, तर ज्यान वजेसे तुमरो काय हाजो एय जो ताहवोर तुमरीकेरता मी कूण गूढ उद्घाटक, दिव्यज्ञान, बोगवानान भविष्यवक्ता केव्ही कुणीबी शिक्षक ज्यान केह नाहं. 7हे केया तर इही रेहू जोहलो निर्जीव वाद्यांचा आवाज, जर काल्लोबी शील परस्पर अंतर हि तर, कूण केवी काय होथू शकणार कि बासुरी केव्ही सारंगीपुर, काल्ली चाल वाजाळतले रेणा हि. 8एने जर तुरही अस्पष्ट आवाज काढहु, तर ओवतो लेढाई केरता कूण तियार एय? 9इही केरीन कूण दिहरान भाषा माय जेवीवोर तुमूह साफ साफ बोलीह नाहं, ताहउर कूण केवी होमजू शकेल? कि तुमूह काय कियील हि कारण एह्लामाय तुमूह तर बोह हवेस बोलणारा एय जाहू. 10याम कायीच शंका नाहं कि जगामाय जुदाजुदा भाषा गोगल्या जातेह, एने तामाय कुणीबी अर्थ रीथीह नाहं. 11तेभी जेवीवोर मी ता भाषाविषयी मालूम केरुहू नाहं, ताहउर बोलनारामय मी एक बर्बर ओहलो होय तो बोलणार मारकेरीन एक बर्बर ओहलो एय. 12तुमरे पोर जिच वात लागणारच एता कारण तुमूह आत्मिक वरदानोहो मिलवणे केरता धुन हि, केरीन तामाय जुलुम ला प्रयत्न केरू, ज्यान मुळे कलीसियान आत्मिक सुज्ञता प्राप्त एय.
13परिणाम स्वरूपामाय जो दिहीरा भाषाम बोलेहे, ताह प्रार्थना केरणे जुवी कि तो आत्मा माय कियील वातून अर्थ पुण केहू शकणार. 14कारण जर मी कायताहा दिहीरा भाषा माय प्रार्थना केरुहू, तर मारी आत्मा तर प्रार्थना केरतीन हि पुण मारी बुद्धी वाया रेणेन. 15तर ओवतो काय केरणे जुवी? मी आपणो आत्मा माय तर प्रार्थना कोनारू, पुण बरोबर बुद्धीसी पुण प्रार्थना केरुहू; आपणो आत्मा माय तर स्तुती कोनारू पुण आपणो बुद्धीसी पुण तान स्तुती केरुहू. 16कारण जर तू फक्त आपणो आत्मा माय तर आशीर्वाद आपण्यू, पुण ताहारी बोहील माणुह फक्त एखलुज हि; पुण तारो धन्यवाद आमेन कोहलो केनार, कारण जे तू किथी हि ताह तो होमजाडणे नाहं. 17ऐवी देखू तू जर हाजो धन्यवाद आपतेन हि, पुण दिहीरा माणहान तर तान कायीच आत्मिक मजबूत एता नाहं. 18मी बोगवानान धन्यवाद आपथु कि मी तुमूह कियीलतारीन जुदाजुदा भाषा बोलहू शकणे. 19पुण कलीसिया माय काल्लोबी दिहीरा भाषातर दहा हजार शब्द बोलणेन अपेक्षा, आपणो बुद्धीचा वाप्ररने केरीन पाच शब्द वातू हाजो होमजथी म्हणजे दिहीरा पुण शिक्षण आपुह शकणार.
