Versets bíblics populars de 'Olic 143

Comparteix

O Kawas ako Kiso, nanay pasifana'en kako a maolah a mido^do to nafaloco'an Iso. Tadanga'ayay ko 'Adingo Iso, nanay kriden kako a parakat to marayasay a lalan.

Nanay papiharatengen kako to romi'ami'ad toya caay ka falic a olah Iso, nawhani o miti'eray kako i Tisowanan. Nanay pahapinangen kako to rarakaten ako a lalan, nawhani o kacifaloco'an ako Kiso.

TAPANGAW, milongoc kako to pipa'ading Iso i takowanan, nanay pa'oripen Iso kako a paliyas nai 'ada ako.

TAPANGAW, nanay do^doen Iso ko niktonan Iso a sowal a mipa'orip i takowanan, o mo^celay Kiso, nanay pa'oripen Iso kako a paliyas nai pades.

TAPANGAW, nanay tngilenho Iso ko pitolon ako! Nanay tngilenho Iso ko pitahidang ako a mingitangit i Tisowanan! O so'linay Kiso, nanay paca'ofen Iso kako, o mo^celay Kiso, nanay paca'ofen Iso kako.

TAPANGAW, nanay kalamkamen Iso a paca'of kako, awaayto ko pafaloco'an ako. Nanay caay piliyas Kiso a misatalifokil i takowanan, ano haenen Iso i, matiyato oya matfaday i patay a tamdaw kako.

Miharateng kako to iti:yaayho a dmak, miharateng kako to nidmakan Iso a ma^min, misaharaterateng kako to polong no nidmakan Iso a maamaan.