'Olic 143
143
O Pitolon a Milongoc to Pipadama
O 'olic ni Tafiti.
1 Tapangaw, nanay tngilenho Iso ko pitolon ako!
Nanay tngilenho Iso ko pitahidang ako a mingitangit i Tisowanan!
O so'linay Kiso, nanay paca'ofen Iso kako,
o mo^celay Kiso, nanay paca'ofen Iso kako.
2Nanay caay pisawkit Kiso i takowanan o matayalay Iso,
nawhani awaay ko caay ka ciraraw a tamdaw i ka'ayaw Iso.
3Mikari'ang ko 'ada ako i takowanan,
lowiden ningra kako.
Rofoen ningra kako i to'manay a pirofoan,
matiyato o halafinayto a mapatayay a tamdaw kako.
4Saka, awaayto ko pafaloco'an ako,
matoledto a mararom ko faloco' ako.
5Miharateng kako to iti:yaayho a dmak,
miharateng kako to nidmakan Iso a ma^min,
misaharaterateng kako to polong no nidmakan Iso a maamaan.
6Pasayra kako i Tisowanan a pakamay a mitolon,
mangalay kako i Tisowanan, matiyato o makdalay a sra a mangalay to 'orad ko faloco' ako.
7 Tapangaw, nanay kalamkamen Iso a paca'of kako,
awaayto ko pafaloco'an ako.
Nanay caay piliyas Kiso a misatalifokil i takowanan,
ano haenen Iso i, matiyato oya matfaday i patay a tamdaw kako.
8Nanay papiharatengen kako to romi'ami'ad toya caay ka falic a olah Iso,
nawhani o miti'eray kako i Tisowanan.
Nanay pahapinangen kako to rarakaten ako a lalan,
nawhani o kacifaloco'an ako Kiso.
9 Tapangaw, milongoc kako to pipa'ading Iso i takowanan,
nanay pa'oripen Iso kako a paliyas nai 'ada ako.
10O Kawas ako Kiso,
nanay pasifana'en kako a maolah a mido^do to nafaloco'an Iso.
Tadanga'ayay ko 'Adingo Iso, nanay kriden kako a parakat to marayasay a lalan.
11 Tapangaw, nanay do^doen Iso ko niktonan Iso a sowal a mipa'orip i takowanan,
o mo^celay Kiso, nanay pa'oripen Iso kako a paliyas nai pades.
12Tona caay ka falic ko olah Iso i takowanan saka,
nanay palasawaden Iso ko 'ada ako.
Nanay tkopen Iso a ma^min koya misamsamay i takowanan a tamdaw,
nawhani o matayalay Iso a tamdaw kako.
S'ha seleccionat:
'Olic 143: AMIS2019
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© The Bible Society in Taiwan, 2019