1 कुरिन्थियो 13
13
प्रेम आखामरीन हाजो मार्ग
1जर मी माणुह एने स्वर्गदूतान भाषा केह एने प्रेम केरूह नाह, तर मी ठणठण केरणार पितलो, एने झनझनारी छाज हि. 2एने जर मी भविष्यवाणी केरुहू, एने आखो राज एने आखा प्रकारान ज्ञानाह समजी, एने माहु न्याओर पुरो विश्वास हि कि मी डोंगराह हेरकावू पुण प्रेम केरुहू नाहं, तर मी कायीच नाहं. 3जर मी आपणी आखा संपती गारीबांह आपील आपण्यू केव्ही आपणा शरीर जुडणेकेरिन आपील आपण्यू, एने प्रेम केरुहू नाहं, तर माहु कायीच फायदा नाहं.
4प्रेम धीर देरणारे हि, एने कृपाळू हि, प्रेम कुयराये केरतीन नाहं; प्रेम आपणी प्रशंसा केरतीन नाहं, एने फुगणे नाहं, 5तो अधर्मने चालीह नाहं, एने वाईट ला ईच्छा केरतीन नाहं, एने राग लागी नाहं, एने वाईट मानत नाहं, 6अधर्मने कामांन आनंद एता नाहं, पुण सत्याने आनंदित एतो. 7तो आख्यू वातू सहन केर लेणे, आख्यू वातू पुर विश्वास करने, आखी वातून आशा मेल्ने, आखी वातू माय धीर देरणे.
8प्रेम काहा हि रद्द एता नाहं; भविष्यवाणी रेंय, तर निवरीन जाहू, भाषा रेंय तर निकलीन जाहू; ज्ञान रेंय, तर समाप्त एय जाहू. 9कारण आमरा ज्ञान आर्दो हि, एने आमरी भविष्यवाणी पुण आर्दो हि; 10पुण ताहेरया आखा सिद्ध आवूह तर आर्दो नष्ट एय जाहू. 11ताहेरया मी सोरो एतो, तेवी सोरान होस बोलीह एतो, सोरासारखू मोन एता, सोरानगीत समझ एता; पुण ताहेरया मी डावालु एनो तर सोराह वातू किन आपील. 12ऐवी आमूह आरसामाय साफ दिसत नाहं, पुण तीबोखे सामने सामने देखणार सोमजी; मारा ज्ञान आर्दो हि, पुण ता टाइम इही पुरो पणे ओलखु, तोहोलोज मी ओलखिल गीयो हि. 13पुण ऐवी विश्वास, आशा, प्रेम आवो तीन वातूह रीन हेते पुण आवो आखा मायरीन प्रेम मोठा हि.
S'ha seleccionat:
1 कुरिन्थियो 13: NLXNT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.