Levitikus 20
20
Kại reakʼ sạjại
1-2Ona tayom Probhu Isor do Mose Israelko noa katha galmaraoakoe metadea, “Jãhãe Israel se Israel talareko girobasokʼ kan eṭakʼ jạtren jãhãe hoṛge Molok debota ṭhen acʼren hopon se hoponerae samaṅe enḍekhan uni do gocʼ giḍikae hoyokʼa. Ar disạmren hoṛge uni do dhiriteko tiń gojema. 3Uni do mẽtʼ ar mẽtʼteń ńelea, ente uni jạtrenko khon uni doń marao giḍiyea, ente Molok debota ṭhen acʼren gidrại samaṅedete ińakʼ sonot tạmbui bhõnḍ ocoyeda ar ińakʼ ńutum hõe besonot ocoyetʼkana. 4Molok debota ṭhen hopontetʼe samaṅe jokhecʼ disạmren hoṛko ńeńel tulucʼ hõ bako ńeńel ar samaṅetʼkạnicʼ hõ bako goje, 5enḍekhan uni samaṅetʼkạnicʼ ar uni gharońjrenko do mẽtʼ ar mẽtʼteń ńelkoa. Uni ar acʼ sãotenko okoe do ińre pạtiạu baṅkate Molok debota ṭhen jamaṛ akan menakʼko onko do Israel jạtrenko khoniń meṭao giḍikoa.
6“Okoe hoṛ ińre pạtiạu doho baṅkate bhutko tulucʼ se bạṛicʼ jiuko tulucʼ jopoṛao menakʼtae nonkan hoṛko ṭhene ạkhrińokʼ enḍekhan uni do mẽtʼ ar mẽtʼteń ńeleya ar uniyakʼ jạtrenko khoniń meṭao giḍikaea. 7Iń ńutumte begarokʼte sonotko hoyokʼpe, ente iń kangeạń aperen Probhu Isor do. 8Ińakʼ niạmko sapʼ dohoype ar onaleka calakʼpe. Iń kangeạń aperen Probhu Isor do, ar iń lạgitʼge ape doń begar dohoakatʼpea.
9 #
Exo 21.17; Mat 15.4; Mrk 7.10 “Jãhãeakʼ kathare gogo ar baba lạgitʼ bemanot tahen uni do khạṭigeye gocʼ ocokʼa. Ar ona bemanot iạte gujukʼ do apnargeye dạyikana.
10 #
Exo 20.14; Lev 18.20; Bib 5.18 “Jãhãege acʼ aḍepaseren maejiu sãote, metakʼme eṭakʼ jãhãe hoṛren bạhu sãote aloe laṭghaṭ ma, ar baṅ khan laṭghaṭicʼ ar loṭghuṭiyicʼ unkin bana hoṛgekin gocʼ ocokʼa. 11#Lev 18.8; Bib 22.30; 27.20Okoe acʼren kạki gogo tulucʼe giticʼmidokʼ uni do apattetʼe bemanot edekana. Are onka lekhan uni ar acʼren kạki gogo banarge gocʼkin hoyokʼa. Ar unkin do gujukʼ lạgitʼ apnarge dạyikin hoyokʼa. 12#Lev 18.15Jãhãege kimintetʼ sãoteye giticʼmidokʼ enḍekhan unkin bana hoṛge gocʼkin hoyokʼa. Unkinakʼ giticʼ midokʼ do baṅ ganokʼa. Ar ạkinakʼ gujukʼ lạgitʼ do apnarge dạyikin hoyokʼa. 13#Lev 18.22Maejiu tulucʼ giticʼmidokʼ leka jãhãe herel hoṛ do herel tulucʼe giticʼmidokʼ enḍekhan ona do hirkhạ utạrakʼ kạmi hoyokʼa. Ar onate unkin do gocʼkin hoyokʼa. Ar ạkinakʼ gujukʼ lạgitʼ do apnarge dạyikin hoyokʼa. 14#Lev 18.17; Bib 27.23Okoe hoṛ jãhãe hoponera ar uniren eṅgattetʼe baplakin uniyakʼ ona do hirkhạwakʼ kạmige hoyokʼtaea. Ar jãhãe onkanakʼe kạmi khan uni hoṛ ar unkin eṅgahon jotoge seṅgelre khadleko hoyokʼa jemon nonkan hirkhạwakʼ kạmi ape talare ar alo hoyokʼ. 15#Exo 22.19; Lev 18.23; Bib 27.21Jãhãe hoṛ janwar sãoteye laṭghaṭ lekhan uni hoṛ ar janwar banarge gocʼkin hoyokʼa. 16Janwar sãote jãhãe maejiue laṭghaṭ lekhan maejiu ar uni janwar banarge gocʼkin hoyokʼa. Unkin do gocʼ kintege hoyokʼa. Ar ạkinge ona gujukʼren dạyikin hoyokʼa.
