Numeri 7
7
Ạyurkoakʼ samaṅokʼakʼ
1Oka hilokʼ sekʼwa tạmbuko beretʼ sạtketʼ enhilokʼ Mose do ojokʼ bahalokʼ reakʼ sunumte goṭa tạmbu ar ona reakʼ asbabko Probhu Isor ńutumteye begarkeda. Uni do pinḍ ar ona reakʼ thạri-bạṭiko cetanre ojokʼ bahalokʼ reakʼ sunume dulketʼte onako hõe begarkeda. 2Ona tayom Israelkoren mukhiyạko, metakʼme khũṭren mathako do sandesko ạgukeda. Noko gusṭikoren mathako cetanrege hoṛ lekhako reakʼ bhar do tahẽkana. 3Dan sandes lekate onko do turui goṭecʼ ṭapor sagaṛ ar gelbar goṭen ḍaṅgra Probhu Isor samaṅreko ạguketʼkoa. Onate mimitʼ mukhiyạ secʼ khon mitʼṭenkate ḍaṅgra ar babar hoṛ secʼ khon mitʼṭecʼkate ṭapor sagaṛ em hoyena. Onko do noako ạgukate sekʼwa tạmbu samaṅreko dohokeda.
4Unre Probhu Isor do Moseye metadea, 5“Noko ṭhen khon onako ataṅme jemon ńapamokʼ tạmbu reakʼ kạmire onakom lagao daṛeakʼ. Ar noako do Liwikoakʼ kạmi lekate onkom hạṭińakoa.”
6Onate Mose do onako sagaṛ ar ḍaṅgrako Liwikoe hạṭińatʼkoa. 7Gersonkoakʼ kạmi lekate uni do barea sagaṛ ar ponea ḍaṅgrae ematʼkoa, 8ar Merarikoakʼ kạmi lekate ponea sagaṛ ar irạl goṭen ḍaṅgrae ematʼkoa. Ar noko ńel jutko reakʼ bhar do naekeren hopon Ithamar cetanreye dohokeda. 9Mose do Kohatrenko cetʼge bae ematʼkoa, ente sonotakʼ jinisko reakʼ ńel todarot bhar do onko cetanrege tahẽkana ar onako gokʼ idi reakʼ bhar hõ.
10Ojokʼ bahalokʼ reakʼ sunumte pinḍ reakʼ samaṅokʼakʼ porob ehobokʼ tayom khon mukhiyạko do akoakʼ sandesko ạgukate pinḍ samaṅre dohoyko ehopʼena. 11Probhu Isor do Moseye galmaraoade tahẽkana, “Pinḍre din hilokʼ reakʼ samaṅokʼakʼ lạgitʼ mukhiyạko do akoakʼ sandesko ạguima.”
12Pạhil hilokʼ okoeṭakʼ mukhiyạ acʼakʼ sandese ạguketʼ uni doe hoyokʼ kana Jihudạ gusṭiren matha Aminadabren hopon Nahason. 13Uniyakʼ sandes do jomakʼ samaṅokʼakʼ lạgitʼ sunumte sipiyakʼ holoṅ ar mitʼ keji pesae gram ojon reakʼ mitʼṭecʼ rupạ thạri ar eae sae gram ojon rupạ reakʼ mitʼṭecʼ bạṭi; 14dhupte perecʼ mitʼsae gram ojon sona reakʼ mitʼṭecʼ thạri; 15jeredokʼ samaṅokʼ lạgitʼ mitʼṭen ḍaṅgra, mitʼṭen bheḍa, mitʼ bochor umerren mitʼṭen bheḍa hopon; 16kại ńutumte samaṅokʼ lạgitʼ mitʼṭen merom boda; 17sulukren samaṅokʼ lạgitʼ barea ḍaṅgra, mõṛẽ goṭen bheḍa, mõṛẽ goṭen merom boda ar mitʼ bochor umerren mõṛẽ goṭen bheḍa hopon. Noko joto do Aminadabren hopon Nahasonren sandesko tahẽkana.
