Izai 4
4
1Sa zour la, set fam pou trap enn sel zom e zot pou dir:
“Nou pou tras nou bouse manze e noumem pou rod nou linz.
Selman, les nou zis port to nom.
Sap nou dan dezoner.”
Laglwar bann sirvivan dan Sion
2Sa zour-la, seki LESEGNER pou fer pouse, pou vinn loner ek laglwar bann reskape Izrael. Fri later pou vinn zot fierte ek zot loner. 3Seki pou reste dan Sion, e seki ki pou ankor vivan dan Zerizalem, pou apel zot sin. Zot nom pou ekrir dan liv lavi. 4LESEGNER pou soufle enn divan lazistis e enn divan dife pou lav malpropte bann tifi Sion e netway disan Zerizalem ki finn fane. 5Lerla, gran lazourne, LESEGNER pou anvoy lor tou montagn Sion, e lor so lasanble, enn niaz, enn lafime, enn letinsel dife, enn laflam dan lanwit. Partou kote, laglwar LESEGNER pou enn proteksion. 6So laglwar pou enn latant ki donn lonbraz kan soley bat plin. Li pou vinn enn plas pou kasiet e enn proteksion kont loraz ek lapli.
Kreol Morisien OT Portions © Bible Society of Mauritius, 2020.