Levitikus 19
19
Eṭakʼ niạmko
1-2 #
Lev 11.44,45; 1 Pat 1.16 Probhu Isor do Mose Israelko galmaraoako lạgitʼe metadea, “Iń aperen Probhu Isor doń sonotgete apehõ sonotko hoyokʼpe. 3#Exo 20.12; Bib 5.16; Exo 20.8; Bib 5.12Aperen gogo-baba manotkope ar ińakʼ jirạukʼ mãhã manaope. Iń kangeạń aperen Probhu Isor do. 4#Lev 26.1; Exo 20.23; 34.17; Bib 17.2-5Boṅga sekʼwa do baṅ ganokʼtapea se apnarakʼ dewa sewae lạgitʼ tite jãhãn debota do alope benao joṅa. Iń kangeạń aperen Probhu Isor do.
5“Probhu Isor ńutumte sulukren samaṅokʼakʼpe samaṅre Probhu Isor jemon ape cetanreye kusikʼ onkape kạmiya. 6Porob hilokʼ se ona dosar hilokʼ bhitrire uni samaṅakadeyicʼ reakʼ jel do jom cabae hoyokʼtapea. Ar tesar hilokʼ hõ jodi thoṛa sarecʼ tahen enḍekhan ona dope atar giḍikakʼa, 7ente tesar hilokʼ ona jel do besaphawakʼ hoyokʼa. Ar jãhãe ona jele jom enḍekhan Probhu Isor do ona samaṅokʼakʼ bae ataṅtaea. 8Okoe onae jom ona behokakʼ iạte uni do dạyireye paṛaokʼa, ente onate ińakʼ sonot jinis do besonotakʼ hoyokʼa. Ar uni hoṛ do acʼ jạtrenko khone marao ocokʼa.
9 #
Lev 27.15; Bib 24.19-22 “Phosol ir jokhecʼ aṛe reakʼ phosolko alope ira ar khetre okako ńur tahen ona hõ alope halaṅa. 10Darkha khet khon darkha gotʼ tayom ona khon darkha alope gotʼ dohṛaea ar ńur akan darkha jo hõ alope halaṅa. Ona do reṅgecʼ orecʼko ar eṭakʼ jạtren hoṛko lạgitʼpe sarecʼ oṭokakʼa. Ar iń kangeạń aperen Probhu Isor do.
11 #
Exo 20.15; Bib 5.19;
Exo 20.16; Bib 5.20 “Alope kombṛoya, okoehõ alope ṭhokakoa ar eṛe hõ alope roṛa. 12#Exo 20.7; Bib 5.11; Mat 5.33Iń ńutumte eṛe eṛe alope kiriạkʼa ar aperen Isorakʼ ńutum alope besonota. Iń kangeạń aperen Probhu Isor do.
13 #
Bib 24.14,15 “Am aḍepaseren hoṛ alom julumea ar jãhãnakʼ alom rejeya. Khaṭaoicʼ reakʼ mujuri do enhilokʼge emkataeme; ona do setakʼ hạbicʼ alom doho aṅgaea. 14#Bib 27.18Luturte bae ańjom hoṛ do alogepe sarapaea ar mẽtʼte bae ńeńelkạnicʼ hõ alope tohotʼ ocoyea. Ape do aperen Isor botoraepe. Iń kangeạń aperen Probhu Isor do.
15 #
Exo 23.6-8; Bib 16.19 “Behok lekate alope bicạra. Bicạr do alope kạṭicʼ lạṭuya; menkhan mimitʼko lạgitʼ hok reakʼ bicạr chinḍạupe. 16Okoe hoṛakʼ hõ alom nindạua. Ar am aḍepaseren hoṛakʼ jiwi upạrte hõ alom teṅgona. Iń kangeạń aperen Probhu Isor do.
17 #
Mat 18.15
“Eṭakʼko cetanre amakʼ monre kurud alom dohoya. Eṭakʼkoakʼ dosko menakʼ khan udukʼakome jemon ona iạte dusire amhõ alom paṛaokʼ. 18#Mat 5.43; 19.19; 22.39; Mrk 12.31; Luk 10.27; Rom 13.9; Gal 5.14; Jak 2.8Alom hala hạliya, se okoe cetanre hõ monre khĩs alom dohoya. Ar am aḍepaseren hoṛ do apnar lekam dulạṛea. Iń kangeạń aperen Probhu Isor do.