18Dosar hilokʼ Isakar gusṭiren mukhiyạ Juarren hopon Nethanel do acʼakʼ sandese ạgukeda. 19Uniyakʼ sandes do tahẽkana sunumte sipiyakʼ holoṅ ar mitʼ keji pesae gram ojon reakʼ mitʼṭecʼ rupạ thạri ar eae sae gram ojon rupạ reakʼ mitʼṭecʼ bạṭi; 20dhupte perecʼ mitʼsae gram ojon reakʼ mitʼṭecʼ sona reakʼ thạri; 21jeredokʼ samaṅokʼ lạgitʼ mitʼṭen ḍaṅgra, mitʼṭen bheḍa, mitʼṭen mitʼ bochor umerren bheḍa hopon; 22kại ńutumte samaṅokʼ lạgitʼ mitʼṭen merom boda; 23sulukren samaṅokʼ lạgitʼ barea ḍaṅgra, mõṛẽ goṭen bheḍa, mõṛẽ goṭen merom boda ar mitʼ bochor umerren mõṛẽ goṭen bheḍa hopon. Noko do Juarren hopon Nethanelren sandesko tahẽkana.
24Tesar hilokʼ Sebulon gusṭiren mukhiyạ Helonren hopon Eliab do acʼakʼ sandese ạgukeda. 25Uniyakʼ sandes do tahẽkana jomakʼ samaṅokʼ lạgitʼ sunumre sipiyakʼ holoṅ, mitʼ keji pesae gram ojon reakʼ mitʼṭecʼ rupạ thạri ar eae sae gram ojon mitʼṭecʼ rupạ reakʼ bạṭi; 26ar dhupte perecʼ mitʼsae gram ojon sona reakʼ mitʼṭecʼ thạri; 27jeredokʼ samaṅokʼ lạgitʼ mitʼṭen ḍaṅgra, mitʼṭen bheḍa, mitʼ bochor umerren mitʼṭen bheḍa hopon; 28kại ńutumte samaṅokʼ lạgitʼ mitʼṭen merom boda; 29sulukren samaṅokʼ lạgitʼ barea ḍaṅgra, mõṛẽ goṭen bheḍa, mõṛẽ goṭen merom boda ar mitʼ bochor umerren mõṛẽ goṭen bheḍa hopon. Noko do Helonren hopon Eliabren sandesko tahẽkana.
30Ponakʼ dinre Ruben gusṭiren mukhiyạ Sedeurren hopon Elisur do sandese ạgukeda. 31Uniyakʼ sandes do tahẽkana jomakʼ samaṅokʼ lạgitʼ sunumre sipiyakʼ holoṅ, mitʼ keji pesae gram ojon reakʼ mitʼṭecʼ rupạ thạri ar eae sae gram ojon reakʼ mitʼṭen rupạ reakʼ bạṭi; 32dhupte perecʼ mitʼsae gram ojon sona reakʼ mitʼṭecʼ thạri; 33jeredokʼ samaṅokʼ lạgitʼ mitʼṭen ḍaṅgra, mitʼṭen bheḍa, mitʼ bochor umerren mitʼṭen bheḍa hopon; 34kại ńutumte samaṅokʼ lạgitʼ mitʼṭen merom boda; 35sulukren samaṅokʼakʼ lạgitʼ barea ḍaṅgra, mõṛẽ goṭen bheḍa, mõṛẽ goṭen merom boda ar mitʼ bochor umerren mõṛẽ goṭen bheḍa hopon. Noko do Sedeurren hopon Elisurren sandesko tahẽkana.
