Jesaea 2
2
Jaejug reakʼ suluk
(Mikạ 4.1-3)
1Jihudạ ar Jerusalem babotre Amosren hopon Jesaea okae ńelletʼ ona do niạ kana:
2Mucạtʼ dinre sanam buruko modre
ona buruge joto khon usulteye rakapʼ ocokʼa
one okare Probhu Isorakʼ oṛakʼ menakʼ.
Huḍiń buru boṭkocʼko khon
uni do usulteye rakapʼ ocokʼa,
ar sanam jạtrenko do ạtukʼ dakʼ leka uni secʼko ạtu calakʼa.
3Jạt jạtren hoṛ do hecʼkateko mena,
“Dela, abo do Probhu Isorakʼ burute bon rakapʼlenge,
dela, Jakobren Isorakʼ oṛakʼte bon calakʼa.
Uni do acʼakʼ hor reaṅe cetʼabona
ar uniyakʼ horte bon taṛama.”
Onko do noa kathako mena, ente Sion khon do hukum emogokʼa
ar Jerusalem khon do Probhu Isorakʼ kathage.
4 #
Joe 3.10; Mik 4.3 Uni do boṅgan hoṛ jạtrenko talareye bicạra;
ar aema jạtrenko talare hok reakʼe bicạr chinḍạutakoa.
Onko do akoakʼ tarwaṛe rạputʼkate nahel reakʼ phalko benaojoṅa
ar borlom rạputʼkate do datromkoge.
Mitʼ jạtrenko do eṭakʼ jạtrenko upạrte tarwaṛe ar bako rakaba;
onko do lạṛhại hõ ar bako lạṛhạiya.
5E Jakob bõsrenko, dela hijukʼpe;
dela, Probhu Isorakʼ marsalre bon dãṛãnma.
Probhu Isorakʼ din
6Am do amren hoṛko, metakʼme Jakobren hoponkom bạgi giḍi akatʼkoa. Onko do purub disạmren ojhakoteko perecʼ akana; Philisṭiko leka onko do jạdu biddạko kusiyakʼ kana ar eṭakʼ jạtrenko sãote tiko milạu akada. 7Disạm do sona ar rupạte perecʼgea, onkoakʼ dhon durib do asambheṛgea. Onkoakʼ disạm do sadomkote perecʼgea ar rãt gạḍi hõ alekha menakʼtakoa. 8Ona chaḍa disạm do boṅga murtikote perecʼgetakoa. Onko do akoakʼ tite benaoakʼ jinisko sewawakʼ kana, ar kạṭupʼte okako benaoetʼkan onageko ḍobokʼakʼ kana. 9Onatege hoṛko doko tumbutʼ ocokʼa ar sanamkogeko copotʼ ocokʼa. Onko do alogem ikạkoa.
10 #
Sod 6.15; 2 Th 1.9 Probhu Isorakʼ botoranakʼ edre ar uniyakʼ ṭhonok reakʼ malkaokʼ khon rukhiyạ ńam lạgitʼ maraṅ maraṅ dhiri paṛakʼkore bolokʼpe, ar otre okokʼpe. 11Ar gorbokʼkan hoṛakʼ beṅgetʼ do tumbutʼ hape ocokʼa hoṛkoakʼ bạḍại do copotʼ ocokʼa.
12Phạdkoren Probhu Isor do gorbokʼ ar bạḍại udukʼetʼ hoṛko ar cetanre menakʼko onko sanamko lạgitʼ mitʼṭecʼ dine ṭhik dohoakada; enhilokʼ do jotogeko tumbutʼ ocokʼa. 13Lebanon reakʼ sanam jeleń ar usul debdạru dareko ar Bason reakʼ sanam Elon dareko do copotʼ ocokʼa; 14ona chaḍa sanam maraṅ maraṅ buruko, 15mitʼke mitʼ usul pahra oṛakʼko, mitʼke mitʼ keṭecʼ pạcriko, 16sanam Tạrsis-jahajko ar mitʼke mitʼ jakjomok jahajko do copotʼ ocokʼa. 17Manwakoakʼ gorbokʼ do copotʼ ocokʼtakoa ar hoṛkoakʼ bạḍại hõ copotʼ ocokʼa. Enhilokʼ do eken Probhu Isorgeye manot ocokʼa, 18ar boṅga murtiko doko marao utạrokʼa.
19Probhu Isor do tinre dhạrtiren hoṛko botor udukʼako lạgitʼe hijukʼa unre uniyakʼ botoranakʼ edre ar uniyakʼ ṭhonok reakʼ jhalkaokʼ khon rukhiyạ ńam lạgitʼ hoṛko do buru dander ar ot reakʼ bhugạkʼteko bolokʼa.
20Enhilokʼ hoṛko do oneko pujạwako kan sona ar rupạte benao murtiko do cũd ar bạduṛ ṭhenko giḍikakoa.
21Probhu Isor do tinre dhạrtiren hoṛko botor udukʼako lạgitʼe hijukʼa unre uniyakʼ botoranakʼ edre ar uniyakʼ ṭhonok reakʼ malkaokʼ khon bańcaokʼ lạgitʼ maraṅ maraṅ dhiri ciritʼre ar buru reakʼ paṛakʼreko bolokʼa.
22Manwako cetanre do alope bhorsakʼa. Uniyakʼ jiwi ma uniyakʼ mũ reakʼ sahẽtʼ chaḍa ar cetʼge baṅkan; uniyakʼ do cetʼ damge bạnukʼtaea.
Santali Bible © Bangladesh Bible Society, 2021.