17 #
Lev 18.9; Bib 27.22 “Nijạr miserat se kạki gogoren kuṛi baplayete uni tulucʼe giticʼmidokʼ noa do mitʼṭecʼ lajao paṛaoakʼ kạmi hoyokʼa. Uni misera do baṅ doe eṅgat secʼren kan ar baṅ doe apat secʼren kan ona do baṅ ganokʼa. Ar okoe onakoe onkae onko do hoṛ samaṅreko gocʼ ocokʼa. Ar miseratetʼe bemanot ocoyedete uni hoṛ do dạyireye paṛaokʼa. 18#Lev 18.19Jãhãe maejiuakʼ candoteakʼ hoyokʼkantae oktere uni sãote jãhãeye giticʼmidokʼte maejiuakʼ jãhãn morjada bae emakʼ ar uni maejiu hõ apnarte morjada bae dohoy. Enḍekhan unkin do jạtrenko khonkin marao ocokʼa. 19#Lev 18.12-14Okoehõ jemon eṅgattetʼren boeha kuṛi se hatomtetʼ sãote aloe giticʼmidokʼ. Noa iạte peṛakʼ reakʼ bemanotakʼge hoyokʼa. Ar noa iạte unkin do dạyirekin paṛaokʼa. 20Jãhãege kạkit era se goṅgot era sãoteye giticʼmidokʼ enḍekhan uni do kakattetʼ ar mamottetʼ tạkine bemanotkinạ. Ona iạte unkin do bana hoṛge dạyikin hoyokʼa. Ar unkin do begor gidrạwantege kin gujukʼa. 21#Lev 18.16Boeha jiwetʼ tahenre jãhãege uniren bạhui baplaye uni do mitʼṭecʼ hirkhạwakʼgeye kạmiya. Ar nonkate acʼren boeha doe bemanot ocoyea. Ar unkinren do cele gidrạge bako hoyokʼtạkina.
22“Oka disạmteń idiyetʼpe ona disạm jemon aloe ulạ giḍikape ona lạgitʼ ińakʼ niạm ar ạn-ạriko manao hoyokʼtapea. 23Ape samaṅ khon okoe jạtrenkoń laga ńirko onko leka do alope colona. Onkoakʼ colon iạte onko do hirkhạ mẽtʼteń ńeletʼkoa. 24Iń doń metatʼpe tahẽkana, onkoakʼ disạm do apeakʼge hoyokʼa. Iń do toa, dumur rasa ạtukʼkan ona disạmge ạidạri menkateń emapea. Iń kangeạń aperen Probhu Isor do. Ińge eṭakʼ sanam jạtrenko khoniń begar dohoakatʼpea. 25Ona iạte janwarko ar cẽṛẽko modren okoe doko saphakokan ar okoe doko besaphage onkope begarkoa. Okoe janwarko se cẽṛẽko se otreko ạcur baṛaekan kạṭicʼ jiwiyanko modre iń do besaphakoń begar akatʼko, onko modren okoeṭakʼte hõ jemon hirkhạwanko alope hoyokʼ. 26Iń Probhu Isor doń sonotgete ape hõ sonotko hoyokʼpe; ar ińge ińren hoṛ hoyokʼ lạgitʼ eṭakʼ jạtrenko khoniń begar akatʼpea.
27“Jãhãe herel hoṛ se maejiu hoṛ bhutko se bạṛicʼ jiuko tulucʼ helmelko dohoy enḍekhan onko doko gocʼ ocokʼa. Onko do dhiriteko tiń gocʼ ocokʼa. Ar akoakʼ gujukʼ lạgitʼ do akogeko dạyikokʼa.”
Santali Bible © Bangladesh Bible Society, 2021.