36Mõṛẽakʼ dinre Simeon gusṭiren mukhiyạ Surisadalren hopon Selumiel do acʼakʼ sandese ạgukeda. 37Uniyakʼ sandes do tahẽkana jomakʼ samaṅokʼ lạgitʼ sunumre sipiyakʼ holoṅ, mitʼ keji pesae gram ojon reakʼ mitʼṭen rupạ thạri ar eae sae gram ojon reakʼ mitʼṭecʼ rupạ reakʼ bạṭi; 38ar dhupte perecʼ mitʼsae gram ojon sona reakʼ mitʼṭecʼ thạri; 39jeredokʼ samaṅokʼ lạgitʼ mitʼṭen ḍaṅgra, mitʼṭen bheḍa, mitʼ bochor umerren mitʼṭen bheḍa hopon; 40kại ńutumte samaṅokʼ lạgitʼ mitʼṭen merom boda; 41sulukren samaṅokʼ lạgitʼ barea ḍaṅgra, mõṛẽ goṭen bheḍa, mõṛẽ goṭen merom boda ar mitʼ bochor umerren mõṛẽ goṭen bheḍa hopon. Noko do Surisadalren hopon Selumielren sandesko tahẽkana.
42Turuiyakʼ dinre Gad gusṭiren mukhiyạ Deuelren hopon Eliasaph do sandese ạgukeda. 43Uniyakʼ sandes do tahẽkana jomakʼ samaṅokʼ lạgitʼ sunumre sipiyakʼ holoṅ, mitʼ keji pesae gram ojon reakʼ mitʼṭecʼ rupạ thạri ar eae sae gram ojon reakʼ mitʼṭecʼ rupạ reakʼ bạṭi; 44dhupte perecʼ mitʼsae gram ojon sona reakʼ mitʼṭecʼ thạri; 45jeredokʼ samaṅokʼ lạgitʼ mitʼṭen ḍaṅgra, mitʼṭen bheḍa, mitʼ bochor umerren mitʼṭen bheḍa hopon; 46kại ńutumte samaṅokʼ lạgitʼ mitʼṭen merom boda; 47sulukren samaṅokʼakʼ lạgitʼ barea ḍaṅgra, mõṛẽ goṭen bheḍa, mõṛẽ goṭen merom boda ar mitʼ bochor umerren mõṛẽ goṭen bheḍa hopon. Noko do Deuelren hopon Eliasaphakren sandesko tahẽkana.
48Eaeakʼ dinre Ephrayim gusṭiren mukhiyạ Amihudren hopon Elisama do acʼakʼ sandese ạgukeda. 49Uniyakʼ sandes do tahẽkana jomakʼ samaṅokʼ lạgitʼ sunumre sipiyakʼ holoṅ, mitʼ keji pesae ojon reakʼ mitʼṭecʼ rupạ thạri ar eae sae gram ojon reakʼ mitʼṭecʼ rupạ reakʼ bạṭi; 50dhupte perecʼ mitʼsae gram ojon sona reakʼ mitʼṭecʼ thạri; 51jeredokʼ samaṅokʼ lạgitʼ mitʼṭen ḍaṅgra, mitʼṭen bheḍa, mitʼ bochor umerren mitʼṭen bheḍa hopon; 52kại ńutumte samaṅokʼ lạgitʼ mitʼṭen merom boda; 53sulukren samaṅokʼ lạgitʼ barea ḍaṅgra, mõṛẽ goṭen bheḍa, mõṛẽ goṭen merom boda ar mitʼ bochor umerren mõṛẽ goṭen bheḍa hopon. Noko do Ephrayemren hopon Elisamaren sandesko tahẽkana.
54Irạlakʼ dinre Manase gusṭiren mukhiyạ Pedasurren hopon Gamaliel do acʼakʼ sandese ạgukeda. 55Uniyakʼ sandes do tahẽkana jomakʼ samaṅokʼ lạgitʼ sunumre sipiyakʼ holoṅ, mitʼ keji pesae gram ojon reakʼ mitʼṭecʼ rupạ thạri ar eae sae gram ojon reakʼ mitʼṭecʼ rupạ reakʼ bạṭi; 56dhupte perecʼ mitʼsae gram ojon sona reakʼ mitʼṭecʼ thạri; 57jeredokʼ samaṅokʼ lạgitʼ mitʼṭen ḍaṅgra, mitʼṭen bheḍa, mitʼ bochor umerren mitʼṭen bheḍa hopon; 58kại ńutumte samaṅokʼ lạgitʼ mitʼṭen merom boda; 59sulukren samaṅokʼakʼ lạgitʼ barea ḍaṅgra, mõṛẽ goṭen bheḍa, mõṛẽ goṭen merom boda ar mitʼ bochor umerren mõṛẽ goṭen bheḍa hopon. Noko do Pedasurren hopon Gamalielren sandesko tahẽkana.