20हे बायहो, आपणो विचाराम सोरो बुद्धी सारकोस एहू मा: पुण वाईट कोय देईल आत्या सोरान होस बोणावीन रीवो, आपणो सोमजीपुण बदल मोठ्ला बोणु. 21व्यवस्था लेखील हि कि, “तान वाप्ररने केरतालून जे दिहिरी भाषा केतेह, तान मूय वाप्ररने केरतीन येतो जे पार्के हेते ताहेऱ्यो केह, पुण तेवी पुण हे मारा होमबोलणार नाहं प्रभु ओहलाच किथी हि.” 22तेभी दिहिरी भाषा बोलणेन वरदान विश्वासी माणहा केरता आकारो हि इही नाहं, तर अविश्वासी माणहा केरता चिन्ह हि; एने बोगवाना फायरीन बोलताला अविश्वासी माणहा केरता नाहं, तर विश्वासी माणहा केरता चिन्ह हि. 23पुण आखीच कलीसिया एक्ठाच एय, एने प्रत्येक जन दिहिरी भाषा माय बोलीह रेंय, तेभी पुण बाहेरिनाला माणहे केव्ही अविश्वासी माय आवीन जाहू तर काय ते तुमूह गांडा केनार नाहं? 24पुण जर प्रत्येक जन बोगवाना फायरीन बोलीह रेंय, एने तो ताहवोर काही जन अविश्वासी केव्ही बाहेरिनाला आवीन जाहू, आखा माणहे जे किथी हि तापोर तानकेरीन न्याय एय नाहं; 25ताहेरया तान मोनाम लिकाईल भेद उगडीन जाहू, तेवी ताहवोर तो हे केनार, “खेरी खेरीच बोगवान तुमरे माय हि” नमन केरीन बोगवानान सेवा केरुहू.
उपासना माय अनुशासन
26“हे बायहो, तर ओवतो काय केरणे जुवी? तुमूह ताहेरया एक्ठाच ऐतेह, तर तुमरे मायरीन कूण जेवण, कूण लिकाडतालु एने कूण आत्मिक रहस्याचे शालूकयके करने कूण काल्लोबी दिहरी भाषा माय बोलीह असतो तर कूण तान अर्थ किथे. आवो आखा वातू कलीसियान मजबुतीकेरता केरील जुवी. 27जर काल्लोबी दिहीरा भाषाम बोलताला हि तर जाह्खो जादा दुय केव्ही तीन जोहोओ बोलणेन जोवे पाळी पाळी, एक एक केरीन एने जे काही कियील गीया एकजाण तान अर्थ केणेंन जुवी.” 28जर ताहारी अर्थ केरणारे कूण निह एय, तर बोलणार ताहारी कलीसिया ठावको रिजी, एने ओवतो ताह स्वताह बरोबर एने बोगवानाबरोबर बोलणेन जुवी. 29भविष्यवक्ता मायरीन ओहला दुय केव्ही तीन माहु बोलणेन जुवी, एने दिहरान जुवी कि काही तास कियील हि ते तान पारख केरुहू. 30जर ताहारी बहीतरोलो काल्लोबी वातून लिकाईल सुरुवात एता रेंय तर बोगवाना फायरीन बोलणारा पेल्ला वक्त्याला ठावको एयन जाणेन जुवी. 31कारण तुमूह एक एक केरीन भविष्यवाणी केर सकतेह, काहाकाय आखा हि कि एने आखाह शान्ति जुडी. 32भविष्यवक्ताचे आत्मा भविष्यवक्तान काबुमाय रेणेन. 33कारण बोगवान गाडायकेरता नाहं, शान्ति आपथु, जोहलो पवित्र माणहा, कलीसिया माय ऐतेह. 34स्त्रियांना जुवी कि ते कलीसिया माय टाकु रिजी कारण ताह बोलणेन परिनानगी नाहं, पुण जोहलो कि व्यवस्था माय पुण कियील हि तास आपणो मर्यादेत रेणेन जुवी. 35जर ताह काही मालूम केरुहू हि तर तास घेरामाय आप आपणाह एदम्याह फुसनेनकेरता जुवी कारण बोहीनकेरिन हे होबा आपतेन नाहं कि ती कलीसिया माय केह. 36काय बोगवानान वचन तुमरो फायरीन निर्माण एय गीयो? केव्ही ते मात्र तुमाजागेजा पोचेल? खेरी खेरीच नाहं.
37जर कूण विचार करने कि तो भविष्यवक्ता हि म्हणजे ता आत्मिक वरदान जुडील हि ताह ओलखिन लेणेन जुवी कि मी तुमूह जे काही लेखत्लू हेते ते प्रभुन आज्ञा हेते. 38जर कूण ज्याह ओळखतेह नाहं तर ताह पुण ओलखिल जाहू नाहं.
39तान केरता हे मारो बायहो, बोगवाना फायरीन बोलणेन तत्पर रीवू एने दिहीरा भाषा माय बोलणेन पुण थोबविण मा. 40पुण आखा वातू योग्य प्रकारे एने व्यवस्था नुसार केरील गीयी जुवी.
S'ha seleccionat:
1 कुरिन्थियो 14: NLXNT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.