19 #
Bib 22.9-11
“Ińakʼ niạm manaope. Ar judạ judạ jạtren janwarko alope (otoṅ) milạu mitʼ ocokoa. Mitʼ khetre bar lekan itạ hõ alope era. Ar bar lekan sutạm reakʼ teńakʼ kicricʼ hõ alope horoga.
20“Eṭakʼicʼ sãote baplakʼ reakʼ ṭhik akantae ar ṭakate bae chaḍao ocoakan nonkan jãhãe kạ̃ṛmĩ sãote jãhãegeye giticʼmidokʼ enḍekhan uni do sạjạiye hoyokʼa. Ar unkin do bakin gocʼ ocokʼa ente kuṛi do bae chaḍao ocoakana. 21Menkhan uni hoṛ do Probhu Isor ńutumte dos reakʼ samaṅokʼakʼ menkate ńapamokʼ tạmbu reakʼ duạr ṭhen mitʼṭen bheḍa ạguiye hoyokʼtaea. 22Ar naeke do dos ńutumtren uni bheḍa Probhu Isor samaṅreye ạguiyea ar uniyakʼ kại reakʼe puruchuna. Onate uniyakʼ kại do ikạkʼtaea.
23“Apeakʼ disạmre senkate jãhãn jo darepe rohoe lekhan pe bochor hạbicʼ ona reakʼ jo do bin khatna akan leka hudispe. Ar onako dinre ona reakʼ jo jom do baṅ ganokʼtapea. 24Ponakʼ bochorre dare reakʼ sanam jo do Probhu Isorakʼ ṭhonok lạgitʼ uni ńutumte samaṅpe. 25Ar mõṛẽakʼ bochor khon ona dare reakʼ jo dope jom daṛeakʼa. Onate apeakʼ darekore do ḍher jo jokʼa. Iń kangeạń aperen Probhu Isor do.
26 #
Gen 9.4; Lev 7.26,27; 17.10-14; Bib 12.16,23; 15.23;
Bib 18.10
“Mãyãm sudhạ jãhãn jel alope joma. Alope guniya ar alope bhabaoa. 27#Lev 21.5; Bib 14.1Bohokʼ reakʼ beṛhaete alope kaṭopʼ ạcura ar goco hõ alope bạṛija. 28Gocʼ hoṛko lạgitʼ rakʼ homor jokhecʼ hoṛmo alope getʼ cirạkʼa. Hoṛmore khodạ se sikạ hõ alope sikạkʼa. Iń kangeạń aperen Probhu Isor do.
29 #
Bib 23.17
“Amren hoponera do kusumbi alom hoeocoyea. Arem onka ocoye khan disạmre kusumbiko ḍher idikʼte mucạtʼre disạm do nosṭamite perejokʼa. 30#Lev 26.2Ińiń hukum akatʼ jirạukʼ mãhã reakʼ dinko manaope ar ińakʼ ḍera tạmbu do sonot dohoype. Iń kangeạń aperen Probhu Isor do.
31 #
Bib 18.11; 1 Sam 28.3; 2 Raj 23.4; Jes 8.19 “Okoe gocʼ hoṛkoe ḍakaoko uni ṭhen do alope calakʼa, ente uni do apeye bhõnḍpea. Iń kangeạń aperen Probhu Isor do.
32“Haṛam hoṛkoko hecʼlenre teṅgokʼpe ar onko manotkope. Ar aperen Isor botoraepe. Iń kangeạń aperen Probhu Isor do.
33 #
Exo 22.21; Bib 24.17,18; 27.19 “Ape talareko girobasokʼkan eṭakʼ jạtren hoṛko sãote bạṛicʼ alope beohara. 34Apnar jạtrenko sãote cetʼlekape beoharetʼ onkage onko sãote hõ beoharpe. Ar apnar leka dulạṛkope, ente ape hõ Misorrenko talare upriạpe tahẽkana. Iń kangeạń aperen Probhu Isor do.
35 #
Bib 25.13-16; Kạh 20.10; Jeh 45.10 “Bicạr reakʼ ray emokʼre se jeleńakʼ jãhãnakʼ jokhaere se jãhãn hamalakʼ sosoṅre alope behoka. 36Apeakʼ tulạ, baṭkhara ar eṭakʼakʼ sosoṅakʼ jinisko do jotoge jemon ṭhik leka tahentape. Iń kangeạń aperen Probhu Isor do. Misor disạm khon ińgeń oḍok ạguakatʼpea. 37Ińakʼ sanam niạmko manaope ar ińakʼ sanam ạn-ạriko dohoype. Iń kangeạń aperen Probhu Isor do.”
Santali Bible © Bangladesh Bible Society, 2021.