60Areakʼ dinre Benjạmin gusṭiren mukhiyạ Gideonren hopon Abidan do acʼakʼ sandese ạgukeda. 61Uniyakʼ sandes do tahẽkana jomakʼ samaṅokʼ lạgitʼ sunumre sipiyakʼ holoṅ, mitʼ keji pesae gram ojon mitʼṭecʼ rupạ reakʼ thạri ar eae sae gram ojon reakʼ mitʼṭecʼ rupạ reakʼ bạṭi; 62dhupte perecʼ mitʼsae gram ojon sona reakʼ mitʼṭecʼ thạri; 63jeredokʼ samaṅokʼ lạgitʼ mitʼṭen ḍaṅgra, mitʼṭen bheḍa, mitʼ bochor umerren mitʼṭen bheḍa hopon; 64kại ńutumte samaṅokʼ lạgitʼ mitʼṭen merom boda; 65sulukren samaṅokʼ lạgitʼ barea ḍaṅgra, mõṛẽ goṭen bheḍa, mõṛẽ goṭen merom boda ar mitʼ bochor umerren mõṛẽ goṭen bheḍa hopon. Noko do Gideonren hopon Abidanren sandesko tahẽkana.
66Gelakʼ dinre Dan gusṭiren mukhiyạ Amisadaeren hopon Ahieser do acʼakʼ sandese ạgukeda. 67Uniyakʼ sandes do tahẽkana jomakʼ samaṅokʼ lạgitʼ sunumre sipiyakʼ holoṅ, mitʼ keji pesae gram ojon mitʼṭecʼ rupạ reakʼ thạri ar eae sae gram ojon reakʼ mitʼṭecʼ rupạ reakʼ bạṭi; 68dhupte perecʼ mitʼsae gram ojon sona reakʼ mitʼṭecʼ thạri; 69jeredokʼ samaṅokʼ lạgitʼ mitʼṭen ḍaṅgra, mitʼṭen bheḍa, mitʼ bochor umerren mitʼṭen bheḍa hopon; 70kại ńutumte samaṅokʼ lạgitʼ mitʼṭen merom boda; 71sulukren samaṅokʼ lạgitʼ barea ḍaṅgra, mõṛẽ goṭen bheḍa, mõṛẽ goṭen merom boda ar mitʼ bochor umerren mõṛẽ goṭen bheḍa hopon. Noko do Amisadaeren hopon Ahieserren sandesko tahẽkana.
72Gelmitʼakʼ dinre Aser gusṭiren mukhiyạ Okranren hopon Pạgiel do acʼakʼ sandese ạgukeda. 73Uniyakʼ sandes do tahẽkana jomakʼ samaṅokʼ lạgitʼ sunumre sipiyakʼ holoṅ, mitʼ keji pesae gram ojon reakʼ mitʼṭecʼ rupạ thạri ar eae sae gram ojon reakʼ mitʼṭecʼ rupạ reakʼ bạṭi; 74dhupte perecʼ mitʼsae gram ojon sona reakʼ mitʼṭecʼ thạri; 75jeredokʼ samaṅokʼ lạgitʼ mitʼṭen ḍaṅgra, mitʼṭen bheḍa, mitʼ bochor umerren mitʼṭen bheḍa hopon; 76kại ńutumte samaṅokʼ lạgitʼ mitʼṭen merom boda; 77sulukren samaṅokʼakʼ lạgitʼ barea ḍaṅgra, mõṛẽ goṭen bheḍa, mõṛẽ goṭen merom boda ar mitʼ bochor umerren mõṛẽ goṭen bheḍa hopon. Noko do Okranren hopon Pạgielren sandesko tahẽkana.
