'Olic 148
148
O Pitahidang to Tahaf no Kakarayan a Papipahmek to Kawas
1Haliluya!
Pipahmek kamo nai kakarayan to Tapang.
Kaitira kamo isatakaraway a kakarayan a pahmek to Tapang.
2Kamo o coyocoyoh Ningra, pipahmek kamo Cingraan.
Kamo o sofitafitay Ningra, pipahmek kamo Cingraan.
3Cidalaw, foladaw, pipahmek kamo Cingraan.
Kamo o falatfatay a fo'ifo'is, pipahmek Cingraan.
4Kamo o i fafaeday a kakarakarayan, pipahmek Cingraan.
Kamo o i fafaeday no kakarayan a nanom, pipahmek Cingraan.
5Nanay mipahmek to ngangan no Tapang konini a ma^min.
Nawhani palimo'ot han Ningra i, masanga'to a ma^min ko maamaan.
6Mapastekto Ningra ko kamaro'an no paytmek a tahada'oc,
awaay ko papakafilo a miliyang to limo'ot Ningra.#148.6 Mapastekto ... to limo'ot Ningra -- ano ^ca i, O mida'ocay a limo'ot Ningra ko sapipastek a patanetek i kamaro'an nangra.
7-8Pipahmek kamo nai sra to Tapang.
Kamo o kangic no riyar ato i talolongay no riyar,
o kalapiyat ato 'ikay no so^da ato so^da ato to'em,
o mido^doay to limo'ot a faliyos,
9kamo o tokotokos ato taporoporo,
o losay a kilang ato kilakilangan,
10o 'a'adopen ato pina'orip,
o manafoyay i sra a fao ato ma^feray a 'ayam,
pipahmek kamo a ma^min i Cingraan.
11Kamo o hongtingti ato kasafinawlan ato
wawa no hongtingti ato mikowanay a ma^min
12ato kapah ato kaying ato mato'asay ato ka^mangay,
pipahmek kamo a ma^min i Cingraan.
13Nanay mipahmek cangra a ma^min to ngangan no Tapang.
Deng o ngangan Ningra ko kakangodoan,
mita'lif to kakarayan ko nika tadamaan Ningra.
14Cingra ko sakalomowad no finawlan Ningra,
saka, mipahmek a ma^min i Cingraan ko so'linay ko faloco' a finawlan no Israil ato kaolahan Ningra a finawlan.
Haliluya!
S'ha seleccionat:
'Olic 148: AMIS2019
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© The Bible Society in Taiwan, 2019