Kạhtukko 25
25
Solomonakʼ arhõ sopolhako
1Noa do Solomone roṛakatʼ arhõ bhage sopolha kana.
Jihudạren raj Hiskiạren hoṛko do jogaṛkate
noakoko ol ucạṛletʼa.
2Isor do jãhãnakʼ kathae oko dohoy khan ona do uniyakʼ man kana:
ar rapajko jãhãnakʼ reaṅge ḍunḍhạukateko sodorle khan
ona do onko lạgitʼ man kana.
3Serma cetʼleka usul ar ot cetʼleka khạndrige,
onkage rapajkoakʼ mon hõ baṅ ḍunḍhạukʼa.
4Rupạ khon mạilạ chaṭao ocogme,
enḍekhan sonhar do onate
mońj bhajankoe benao daṛeakʼa.
5Bedhorom kạmiyicʼ do raj samaṅ khon ocogem,
enḍekhan dhorom kạmi hotete uniyakʼ siṅghạson do ṭarhao tahena.
6 #
Luk 14.8-10
Rajakʼ mẽtʼãhã samaṅre apnar do alom sabasikʼa;
ar maraṅ hoṛko talare apnarakʼ ṭhạ̃i do alom teṅgoya;
7ente cetʼ leka laha khonem ńelakatʼ
onkage cetan hudạren hoṛko samaṅre nicạṛokʼ khon
am metamge bhagea, “Nonḍe rakapʼ hijukʼme.”
8Hare phare kacahạrite do alom calakʼa,
ente mucạtʼre am aḍepaseren hoṛ lajaoreye paṛao ocolem khan
unre cetʼem cekaea?
9Am aḍepaseren hoṛko upạrtem mambla lekhan
enḍekhan eṭakʼicʼakʼ oko katha do alom sodora;
10Arem onkae khan ańjomicʼ hoṛ do ame nisṛạumea,
ar amakʼ bodnam do tishõ baṅ cabakʼtama.
11Tak nạpitre roṛakan katha do rupạ cetanre goṛhon
akatʼ sona reakʼ ḍabhako lekana.
12Sona reakʼ pagra se bhage sona reakʼ abhran cetʼleka,
onka kangea ạkilan hoṛkoakʼ nisṛạu katha do.
13Pạtiạricʼ paṭhaona uniren mạlik ṭhen do
irokʼ jokhecʼ reakʼ him leka kanae;
ente okoe uniko kollede uni do uni kisạ̃ṛakʼ jiwiye raṛejtaea.
14Okoe hoṛ dan reakʼ maraṅ maraṅ kathae roṛ
menkhan acʼ do ona bae onkae,
uni do nonkan kuṛhạ ar hoe leka kanae
one onare jãhãn dakʼge bạnukʼ.
15Sombhuri hotete disạm cakʼlaoicʼ doe rạmjạu ocokʼa;
ar mạ̃hir alaṅ do jaṅ hõ jaṅe rạpuda.
16Dumur rasam ńamle khan jạruṛam leka jomme,
bạ̃ṛtim jomle khan dom uchlạu oḍoka.
17Gatemakʼ oṛakʼte ghane ghạṛicʼ do alom calakʼa,
ḍherem calaolen khan uni do bae kusiyama.
18Okoe hoṛ acʼ aḍepaseren hoṛko upạrte eṛe gohae em
uni do lạṛhại mutạk, tarwaṛe ar laser sar lekanae.
19Muhinre bepạtiạran hoṛ cetanre bhorsakʼ do
lewe lewe ḍaṭa ar leḍha jaṅga leka.
20Okoeyakʼ mon bạṛicʼge uni ṭhen okoeye sereń
uni do rabaṅ dinre kicricʼe totʼgiḍikakʼ se ghaore sirkạye duletʼkan
hoṛ lekanae.
21 #
Rom 12.20
Amren bạiri reṅgecʼlere jomakʼ emaeme,
ar tetaṅlere ńũiyakʼ emaeme;
22Entem onka lekhan uniyakʼ bohokʼre seṅgel aṅgram puńjiaea,
ar Probhu Isorge kuṛạiye emama.
23Utạr secʼ reakʼ hoe cetʼleka dakʼe ạguiyetʼ,
onkage cuglikan alaṅ do kurkunḍucʼ mẽtʼãhãe ńelocoya.
24Jhogṛayicʼ maejiu tulucʼ mitʼ oṛakʼre tahen khon
chat reakʼ mitʼ konare eskar tahenge bhagea.
25Tetaṅede kan hoṛ lạgitʼ cetʼleka dakʼ jạruṛa,
onka kangea sạṅgiń disạm khon hijukʼkan bhage sombat do.
26Boḍe akatʼ ḍạḍi ar kharapakʼ jharna leka kanae,
uni dhorom hoṛ okoe do bedhoromicʼ samaṅreye lewekʼkan.
27Ḍher dumur rasa jom do baṅ bhagea;
ar bạ̃ṛti man ńamhõ baṅ bhagea.
28Okoe hoṛ apnarte bae sambṛao daṛeakʼ
uni do pạcri bhit rạputʼ akan nagraha leka kanae.
Santali Bible © Bangladesh Bible Society, 2021.