78Gelbar dinre Napthali gusṭiren mukhiyạ Enanren hopon Ahira do acʼakʼ sandese ạgukeda. 79Uniyakʼ sandes do tahẽkana jomakʼ samaṅokʼ lạgitʼ sunumre sipiyakʼ holoṅ, mitʼ keji pesae gram ojon reakʼ mitʼṭecʼ rupạ reakʼ thạri ar eaesae gram ojon reakʼ mitʼṭecʼ rupạ reakʼ bạṭi; 80dhupte perecʼ mitʼsae gram ojon sona reakʼ mitʼṭecʼ thạri; 81jeredokʼ samaṅokʼ lạgitʼ mitʼṭen ḍaṅgra, mitʼṭen bheḍa, mitʼ bochor umerren mitʼṭen bheḍa hopon; 82kại ńutumte samaṅokʼ lạgitʼ mitʼṭen merom boda; 83sulukren samaṅokʼ lạgitʼ barea ḍaṅgra, mõṛẽ goṭen bheḍa, mõṛẽ goṭen merom boda ar mitʼ bochor umerren mõṛẽ goṭen bheḍa hopon. Noko do Enanren hopon Ahiraren sandesko tahẽkana.
84Ojokʼ bahalokʼ reakʼ sunumte pinḍ reakʼ samaṅokʼ porob ehopʼ tayom Israelren mukhiyạko oka sandesko ạguletʼ ona do hoyokʼ kana gelbar goṭecʼ rupạ reakʼ thạri, gelbar goṭecʼ rupạ reakʼ bạṭi ar gelbar goṭecʼ sona reakʼ huḍiń thạri. 85Dhorom reakʼ ojon lekate mimitʼ goṭecʼ rupạ thạri reakʼ ojon do mitʼ keji pesae gram ar mimitʼ goṭecʼ rupạ bạṭi reakʼ ojon do eae sae gram tahẽkana. Rupạ reakʼ ojon do jotote bargel pon keji tahẽkana. 86Dhorom reakʼ ojon lekate dhupte perecʼ sona reakʼ mimitʼ goṭecʼ huḍiń thạri reakʼ ojon do tahẽkana mitʼsae gram. Gelbar goṭecʼ sona reakʼ ojon do jotote mitʼ keji barsae gram tahẽkana. 87Ona chaḍa jeredokʼ samaṅokʼ lạgitʼ jotote gelbar goṭen ḍaṅgra, gelbar goṭen bheḍa ar mitʼ bochor umerren gelbar goṭen bheḍa hoponko tahẽkana. Noako sãote jomakʼ samaṅokʼakʼ jinisko hõ tahẽkana. Kại ńutumte samaṅokʼakʼ lạgitʼ do gelbar goṭen merom bodako tahẽkana. 88Sulukren samaṅokʼakʼ lạgitʼ do jotote bargel ponea ḍaṅgra, turui gel bheḍa, turui gel merom boda ar turui gel mitʼ bochor umerren bheḍa hopon. Noako do pinḍ ojokʼ bahal tayom samaṅokʼakʼ lạgitʼ ar sanamakʼ sandes lạgitʼko ạgu ocolena.
89Ona tayom Mose do tinre Probhu Isor tulucʼ galmarao lạgitʼ ńapamokʼ tạmbuteye bolokʼkan tahẽkana unre sekʼwa sindukre menakʼ daya duṛupʼakʼ cetan Kerubkin tala khon uniyakʼ aṛaṅ do Moseye ańjometʼ tahẽkana. Ar nonkate Probhu Isor do Mose tulucʼe galmaraoetʼ tahẽkana.
Santali Bible © Bangladesh Bible Society, 2021.