'Olic 149
149
O Sapahmek a Radiw
1Haliluya!
Karomadiw to fa^lohay a radiw a pahmek to Tapang,
pahmeken Cingra i kasa'opoan no so'linay ko faloco' a finawlan Ningra.
2Kamo o Israil, kahmek a miharateng to misanga'ay a Tapang namo.
Kamo o wawa no Cion, kalipahak a miharateng to hongti namo.
3Kasakro kamo a pahmek to ngangan Ningra.
Pikongkong to tayko a midatok a pahmek i Cingraan.
4Maolah ko Tapang to finawlan Ningra,
paflien Ningra to sapakalowid ko po^neray ko faloco' a tamdaw.
5Nanay malipahak ko so'linay ko faloco' a finawlan Ningra tona pakalowid,
nanay misalafii cangra a milkal a romadiw tona pakalowid.
6Nanay milkal cangra a lipahak a pahmek to Kawas.
Mitatoy cangra to matatapalay ko sinang a fonos,
7to sapico'ayaw nangra to 'ada nangra a kasakitakit a mitfoc to finawlan nangra.
8Ta paliten nangra ko hongtingti noya kasakitakit,
paliten nangra to lonayi' ko kakridan noya kasakitakit.
9Ta mado^do nangra ko limo'ot no Kawas a mitfoc to kasakitakit.
O pakalowid no so'linay ko faloco' a finawlan no Kawas konini.
Haliluya!
S'ha seleccionat:
'Olic 149: AMIS2019
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© The Bible Society in Taiwan, 2019